Meghasandesam Serial Today April 1st: ‘మేఘసందేశం’ సీరియల్‌: భూమికి ఆస్థి మొత్తం రాసిచ్చిన శరత్‌ - అయోమయంలో నక్షత్ర, అపూర్వ  

Meghasandesam serial today episode April 1st: భూమికి ఆస్థి మొత్తం రాసివ్వడంతో అపూర్వ, నక్షత్రకు ఏం చేయాలో అర్థం కాదు. దీంతో ఇవాళ్టీ ఏపిసోడ్‌ చాలా ఆసక్తిగా జరిగింది.  

మేఘసందేశం సీరియల్ టుడే ఎపిసోడ్

Source : Image Credit: ZEE5.com

Meghasandesam Serial Today Episode: అపూర్వ మీద నక్షత్ర కోపంగా ఉంటుంది. ఏదో ఒకటి చేసి తనను ఆస్థికి వారసురాలిని చేయమని అడుగుతుంది. అపూర్వ మాత్రం మౌనంగా ఉంటుంది. ఇంతలో శరత్‌ చంద్ర, భూమిని తీసుకుని ఇంటికి వస్తాడు. వాళ్లను చూసిన నక్షత్ర షాక్‌ అవుతుంది.

నక్షత్ర: మమ్మీ డాడీ వచ్చారు.. మమ్మీ ఆ భూమి కూడా వచ్చింది.

శరత్‌చంద్ర, భూమి ఇంట్లోకి వస్తారు.

అపూర్వ: బావ..

శరత్‌: ఇవిగో డాక్యుమెంట్స్‌.

భూమి: మనఃస్పూర్తిగా చెప్తున్నాను నాన్న నాకు ఇవేవీ వద్దు..

శరత్: ఇక చాలు ఆపేయ్‌.. మొత్తం నీకు రాసి ఇచ్చేస్తున్నాను ఇక నుంచి ఈ ఆస్థిలో మొత్తం నీకే..రా ఏంటలా చూస్తున్నావు.. వచ్చి సంతకాలు పెట్టు..

భూమి: ఫ్లీజ్‌ నాన్న నన్ను ఇబ్బంది పెట్టకండి నాకు ఈ ఆస్తుపాస్తులేమీ వద్దు నాన్న.. మీ కూతురుని అనే గుర్తింపే నాకు అన్నింటికంటే విలువైనది. మీ ప్రేమ అభిమానం నాకు ఉంటే చాలు నాన్న.

నక్షత్ర: తొక్కలో ప్రేమాభిమానాలు దానికి ఇచ్చేసి.. ఆస్థి మనకు ఇవ్వొచ్చు కదా మమ్మీ.

శరత్‌: చూడు గగన్‌ నిన్ను ఇంట్లోంచి గెంటేశాక నువ్వు ఒంటరి దానివి అయిపోయావు. నువ్వు రోడ్డు మీద దిక్కులేని దానిలా తిరుగుతుంటే మీ అమ్మ అది చూసి తట్టుకోలేదు. అందుకే తన ఆత్మ శాంతించాలని నిన్ను ఇక్కడికి తీసుకొచ్చాను. ఒక తండ్రిగా మాత్రం కాదు.. శోభా భర్తగా మాత్రమే ఇక్కడికి తీసుకొచ్చాను. నిన్ను నేను నా కూతురిగా ఒప్పుకున్నా ఒప్పుకోకపోయినా.. ఈ సొసైటీ దృష్టిలో నువ్వు నా కూతురివే.. కాబట్టి ఈ ఆస్తి నీకే దక్కాలి. తీసుకో దీన్ని తగులబెట్టుకుంటావో ఏం చేసుకుంటావో నీ ఇష్టం..

భూమి: నాన్న ఫ్లీజ్‌ నాన్న ఈ భారాన్ని నేను మోయలేను నాన్న.

శరత్‌: ఇక నుంచి ఈ ఆస్థి అంతా నీదే కాబట్టి ఈ ఇంట్లో  ప్రతి ఒక్కరు నువ్వు గీసిన గీత దాటరు. నువ్వు చెప్పిన మాటే వింటారు. నువ్వు ఉండమంటే ఉంటారు. లేదంటే వెళ్లిపోతారు. అది నువ్వు హోదా అనుకుంటావో… బాధ్యత అనుకంటావో..? నీకిచ్చిన బాధ్యత అనుకుంటావో..? అదంతా నీ ఇష్టం.. నువ్వు ఈ ఇంటికి ఈ ఆస్థికి యజమాని అయినా శోభా కూతురివి.. కాబట్టి అదే స్థానంలో నిన్ను ఉంచుతున్నాను.

అంటూ చెప్పి వెళ్లిపోతాడు శరత్‌చంద్ర. భూమి మాత్రం పేపర్స్‌ చూస్తూ.. ఏడుస్తుంది.

నక్షత్ర: అయిపోయింది మమ్మీ అంతా అయిపోయింది. డాడీ ఆస్తి మొత్తం దాని చేతిలో పెట్టేశాడు. ఇక నుంచి ఇది భూమి సామ్రాజ్యం. మనం దాని బానిసలం. ఇక నుంచి అది చెప్పిన దానికి గొర్రెల్లా తలూపడం  తప్పా మనం ఇంకేం చేయలేము మమ్మీ.

అపూర్వ: నోర్మూయ్‌ ఏం మాట్లాడుతున్నావే.. అలాంటి పరిస్థితే వస్తే.. ఈ అపూర్వ చచ్చింది అన్నమాటే.

మీరా: భూమి ఏడవకు భూమి.. అన్నయ్య కోపం నీకు తెలిసిందే కదా..? అన్నయ్య కోపంతో చేసినా ఆలోచించే చేస్తారు. ఎప్పటికైనా ఈ ఆస్తి అంతా నీకు చెందాల్సిందే కదా..?

నక్షత్ర: ( మనసులో) అత్తయ్య ఒక తింగరిది ఆస్తి పేపర్లు దాని చేతిలోంచి లాగేసుకోకుండా మోటివేట్‌ చేస్తుంది.

మీరా: ఇక నుంచి ఈ ఇంట్లో నువ్వు ఏది చెబితే అదే జరుగుతుంది. మేము అందరం నీ ఆధ్వర్యంలోనే ఉంటాం.. నీ కనుసన్నల్లోనే నడుస్తాం.. సరేనా భూమి.. నువ్వు ఈ ఇంటిని జాగ్రత్తగా చూసుకుంటావని నేను నమ్ముతున్నాను..

నక్షత్ర: మమ్మీ చూశావా..? అత్తయ్య కూడా పార్టీ మార్చేసింది.

మీరా: అయినా ఆ శోభాచంద్ర కూతురు అంటే ఎలా ఉండాలి. ఇన్నాళ్లు నువ్వు పడ్డ కష్టాలు కన్నీళ్లు అన్ని మర్చిపోయి ఆ స్థాయి.. ఆ హోదా.. ఆ దర్జా అన్ని నీలో కనిపించాలి. మీ అమ్మ నిన్ను ఎలా చూడాలనుకుందో నేను నిన్ను అలానే చూసుకుంటానమ్మా..?

అంటూ భూమిని తీసుకుని లోపలికి వెళ్తుంది మీరా..? అపూర్వ, నక్షత్ర కోపంగా చూస్తుంటారు. ఇంతలో ఇవాళ్టీ ఎపిసోడ్‌ అయిపోతుంది.