Karthika Deepam 2 August 21st: కార్తీకదీపం 2 సీరియల్: ఈసారి డైరెక్ట్‌గా కార్తీక్, జ్యోత్స్నల పెళ్లే.. స్వప్న లవర్ కాశీకి యాక్సిడెంట్ అండగా దీప!

Karthika Deepam 2 Today Episode స్వప్న లవర్ కాశీకి యాక్సిడెంట్ కావడం దీప అతన్ని హాస్పిటల్‌కి తీసుకెళ్లడం స్వప్న వీడియోలో ఆ విషయం తెలుసుకొని దీపకి కాల్ చేయడంతో ఇవాళ్టి ఎపిసోడ్ ఆసక్తికరంగా మారింది.

Image Credit: star maa/Disney + Hotstar

Source : Disney + Hotstar

Karthika Deepam Idi Nava Vasantham Serial Episode కార్తీక్ జ్యోత్స్న ఇంట్లో అందర్ని పిలిచి జ్యోత్స్నతో ఎంగేజ్ మెంట్ అవసరం లేదని అంటాడు. అందరూ షాక్ అవుతారు. కార్తీక్ జ్యోత్స్నతో పెళ్లి వద్దన్నాడని అనుకుంటారు. 

కార్తీక్: నువ్వు విన్నది నిజమే అత్త నిశ్చితార్థం వద్దు ఎందుకంటే మనకు అది కలిసి రావడం లేదు అందుకే నేను ఓ నిర్ణయం తీసుకున్నాను. ఇక నిశ్చితార్థానికి ముహూర్తం వద్దు ఏకంగా పెళ్లికే పెట్టండి.

కార్తీక్ మాటతో అందరూ చాలా సంతోషిస్తారు. జ్యోత్స్న దీప మాటలు గుర్తు చేసుకొని హ్యాపీగా ఫీలవుతుంది. నువ్వు హ్యాపీనేనా అని కార్తీక్ పారుని అడిగితే పారు సంతోషంతో నిన్ను ఎత్తుకొని తిప్పాలన్న సంతోషంగా ఉందని పారు అంటుంది. దానికి శౌర్య నువ్వు నన్నే ఎత్తుకోలేవు ఇక కార్తీక్‌ని ఏం ఎత్తుకుంటావని అంటుంది. కార్తీక్ అందరికీ చెప్పి శౌర్యని హాస్పిటల్‌కి తీసుకెళ్తాడు. దీప గుడికి వెళ్తానని అంటుంది. ఇక పారిజాతం కూడా తనకి మొక్కులున్నాయని జ్యోత్స్నని తీసుకొని గుడికి బయల్దేరుతుంది.

ఇక స్వప్న లవర్ కాశీ ఇంటర్వ్యూకి బయల్దేరుతాడు. స్వప్న కాశీ దగ్గరకు వెళ్తుంది. గుడికి వెళ్లి వచ్చానని బొట్టు పెడుతుంది. ఇంటర్వ్యూ సక్సెస్ అవ్వాలని చెప్తుంది. స్వప్నని ఎదురు రమ్మని కాశీ చెప్తే స్వప్న వద్దని ఏమైనా అయితే తానే ఫీలవుతానని అంటుంది. కాశీ పర్లేదు నువ్వు నా లక్ అని అంటాడు. ఇక కాశీ స్వప్నతో నువ్వు ఎదురైతే నాకు యాక్సిడెంట్ అయి చనిపోతానా అంటే స్వప్న ఏడుస్తుంది. నీకు ఏమైనా అయితే నేను చనిపోతా అని అంటుంది. ఇక కాశీ స్వప్నని ఓదార్చి ఎదురు రమ్మని చెప్పి వెళ్తాడు. మరోవైపు జ్యోత్స్న, పారిజాతాలు కారులో గుడికి వెళ్తుంటారు. 

ఇక పారిజాతం మనసులో ముందు జ్యోత్స్న కార్తీక్‌లకు పెళ్లి అయిపోతే తర్వాత తన కొడుకు దాసు నీకు తండ్రి అని చెప్పి వాడిని నీకు దగ్గర చేస్తానని అనుకుంటుంది. అప్పుడు తన కొడుకు జీవితం తాను అనుకున్నట్లు దశరథ్‌ జీవితంలా దర్జాగా బతుకుతాడని అనుకుంటుంది. ఇక జ్యోత్స్న తన ఫ్రెండ్‌ దగ్గరకు వెళ్తానని చెప్తుంది. పారిజాతాన్ని పార్లర్ దగ్గర దింపుతానని అంటుంది. మరోవైపు కాశీకి రోడ్డు మీద యాక్సిడెంట్ అవుతుంది. తలకు పెద్ద దెబ్బ తగిలి ఇబ్బంది పడతాడు. జ్యోత్స్న వాళ్లు అటుగా వస్తారు. అక్కడున్న వారు జ్యోత్స్నకి సాయం అడుగుతారు. జ్యోత్స్న తన కారు పాడవుతుందని వద్దని అంటుంది. పారు ఒప్పించినా వద్దని అంటుంది. అందరూ జ్యోత్స్నని ఛీ కొడతారు. ఇంతలో దీప అటు ఆటోలొ వచ్చి యాక్సిడెంట్ చూస్తుంది. దీప కాశీని తన ఆటోలో ఎక్కించుకొని హాస్పిటల్‌కి తీసుకెళ్తుంది. ఇక ఓ వ్యక్తి జ్యోత్స్న మాటలు దీప సాయం ఇవన్నీ వీడియో తీసి సోషల్ మీడియాలో పోస్ట్ చేస్తాడు.

కార్తీక్, శౌర్యలు ఉన్న హాస్పిటల్‌కే దీప కాశీని తీసుకొని వస్తుంది. కార్తీక్ వాళ్లు దీపని చూస్తారు. ఇక డాక్టర్ యాక్సిడెంట్ కేసు తీసుకోనని అంటే నేను అతని బాధ్యత తీసుకుంటానని దీప అంటుంది. కార్తీక్ కూడా డాక్టర్‌కి ట్రీట్మెంట్ చేయమని అంటాడు. మరోవైపు జ్యోత్స్న తన ఫ్రెండ్స్‌ని కలిసి పెళ్లి గురించి చెప్తుంది. ఇక స్వప్న కాశీ గురించి ఆలోచిస్తుంది. ఇంటర్వూ అయిపోయిందా లేదా అనుకుంటుంది. ఇక రీల్స్ చూస్తుంది అందులో కాశీకి యాక్సిడెంట్ అయినట్లు ఉన్న వీడియో చూస్తుంది. దీప సాయం చేయడం చూసి గ్రేట్ అనుకుంటుంది. ఇక కాశీని చూసి ఏడుస్తుంది. దీపకి కాల్ చేస్తుంది. నువ్వు కాపాడిన వ్యక్తికి ఎలా ఉందని అడుగుతుంది. కంగారు పడుతుంది. దీప గాయాలు తగిలాయని ఆపరేషన్ అవుతుందని చెప్తుంది. ఇక దీప దగ్గర స్వప్న డిటైల్స్ తీసుకొని బయల్దేరుతుంది.  ఈ అబ్బాయి గురించి స్వప్న ఎందుకు అంత కంగారు పడుతుందని దీప అనుకుంటుంది. హాస్పిటల్‌లో అందరూ వీడియో చూసి దీపని వింతగా చూస్తారు. దీంతో ఇవాళ్టి ఎపిసోడ్ పూర్తయిపోతుంది.