Jagadhatri Serial Today October 2nd: జగద్ధాత్రి సీరియల్: శ్రీవల్లి, వైజయంతిల సంబంధం తెలుసుకున్న ఫ్యామిలీ! జేడీ, కేడీ చేతికి చిక్కిన గౌరీ రహస్యాలు!
Jagadhatri Serial Today Episode October 2nd జేడీ, కేడీలు గౌరీ ఇంటికి వెళ్లి ఎంక్వైరీ చేయడం గౌరీ వెనక ఊరి పెద్ద ఉన్నారని గుర్తించడంతో ఇవాళ్టి ఎపిసోడ్ ఆసక్తికరంగా మారింది.
Jagadhatri Serial Today Episode శ్రీవల్లితో ఇంట్లో వాళ్లు ఎవరు నీకు బూచి గురించి తప్పుగా చెప్పి భయపెట్టారని అడుగుతారు. వైజయంతి చెప్పొద్దని తలాడిస్తుంది. జగద్ధాత్రి మొత్తం చూస్తుంటుంది. శ్రీవల్లి వైజయంతిని చూపిస్తుంది. అందరూ షాక్ అయిపోతారు.
సుధాకర్ వైజయంతితో ఆ అమ్మాయి వచ్చినప్పుడు నుంచి తనని టార్గెట్ చేశావ్.. ఇంటి నుంచి పంపేయాలని చూస్తున్నావ్ ఎందుకు చెప్పు అని అడుగుతాడు. వైజయంతి ఏం మాట్లాడదు. నువ్వు లొడలొడా మాట్లాడుతుంటావ్ అలాంటిది ఏం మాట్లాడటం లేదు అంటే రాత్రి జరిగినదానికి నువ్వే కారణం కదా అని అంటాడు. అది కాదు బా అని వైజయంతి అడిగితే నోర్ముయ్.. ఈ అమ్మాయిని ఎందుకు బయటకు పంపాలి అని చూస్తున్నావ్.. నీకు ఈ అమ్మాయికి ఏదో సంబంధం ఉందని అనిపిస్తుంది అని అంటాడు. వైజయంతి తడబడుతుంది. అనాథతో నాకు ఏం సంబంధం ఉంటుంది అని అంటుంది వైజయంతి.
శ్రీవల్లి సుధాకర్తో నన్ను అనాథాశ్రమం గురించి కూడా అడుగుతారని చెప్తుంది. ఏమని అడుగుతుందని సుధాకర్ అంటే నన్ను అక్కడ ఎవరు వదిలిపెట్టారు.. ఆశ్రమం వాళ్లు ఏమైనా చెప్పారా అని అడుగుతుంటారని చెప్తుంది. నీ టెన్షన్ చూస్తుంటే అర్థమవుతుంది నువ్వే కదా ఈ అమ్మాయిని అనాథాశ్రమంలో వదిలేసింది నువ్వే కదా.. ఎంత పని చేశావే పాపిష్టిదానా.. ఒకమ్మాయిని తల్లిదండ్రులకు దూరం చేశావు కదే.. చెప్పు శ్రీవల్లి తల్లిదండ్రులు ఎవరు.. ఎవరి దగ్గర నుంచి తీసుకొచ్చావ్ అని సుధాకర్ ఫుల్ ఫైర్ అవుతాడు. నిజం చెప్పకపోతే చంపేస్తా అని వైజయంతిని సుధాకర్ కొడతాడు తీరా చూస్తే ఇదంతా వైజయంతి ఊహ..
సుధాకర్ శ్రీవల్లితో ఇదంతా చేసింది ఎవరు అని అడుగుతాడు. జగద్ధాత్రి కవర్ చేస్తూ ఆశ్రమంలో వాళ్లని చూడాలి అనిపించి వెళ్లాలని అనుకుందని చెప్తుంది. కౌషికి శ్రీవల్లితో నీకు ఒక ప్రమాదం జరిగింది కదా జాగ్రత్తగా ఉండాలి అని అంటుంది. ఇక నుంచి నీకు చెప్పకుండా ఎక్కడికీ వెళ్లను అక్క అని శ్రీవల్లి అంటుంది. జగద్ధాత్రికి వైజయంతి మీద ఫుల్లుగా అనుమానం వస్తుంది. సుధాకర్కి కూడా వైజయంతి మీద అనుమానం వస్తుంది.
జగద్ధాత్రికి బస్తీ పెద్ద కాల్ చేసి గడువు ముగుస్తుంది డబ్బు తీసుకురమ్మని చెప్తాడు. టైంకి డబ్బు తీసుకొస్తామని జగద్ధాత్రి అంటుంది. ఏం చేద్దాం అని కౌషికి అడిగితే జేడీ టీంకి విషయం చెప్తామని జగద్ధాత్రి, కేథార్ వెళ్తారు. జేడీ, కేడీలుగా జగద్ధాత్రి, కేథార్ గౌరీ వాళ్ల ఇంటికి వెళ్తారు. మొత్తం పరిశీలిస్తారు. పోలీసులు అనగానే గౌరీ కంగారు పడుతుంది. కారు ఎక్కడ ఆపారు.. సురేశ్ ఎక్కడ మీకు లిఫ్ట్ ఇచ్చారు అని ప్రశ్నిస్తారు. గౌరీ దొరికిపోతానని కంగారు పడుతుంది. కారు ఎక్కగానే అఘాయిత్యం చేశాడా అంటే అవును అని గౌరీ అంటుంది. ఏంటి డ్రైవింగ్ చేస్తూనే నీ మీద అఘాయిత్యం చేశాడా అని కేథార్ అడుగుతాడు. లేదు లేదు పక్కనే కారు ఆపాడని అంటుంది. డోర్ వచ్చేసిందా అంటే వచ్చేసిందని గౌరీ అంటే లాక్ అయిన డోర్ ఎలా వస్తుంది అని అడుగుతారు. నీకు పెళ్లి కూడా ఫిక్స్ అయింది కదా.. చాలా టెన్షన్ పడుతున్నట్లు ఉన్నావ్ అందుకేనా మంచి సాంగ్స్ వింటున్నావ్ అని అంటారు.
కంప్లైంట్ తీసుకోవడానికి జేడీ ఆధార్ కార్డు అడుగుతుంది. గౌరీ వెళ్లగానే అక్కడే ఓ చోట మంగళసూత్రం వేలాడుతూ ఉండటం జేడీ చూసి కేడీకి చూపిస్తుంది. నీకు పెళ్లైంది అంట నీ భర్త దుబాయ్లో ఉంటాడు అంట కదా అని అంటారు. కాదు అని గౌరీ కవర్ చేస్తుంది. ఆధార్ కార్డులో నీ భర్త పేరు ఉంది.. మంగళసూత్రం ఉంది అని జేడీ, కేడీలు అంటారు. సురేశ్ని ట్రాప్ చేసి ఇరికించావ్ అని అర్థమైందని అంటాడు. గౌరీ కవర్ చేస్తుంది. ఫోన్ నెంబరు జేడీ అడిగి తీసుకుంటుంది. రమ్యకి జేడీ కాల్ చేసి గౌరీ నెంబరు ట్రేస్ చేయమని చెప్తుంది. గౌరీ ఊరి పెద్దతో మాట్లాడుతుంది. అది కనిపెట్టిన రమ్య జేడీకి విషయం చెప్తుంది. జేడీ కేడీతో ఆ బస్తీ పెద్ద ఈ గ్యాంగ్ లీడర్ అని అంటుంది. దీంతో ఇవాళ్టి ఎపిసోడ్ పూర్తయిపోతుంది.
టాప్ హెడ్ లైన్స్
ట్రెండింగ్ వార్తలు
