Kiraak RP: కిరాక్ ఆర్పిని బయటకు గెంటేశా, కావాలనే తప్పుగా మాట్లాడుతున్నాడు - 'జబర్దస్త్' మాజీ మేనేజర్ ఏడుకొండలు కామెంట్స్!

'జబర్దస్త్' షోకి ఒకప్పుడు మేనేజర్ గా పని చేసిన ఏడుకొండలు అనే వ్యక్తి ఓ యూట్యూబ్ ఛానెల్ కి ఇంటర్వ్యూ ఇచ్చారు.

కిరాక్ ఆర్ఫీని బయటకు గెంటేశా, కావాలనే తప్పుగా మాట్లాడుతున్నాడు

రీసెంట్ గా కిరాక్ ఆర్పి మల్లెమాల సంస్థ, 'జబర్దస్త్' షోలపై ఆరోపణలు చేసిన సంగతి తెలిసిందే. మల్లెమాల సంస్థ తమను కుక్కలా, 'కెజియఫ్'లో బానిసల్లా చూశారని, సరైన భోజనం పెట్టలేదని, ఉదయం వండిన అన్నం సాయంత్రం పులిహోర చేసి పెట్టేవారని... భోజనం సరిగా లేకపోవడం కూడా 'జబర్దస్త్' షో మానేయడానికి ఒక కారణమని ఒక ఇంటర్వ్యూలో 'కిరాక్' ఆర్పి ఘాటు వ్యాఖ్యలు చేశారు. అలానే సుధీర్, రష్మీలకు పెర్సనల్ లైఫ్ అనేది లేకుండా చేశారని అన్నారు. 

ఆర్పి చేసిన ఈ కామెంట్స్ కి కౌంటర్ ఎటాక్ ఇచ్చారు హైపర్ ఆది, ఆటో రామ్ ప్రసాద్. ఇదిలా ఉండగా.. తాజాగా 'జబర్దస్త్' షోకి ఒకప్పుడు మేనేజర్ గా పని చేసిన ఏడుకొండలు అనే వ్యక్తి ఓ యూట్యూబ్ ఛానెల్ కి ఇంటర్వ్యూ ఇచ్చారు. మల్లెమాల సంస్థ, జబర్దస్త్ షోపై వస్తున్న ఆరోపణలపై ఆయన స్పందించారు. కిరాక్ ఆర్పి చేసిన ఆరోపణల్లో ఒక్కటి కూడా నిజం లేదని చెప్పుకొచ్చారు. 

ఇక ఆర్పి ఎలాంటి వాడో చెబుతూ సంచలన కామెంట్స్ చేశారాయన. ''ఐదేళ్లుగా మాట్లాడని ఆర్పి ఇప్పుడెందుకు జబర్దస్త్ కి వ్యక్తిరేకంగా మాట్లాడుతున్నాడు..? శ్యామ్ ప్రసాద్ రెడ్డి, అరుణాచలం లాంటి నిర్మాతల గురించి ఇష్టమొచ్చినట్లు మాట్లాడాడు. దీని వెనుక ఎవరో ఉన్నారనిపిస్తుంది. ఆర్ఫీకి సపోర్ట్ చేస్తూ అతడితో మాట్లాడిస్తున్నారు. మిగిలిన కంటెస్టెంట్స్ ని కూడా లాక్కొచ్చే ప్రయత్నం జరుగుతున్నట్లు ఉంది. అసలు ఆర్పికి ఏరోజూ కూడా పేమెంట్ ఆపలేదు. ఆర్పి ఓ సినిమాకి పని చేస్తున్నప్పుడు నన్ను ఆ సినిమాకి పని చేయమని అడిగాడు. యాభై వేలు జీతం ఇచ్చాడు. సినిమా మొదలైన కొన్ని రోజులకే ప్రాజెక్ట్ వర్కవుట్ అవ్వదని అర్ధమైంది. కిరాక్ ఎంటర్టైన్మెంట్స్ అని పేరు పెట్టి పాతిక లక్షలు అప్పు తీసుకొస్తే నేను దానికి వత్తాసు పలకాలంట. ఆ సమయంలో ఆర్పి.. శ్యామ్ ప్రసాద్ రెడ్డి గురించి చెడుగా మాట్లాడాడు. ఆ మాటలు నాకు నచ్చక అతడి మెడ పట్టుకొని బయటకు గెంటేశా'' అంటూ చెప్పుకొచ్చాడు ఏడుకొండలు. 

శ్యామ్ ప్రసాద్ రెడ్డి గారు.. ఎవరి పేర్ల మీద వాళ్లకు చెక్ ఇచ్చేవారని.. టీమ్ లో ఒకరికే చెక్ ఇస్తే కంటెస్టెంట్ కి రీచ్ అవుతుందో లేదో అనే సందేహంతో వాళ్ల ఆలోచించి వాళ్లకే డబ్బు చేరేలా చూసేవారని.. ఆన్ ది స్పాట్ చెక్ ఇచ్చేవాళ్లమని అన్నారు ఏడుకొండలు. 'జబర్దస్త్' స్కిట్ ల కారణంగా కొన్ని ఎదురుదెబ్బలు కూడా తిన్నామని.. కోర్టులో కేసులు పెట్టారని తెలిపారు.

 

 

 

 

 

View this post on Instagram

 

 

 

 

 

 

 

 

 

 

 

A post shared by 🆁🅿 {ᎡᎪͲᎪᏦϴΝᎠᎪ ᏢᎡᎪՏᎪᎠ ᏟᎻϴᏔᎠᎪᎡᎽ (@kirrak_rp_official)