Chinni Serial Today February 3rd: చిన్ని సీరియల్: మధునే చిన్ని అని తెలుసుకున్న దేవా! కోడల్ని చంపేస్తాడా!
Chinni Serial Today Episode February 3rd మధునే చిన్ని అని దేవాకి తెలియడం మధుని చంపేయాలని దేవా అనుకోవడంతో ఇవాళ్టి ఎపిసోడ్ ఆసక్తికరంగా మారింది.
Chinni Serial Today Episode చిన్ని ఎవరు అయింటారు అని దేవా జైలర్ పంపే సీసీ టీవీ ఫుటేజ్ కోసం టెన్షన్ పడుతూ ఉంటాడు. ఇంతలో జైలర్ ఫుటేజ్ పంపిస్తుంది. అందులో మధు ఉంటుంది. చిన్ని బాలరాజు కోసం వెళ్లాలి కదా మధు వెళ్లింది ఏంటి అని అనుకొని జైలర్కి కాల్ చేస్తాడు. సెంట్రీని తీసుకు రమ్మని లొకేషన్ పెట్టమని నాయక్ని చెప్తాడు. మధుకి బాలరాజు వాళ్లకి సంబంధం ఏంటి అని అనుకుంటాడు.
స్వరూప సంతోషంగా ఉంటే ఏమైంది ఇంత సంతోషంగా ఉంది అని సుబ్బారావు అడిగితే ఈరోజు నుంచి మన కూతురు అల్లుడు సంతోషంగా ఉండబోతున్నారని ఇద్దరూ అందరి ముందు భార్యాభర్తల్లా ఉన్నా గదిలో మాత్రం ఫ్రెండ్స్లా ఉన్నారు.. అని విషయం చెప్తుంది. తర్వాత మంచాన పడిన తన పిన్ని మధు మ్యాడీలను చూడాలని అనుకుంటుందని వాళ్లని తీసుకెళ్తానని అంటుంది. మధుని పిలిచి విషయం చెప్పాలని వెళ్తుంది. మరోవైపు జైలర్ ఇంటికి వస్తుంది. సెంట్రీ లేదని ఊరు వెళ్లిందని అంటుంది. నేను చిన్ని గురించి అడిగితే నువ్వు మధు గురించి చెప్పావ్ మధునే చిన్ని అంటే నేను అస్సలు నమ్మను అని దేవా అంటాడు. దేవా తనలో తాను ఎలా నమ్మను.. జైలర్ చెప్పింది అని మధు చిన్ని ఒక్కరే అంటే ఎలా నమ్మను అని అనుకుంటూ ఇప్పుడే తేల్చేస్తా అని మధు వాళ్ల ఇంటికి వెళ్తాడు.
మధు వాళ్ల గురించి అడిగితే పక్క ఊరు వెళ్లారని ప్రమీల వాళ్ల విషయం చెప్తారు. వరుణ్ గురించి అడిగితే మా నాన్న వరుణ్ అన్న బయటకు వెళ్లారు అని అంటారు. వాళ్లు వెళ్లడం మంచిదైంది వీళ్లని కూడా ఎలా అయినా సైడ్ చేయాలి అని అనుకుంటాడు. చంటి, లోహితల్ని షాప్కి పంపేస్తాడు. వదిన గారిని కూడా సైడ్ చేయాలి అని మ్యాడీకి ఫోన్ చేయమని అంటాడు. తర్వాత దేవా సాక్ష్యాల కోసం ఇళ్లంతా వెతుకుతాడు. ఇంతలో చంటి గిఫ్ట్గా ఇచ్చిన ఫొటోల్లో చిన్ని చిన్నప్పటి ఫొటోలు చూసి బిత్తరపోతాడు. మొత్తం ఫ్లాష్ బ్యాక్ గుర్తు చేసుకొని షాక్ అయిపోతాడు. వెంటనే ఫొటోలు తీసి పట్టుకొని చిన్నినే మధు అన్నమాట అయితే చిన్ని మధుగా సుబ్బారావు కూతురిగా ఎలా మారిపోయింది అని దత్తత ఫోటో చూసి చిన్నిని వీళ్లు దత్తత తీసుకున్నారన్నమాట అని అనుకుంటాడు.
ప్రమీల వచ్చి ఇక్కడేం చేస్తున్నారు అంటే ఇళ్లు ఇలా ఉందో అని చూస్తున్నా అని చెప్పి వెళ్లిపోతా అని అంటాడు. అప్పుడే ఎందుకు వెళ్లిపోతారు అని ప్రమీల అడిగితే పార్టీ ఆఫీస్ నుంచి కాల్ వచ్చిందని అంటాడు. ఇక మధు, మ్యాడీలకు ఫస్ట్నైట్ కోసం గిఫ్ట్ తెచ్చా మ్యాడీకి ఇవ్వండి అని అంటాడు. బామ్మర్ది గారు ఇలా వచ్చి అలా వెళ్లిపోయారు ఏంటి అని ప్రమీల అనుకుంటుంది. దేవా ఆవేశంగా ఇంటికి వచ్చి తన మనుషులతో నిజమేరా ఆ జైలర్ గౌతమి చెప్పింది నిజమేరా.. అది ప్లాన్ ప్రకారం నా కొడుకుని పెళ్లి చేసుకుంది..అది కావాలనే ఇన్ని రోజులు మనల్ని మిస్ లీడ్ చేసింది.. నిన్న కాక మొన్న పుట్టి ఇంత చేస్తుందా.. ఈ దేవా ఏంటో దానికి చూపించాలిరా.. వెంటనే మధుని కిడ్నాప్ చేసి ఇక్కడికి తీసుకురండి.. దాని సంగతి ఈరోజే చెప్పాలి అని అనుకుంటాడు. ఇక లోహిత అయితే మ్యాడీకి చిన్ని గురించి తెలీకుండా మధు చేసింది.. ఏదో ఒకటి చేసి మ్యాడీ ఫొటోలు చూసేలా చేయాలి అనుకుంటుంది. దీంతో ఇవాళ్టి ఎపిసోడ్ పూర్తయిపోతుంది.
టాప్ హెడ్ లైన్స్
ట్రెండింగ్ వార్తలు
