chinni serial today April 28th: చిన్ని సీరియల్: ఫ్యాన్కి వేలాడుతున్న శ్రేయ! అసలేం జరిగింది? మ్యాడీకి నాగవల్లి ఏం చెప్పింది!
chinni serial today episode April 28th చిన్నికి దెయ్యం పట్టిందని నాగవల్లి మ్యాడీకి చెప్పడంతో ఇవాళ్టి ఎపిసోడ్ ఆసక్తికరంగా మారింది.
Chinni Serial Today Episode లోహిత, శ్రేయలను చిన్ని కొట్టిందని లోహిత అనడంతో వరుణ్ లోహితను లాగి పెట్టి కొడతాడు. ఏంటి వరుణ్ ఇలా కొట్టావ్ అని లోహిత అడిగితే నువ్వు చిన్ని మీద చేయి ఎత్తావ్ కదా అందుకే నీ చెంప పగల గొట్టా అని అంటాడు. ఇంతలో శ్రేయ మీదకు ఆత్మ వెళ్లి ఏయ్ వరుణ్ పెళ్లాన్ని కొడతావేంట్రా సిగ్గు లేదా.. ఇంకొక్క సారి లోహి మీద చేయి చేసుకుంటే నీ చెంప పగులుతుంది అని అంటుంది. దాంతో వసంత శ్రేయని కొడుతుంది.
లోహిత దేవాతో ఇదంతా చిన్ని కొట్టడం వల్లే జరిగింది.. అంకుల్ మీరు తనని ఏదో ఒకటి చేసి తనకి బుద్ధి చెప్పాలి లేకపోతే నేనే ఈ చిన్నికి బుద్ధి చెప్పాల్సి వస్తుందని అంటుంది. బుద్ధ చెప్పాల్సింది నీకు.,. నీకు కూడా అని శ్రేయని మ్యాడీ అంటాడు. చిన్ని గురించి నాకు బాగా తెలుసు.. ఇంకెప్పుడైనా చిన్నిని ఏమైనా అంటే ఊరుకునేది లేదు అని వార్నింగ్ ఇచ్చి వెళ్లిపోతాడు. అంకుల్ చిన్నికి ఏదో దెయ్యం పట్టింది అని లోహిత, శ్రేయ చెప్తే మీరేం భయపడకండి.. నాగవల్లి ఇప్పుడే ఫోన్ చేసింది ఆ దెయ్యాన్ని వదిలేంచి వాళ్లు దొరికారంట అని అంటాడు. ఓసేయ్ కావేరి అతి తొందర్లో నీ చాప్టర్ క్లోజ్ అని మ్యాడీ అంటాడు.
మ్యాడీ కంట్లో నలక పడుతుంది. చిన్ని చూసి కన్ను ఊదుతుంది. మ్యాడీ చిన్నినే చూస్తూ ఉంటాడు. తర్వాత చిన్ని కొంగుతో కంటికి ఆవిరి పెడుతుంది. మ్యాడీ థ్యాంక్స్ అని అంటే మొగుడు పెళ్లాల మధ్య థ్యాంక్స్లు ఉండకూడదు అన్నాను కదా అంటుంది. ఇక చిన్ని లోహిత, శ్రేయలు తన గది వైపు రావడం చూసి వీళ్ల పని చెప్తా అనుకుంటుంది. ఇద్దరూ వినేలా మ్యాడీ తనని వదలకుండా రొమాన్స్ చేసినట్లు ముద్దులు పెట్టినట్లు నటిస్తుంది. శ్రేయ చాలా ఫీలవుతుంది. బావ ఆ చిన్నికి ఇంత దగ్గరైపోయాడా అని తెగ ఫీలైపోతుంది. కిచెన్లో పని ఉంది చూసుకొని వస్తా తర్వాత నీ ఇష్టం అని చిన్ని అంటుంది. తర్వాత బయటకు వచ్చి ఏంటి మా బెడ్ రూం దగ్గర ఏం చేస్తున్నారు.. మేం ఇద్దరం ఏం మాట్లాడుకుంటున్నామో వినాలి అని వచ్చారా అని అంటుంది. ఇటు వెళ్తూ ఇలా వచ్చాం అంటుంది లోహిత. లోహితో స్నేహం చేసి అబద్ధాలు బాగా నేర్చుకున్నావ్ శ్రేయ.. నువ్వు ఈ లోహి మాటలు విని మీ బావ మీద ఆశలు పెట్టుకోవడం వేస్ట్.. మీ బావ నన్ను వదలడం కానీ నిన్ను పెళ్లి చేసుకోవడం కానీ ఈ జన్మలో జరగదు.. నా మాట విని నీ లైఫ్ నువ్వు చూసుకో.. ఈ లోహి మాటలు వింటే నాశనం అయిపోతావ్.. నీ లోహి నిజస్వరూపం నీకు తెలీదు అని అంటుంది. మీరు శ్రుతి పెంచితే మీ విషయంలో నేను లయ పెంచాల్సి వస్తుంది జాగ్రత్త అని ఇద్దరి బుగ్గలు గిల్లేసి చిన్ని వెళ్లిపోతుంది.
నాగవల్లి ఇంటికి వచ్చే సరికి శ్రేయ ఫ్యాన్కి ఉరి వేసుకున్నట్లు ఉంటుంది. నాగవల్లి చూసి శ్రేయ.. శ్రేయ అని అరుస్తుంది. వసంత వచ్చి ఏమైంది అని అడిగితే శ్రేయ.. శ్రేయ అని అంటుంది. ఏం లేదు వదినా చూడండి అని వసంత అంటే ఇప్పుడు నేను చూశాను అని కంగారు పడుతుంది. ఇంతలో శ్రేయ, లోహిత వచ్చి ఏమైంది అని అడిగితే నువ్వు ఉరేసుకున్నట్లు మీ అత్తయ్యకి కల వచ్చిందనుకుంటా అని వసంత అంటుంది. బావకి ఇచ్చి నాకు పెళ్లి చేయకపోతే అదే జరుగుతుందని శ్రేయ అంటుంది. ఇంతలో నాగవల్లి లోకి కావేరి ఆత్మ దూరి శ్రేయని కోపంగా చూసి ఆవేశంగా గదిలో అన్ని వస్తువులు విసిరేసి చంపేస్తా ఇంకోసారి చస్తా అంటే నేను చంపేస్తా.. చచ్చి ఏం సాధిస్తావ్.. చచ్చిపోతే మీ బావ నిన్ను పెళ్లి చేసుకుంటాడా చెప్పు అని శ్రేయ గొంతు పట్టుకుంటుంది. తర్వాత నాగవల్లి కళ్లు తిరిగి పడిపోతుంది. అందరూ నాగవల్లిని లేపుతారు.
గది మొత్తం చిందర వందరగా ఉండటం చూసి నాగవల్లి ఏమైంది అని అంటే మీలోకి దెయ్యం వచ్చి నన్ను చంపేస్తా అంది అత్తయ్యా అని చెప్తుంది. ఈ రోజే మ్యాడీకి ఆ దెయ్యం గురించి తెలియాలి అందుకు ఒకటే మార్గం అని నాగవల్లి లోహితకు ప్లాన్ చెప్తుంది. మ్యాడీని నాగవల్లి పిలవడంతో మ్యాడీ గదిలోకి వచ్చి చూసి ఏమైంది అని అడుగుతాడు. చిన్నిలోకి దెయ్యం వచ్చి ఇలా చేయిస్తుంది. చిన్నికి దెయ్యం పట్టింది అని నాగవల్లి చెప్తుంది. మ్యాడీ షాక్ అయిపోతాడు. దీంతో ఇవాళ్టి ఎపిసోడ్ పూర్తయిపోతుంది.
Before You Go
Trinayani Serial Actress Ashika Padukone | 'త్రినయని' ఆషికా రియల్ లైఫ్ సీక్రెట్స్
టాప్ హెడ్ లైన్స్
ట్రెండింగ్ వార్తలు
