Brahmamudi Serial Today September 13th: ‘బ్రహ్మముడి’ సీరియల్: కావ్య గురించి ఎమోషనల్‌ అయిన అప్పు – రాహుల్‌ ఆటాడుకున్న దుగ్గిరాల ఫ్యామిలి

Brahmamudi serial today episode September 13th: ఇంట్లో అందరూ హ్యాపీగా ఉంటే.. అప్పు మాత్రం కావ్య గురించి తలుచుకుంటూ ఎమోషనల్‌ అవుతుంది.

బ్రహ్మముడి సీరియల్ టుడే ఎపిసోడ్

Source : Image Credit BY: Jio Hotstar/ Star Maa.com

Brahmamudi Serial Today Episode:  స్వరాజ్‌కు ప్రేమగా అన్నం తినిపిస్తున్న అపర్ణను చూసిన రేవతి బాధగా బయటకు వెళ్తుంది. ఏమైందని అందరూ చూస్తుంటే.. మేము వెళ్లి తెలుసుకుంటామని రాజ్, కావ్య వెళ్తారు.

రాజ్: ఎప్పుడో జరిగిపోయిన దాని గురించి ఇప్పుడు తలుచుకుని ఎందుకు బాధపడుతున్నావు అక్కా

కావ్య: రేవతి గారు ఈ రోజు మీరు కోరుకుంది జరిగింది కదా ఎందుకు బాధపడుతున్నారు పదండి భోజనం చేద్దాం

రేవతి: వాళ్లు చూపించే ప్రేమను చూసి తట్టుకోలేకపోయాను. అందుకే దొరికిపోతానేమోనని భయపడ్డాను.

రాజ్: అక్కడే ఉంటే నువ్వు ఒక్కదానివే దొరికిపోయేదానివి ఇక్కడైతే మన ముగ్గురం దొరికిపోతాము పద అక్కా లోపలికి వెళ్దాం.

ముగ్గురు కలిసి లోపలికి వెళ్తారు.

అపర్ణ: అదేంటి రాధ అలా వెళ్లిపోయావేంటి..?

కావ్య: వాళ్ల అమ్మ వాళ్లు గుర్తుకు వచ్చారట

రుద్రాణి:  ఎందుకు మీరు మీ అమ్మ వాళ్లతో కలిసి ఉండటం లేదా..? ఎందుకు దూరంగా ఉన్నారు.. గొడవ అయిందా..?

రాజ్: అంటే అత్తా వాళ్ల అమ్మా నాన్నలు ఈ ఊరిలో ఉండరట.. ఎక్కడో వైజాగ్‌లో ఉంటారట.. ఎప్పుడో తప్పితే రారట. అలాంటిది అమ్మ వాడిని ఒడిలో కూర్చోబెట్టుకుని అన్నం తినిపిస్తుంటే చూసి కొంచెం ఎమోషనల్ అయింది అంతే

కావ్య: ఏ బిడ్డకైనా అలా అమ్మమ్మ ప్రేమ దొరికితే తన తల్లికి ఆనందమే కదా రుద్రాణి గారు ఈ చిన్న విషయం మీకు తెలియకపోవడం విచిత్రంగా ఉంది.

అపర్ణ:  దీనికే కన్నీళ్లు పెట్టుకోవాలా రాధ. వీడే కాదు నువ్వు కూడా ఎప్పుడు కావాలన్న ఇంటికి రావొచ్చు.. వీడికి నాకు మధ్య బంధం ఏంటో నాకు తెలియదు కానీ వీడిని చూసిన ప్రతిసారి ఈ ఇంటి మనిషిలా అనిపిస్తాడు. మీ అమ్మా నాన్నలు దూరంగా ఉన్నారని అస్సలు బాధపడొద్దు నేను కూడా మీ అమ్మే అనుకో

రుద్రాణి: ( మెల్లగా) అమ్మలా అనుకోవడం ఏంటి..? అమ్మే కదా

రాహుల్‌: ఆ విషయం మనం ఫ్రూవ్‌ చేయాలి మమ్మీ

రుద్రాణి: వీళ్ల భోజనం పూర్తి అయ్యే లోపు దాని ముసుగును ఎలా తొలిగిస్తానో చూడు

అంటుంది. అందరూ భోజనం చేయండి అని ఇందిరాదేవి చెప్పగానే.. అందరూ భోజనం చేస్తుంటారు. ఇంతలో రుద్రాణి వాటర్‌ తీసుకెళ్లి కావాలని రేవతి మీద పోస్తుంది అయ్యో బట్టలు తడిశాయి మీ ముసుగు తీయండి అంటూ లాగుతుంది. రేవతి వద్దండి అంటూ పట్టుకుంటుంది.

రుద్రాణి: ఇక్కడ ఎవరు పరాయి వాళ్లు ఉన్నారు.. పైగా మా వదిన కూడా అమ్మ లాంటిది అని చెప్పింది. ఆలోచించకుండా ముసుగు తేసేయండి.

రేవతి: అయ్యో పర్వాలేదండి.. ఉండనివ్వండి

అపర్ణ: రుద్రాణి.. ఎవరి ఆచారాలు వాళ్లవి పర్వాలేదు అంటుంది కదా..? ఎందుకు బలవంతం చేస్తావు.. తన మీద నీళ్లు పోయడం నీ తప్పు.. అమ్మ రాధ నీకు ఇబ్బందిగా ఉంటే రూంలోకి వెళ్లి ఫ్రెష్‌ అయి రా

రేవతి: సరేనండి

రేవతి రూంలోకి వెళ్తుంది. ఇప్పుడు తప్పించుకున్నావు తర్వాత ఫంక్షన్‌లో ఎలా తప్పించుకుంటావో చూస్తాను. తర్వాత అప్పు బయటకు వెళ్లి కావ్య గురించి డాక్టర్‌ చెప్పిన విషయాలను గుర్తు చేసుకుని బాధపడుతుంటే.. కళ్యాణ్‌ వచ్చి ఓదారుస్తాడు. తర్వాత అందరూ హాల్లో కూర్చుని కబుర్లు చెప్పుకుంటూ ఉంటే ఒక బౌల్‌లో కొన్ని చిట్టీలు తీసుకుని రుద్రాణి వస్తుంది. అందరినీ పిలుస్తుంది.

స్వప్న: ఫ్యామిలీ అన్నా  ఫ్యామిలీ ఫంక్షన్స్‌ అన్నా అసలు నచ్చని మా అత్తయ్య గారు ఈరోజేంటే.. ఈ పంక్షన్ ని బలే ప్లాన్‌ చేశారు.

రుద్రాణి: హ్యాపీగా ఉండటం కూడా తప్పేనా

ఇందిరాదేవి: అదంతా తర్వాత కానీ ఇంతకీ ఆ బౌల్‌లో ఏం రాసుకొచ్చావు

రుద్రాణి: ఈ చీటిలలో ఎవరేం చేయాలో రాసుకొచ్చాను. ఒక్కోక్కరు వచ్చి చీటీలు తీయాలి. అందులో వాళ్లకు ఏం చేయాలని వస్తుందో అది చేయాలి. ముందు నాన్న గారితో మొదలు పెడదాం

అంటూ సీతారామయ్య దగ్గరకు వెళ్తుంది. ఆయన తీసిన చీటీలో డైలాగ్‌ చెప్పాలని వస్తుంది. ఆయన డైలాట్‌ చెప్తాడు. ఇక అందరూ ఒక్కోక్కరుగా చీటీలు తీసి తమకేం వచ్చిందో అది చేస్తుంటారు. ఇంతలో ఇవాళ్టీ ఏపిసోడ్‌ అయిపోతుంది.