Brahmamudi Serial Today October 24th: ‘బ్రహ్మముడి’ సీరియల్: తన నిర్ణయం మార్చుకోని కావ్య – ఇంట్లో వాళ్లను తిట్టిన రాజ్
Brahmamudi serial today episode October 24th: కావ్య తన నిర్ణయం మారదని ప్రాణం పోయినా అబార్షన్ చేయించుకోనని చెప్పడంతో ఇవాళ్టీ ఏపిసోడ్ చాలా ఆసక్తిగా జరిగింది
Brahmamudi Serial Today Episode: ఇంట్లో అందరికీ కాఫీ ఇస్తూ.. హ్యాపీగా నవ్వుతూ తిరుగుతున్న కావ్యను చూసి అందరూ ఆశ్చర్యపోతారు. అసలు కావ్య ఎలా ఇలా ఉండగలుగుతుంది అని ప్రశ్నిస్తారు.
అపర్ణ: కావ్య ఇలాంటి పరిస్థితుల్లో నువ్వు నవ్వుతున్నావా..?
కావ్య: అదేంటి అత్తయ్యా ఈ ఇంట్లో నవ్వడం బ్యాన్ చేశారా..? ఏంటి..? ఇంక నేను వచ్చేశానుగా ఆ ప్రాబ్లమే ఉండదు.. ఆ బ్యాన్ ఎత్తేస్తాను లేండి..
స్వప్న: కావ్య ఇక ఆపవే నీ నటన. నీ నటనతో నవ్వించగలవని..ఏడ్చి ఏదైనా సాధించగలవని ప్రపంచం అంతా తెలిసిపోయింది.
కావ్య: అవునా అక్కా మరి మీ అందరికీ తెలిసిపోయి ఉండాలే
ఇందిరాదేవి: నీ నటనే కాదు ఇన్నాళ్లు మాకు తెలియకుండా దాచిన నిజం కూడా తెలిసిపోయింది
అపర్ణ: అంతటి భయంకరమైన నిజం తెలిసి నువ్వు ఏ పరిస్థితుల్లో ఉన్నావో కళ్లారా చూసి ఏం చేయాలో అర్థం కాక నిన్ను ఎలా కాపాడుకోవాలో అంతు చిక్కక మేమందరం టెన్షన్ పడుతుంటే.. నువ్వు మాత్రం ఏమీ జరగనట్టు ఎలా ఉన్నావు.. ఇలా ఎలా మాట్లాడగలుగుతున్నావు..
కావ్య: అత్తయ్య మీరు నిజం తెలిసి టెన్షన్ పడుతున్నారు. కానీ నేను ఆ నిజం తెలియక దిగులు పడ్డాను. ఇన్నాళ్లు మీ అబ్బాయి అలా ఎందుకు ప్రవర్తించారో నాకు అర్థం కాక నాలో నేనే సతమతం అయ్యాను. కానీ అత్తయ్యా ఆయన ఎందుకు అలా చేశారో.. ఆయన ప్రవర్తనకు కారణం ఏంటో నాకు స్పష్టంగా తెలిసిపోయింది. ఇంకెందుకు అత్తయ్యా బాధపడటం
సుభాష్: ఏంటమ్మా ఇది అసలు ఏమంటున్నావో నీకైనా అర్థం అవుతుందా.?
కావ్య: నిన్నటి దాకా మీకు అందరికీ అర్థం కాక నన్ను ప్రశ్నించారు. ఈరోజు నాకు అర్థం అయి మీ అందరికీ జవాబు చెప్తుంటే.. నాకు అర్తం కాలేదు అనడం వ్యర్థం కదా మామయ్య
అపర్ణ: నీకు పిచ్చి పట్టిందే.. నీ ప్రాణాలు పోతాయి అని చెప్తున్నాడే వాడు
కావ్య: కానీ నా కడుపులో బిడ్డ ప్రాణాలు నిలబడతాయి కదా అత్తయ్య
ఇందిరాదేవి: నీది అమాయకత్వమో మూర్ఖత్వమో తెలియడం లేదు కావ్య.. బిడ్డను మోస్తే నీ ప్రాణాలు పోతాయంటుంటే.. నీకు సరదాగా ఉందా..?
కావ్య: అమ్మమ్మగారు ఉరిమే ఉరుమును.. కురిసే వానను.. పోయే ప్రాణాన్ని ఎవ్వరూ ఆపలేరు అమ్మమ్మ
ఇందిరాదేవి: ఏడ్చినట్టు ఉంది నీ వేదాంతం.. ఉరుము వినబడకుండా చెవులో దూదులు పెట్టుకోవచ్చు.. వానకు తడవకుండా గొడుగు పట్టుకోవచ్చు.. అలాగే నా మనవడు చెప్పినట్టు చేస్తే నీ ప్రాణానికి ఏ ప్రమాదం లేకుండా హాయిగా ఆనందంగా బతకొచ్చు
కావ్య: అంటే నన్ను నేను బతికించుకోవడం కోసం అమ్మ అనే మాటకున్న అర్థాన్ని చంపేయమంటారా..? ఆడదానికి అమ్మ అనే పిలుపే ఒక వరం ఆ వరాన్ని అందుకోకుండా నా బిడ్డ స్వరాన్ని కడుపులోనే నొక్కేయమంటారా..? తన ఆయుష్షును కూడా పోసి తన బిడ్డకు లోకాన్ని చూపిస్తే అది అసలైన అమ్మతనం.. కానీ అదే బిడ్డ ఊపిరి తీసి తను బతకాలి అనుకోవడం అనర్థం. ఆ అనర్థానికి నేను తావు ఇవ్వాలని అనుకోవడం లేదు అమ్మమ్మ
రుద్రాణి: వావ్ ఎం చెప్పావు కావ్య.. నిన్ను చూస్తుంటే.. నాకు చాలా ముచ్చటేస్తుంది.
అనగానే అందరూ రుద్రాణిని తిడతారు. కానీ రుద్రాణి మాత్రం మీరు ఏమైనా అనుకోండి ఈ విషయంలో నేను కావ్యను మెచ్చుకోకుండా ఉండలేను అంటుంది. కావ్య మాత్రం తనకు బడ్డే ముఖ్యమని చెప్పి వెళ్లిపోతుంది. కావ్య మాటలు విన్న రాజ్ ఇంట్లో వాల్లను తిడతాడు. తర్వాత కావ్యను తాతయ్య పిలిచి అబార్షన్ చేయించుకోమని చెబితే కావ్య వినదు. దీంతో ఇంట్లో వాళ్లందరూ కలిసి కావ్యను ఎలాగైనా మార్చాలని ప్లాన్ చేస్తారు. ఇంతలో ఇవాళ్టీ ఏపిసోడ్ అయిపోతుంది.
ALSO READ: మీరు కోటీశ్వరులు అయ్యే ముందు ఇలాంటి కలలే వస్తాయట!
Before You Go
Bhumika Ramesh Biography | మేఘసందేశం భూమి రియల్ లైఫ్ స్టోరీ ఇదే
టాప్ హెడ్ లైన్స్
ట్రెండింగ్ వార్తలు
