Brahmamudi Serial Today march 31st: ‘బ్రహ్మముడి’ సీరియల్: వెంకీని పూల్ను చేసిన నందు – స్మగ్లర్ చేతిలో చిక్కిన రాజు
Brahmamudi serial today episode march 31st: తన లవ్వు కోసం హెల్ప్ చేయమన్న వెంకీని నందు పూల్ చేస్తుంది. దీంతో ఇవాళ్టీ ఏపిసోడ్ చాలా ఆసక్తిగా జరిగింది.
Brahmamudi Serial Today Episode: తనకు తన లవర్ రోజాతో ఎలా మాట్లాడాలో తెలియడం లేదు.. ఇప్పుడు తనను రెస్టారెంట్ లో కలవబోతున్నాను.. నాకు ఎలాగైనా హెల్ప్ చేయమని వెంకీ, నందును అడగ్గానే.. సరే అంటూ హెల్ప్ చేయడానికి రెస్టారెంట్కు వెళ్తుంది నందు. ఇయర్ బర్డ్ పెట్టుకుని వెంకీ, రోజాలకు కొద్ది దూరంలోనే కూర్చుని రోజా మాటలు వింటూ.. వెంకీ సలహాలు ఇస్తుంటుంది. ఇంతలో ఒక కిల్లర్ కనిపించగానే నందు వాడిని పట్టుకోవడానికి వెళ్తుంది. ఫోన్ లైన్ కట్ అవుతుంది. రోజా, వెంకీని తిట్టి వెళ్లిపోతుంది. మరోవైపు రోడ్డు మీద కూరగాయలు తీసుకుని వెళ్తున్న ఇందును రాజు బైక్ మీద వెళ్లి డాష్ ఇస్తాడు. దీంతో ఇద్దరికి గొడవ జరుగుతుంది.
ఇందు: కప్పలు వర్షం పడగానే బయటకు వస్తాయి.. మీరేమో నేను రోడ్డు మీదకు రాగానే గుద్దడానికి బయటకు వస్తారు
రాజు: నిన్ను గుద్దడానికి నాకేం పని లేదనుకున్నావా..?
ఇందు: పని ఉంటే ఈ పనికిమాలిన పని ఎందుకు చేస్తావు..
రాజు: బుద్ది లేక చేశాను.
ఇందు: అది నువ్వు మాట్లాడిన మొదటిరోజే అర్థం అయింది
రాజు: ఇన్ని మాట్లాడుతున్నావు కదా మరి నువ్వు ఏం చేశావు.. దేశంలో ఇన్ని బైకులు ఉంటే నా బైకే దొరికిందా అడ్డుగా రావడానికి
ఇందు: నేను అదే అడుగుతున్నాను.. దేశంలో ఇన్ని కోట్ల మంది ఉండగా నువ్వు గుద్దడానికి నేనే దొరికానా..?
రాజు: నువ్వు పెద్ద అప్సరసని.. వెతుక్కుంటూ వచ్చి గుద్దడానికి
ఇందు: నువ్వేమైనా మైసూర్ మహారాజువా..? నిన్ను వెతుక్కుంటూ అడ్డుగా రావడానికి
రాజు: అయితే మైసూర్ మహారాజు అయితే అడ్డుగా వచ్చేస్తావా..?
ఇందు: అప్సరస అయితే నువ్వు గుద్దేస్తావా..?
రాజు: ఏయ్ ఇప్పుడు ఏమంటావు..
ఇందు: కళ్లు నెత్తిన పెట్టుకుని డ్రైవ్ చేయకూడదు అంటున్నా
రాజు: సరే నాకు కళ్లు లేవు.. నీకు ఉన్నాయిగా నువ్వు చూసి రావొచ్చుగా
ఇందు: చూడు చూడకుండా వచ్చి గుద్దింది నువ్వు..
లక్కీ: మేడం ఆగండి మేడం బుద్ది ఉన్నోడు ఎవడైనా మీ గురించి తెలిశాక అస్తమానం గొడవపడాలి అనుకుంటాడా..?
రాజు: బుద్ది లేకున్నా కరెక్టు మాట చెప్పావురా..?
ఇందు: అంటే ఏంటి నీ ఉద్దేశం చూడగానే…
లక్కీ: ఏం లేదు మేడం పడింది కూరగాయలేగా.. అవి ఏరుకుంటే సరిపోతుంది కదా
ఇందు: అంటే అవి కూడా నేనే ఏరుకోవాలా
లక్కీ: లేదు మేడం నేను ఏరిస్తాను
అని లక్కీ కూరగాయలు ఏరి ఇందుకు ఇస్తాడు.
ఇందు: ఆ కింద పడ్డ కూరగాయలు నాకు ఏమీ వద్దు కొత్తవి కావాలి
అంటూ డిమాండ్ చేయగానే.. రాజు, లక్కీ పక్కనే ఉన్న కూరగాయల షాపుకు వెళ్లి కొని ఇందుకు ఇస్తారు. ఇందు వెళ్లిపోగానే.. లక్కీ, రాజు వెళ్లిపోతారు. తర్వాత నందు తరుముకుంటూ వచ్చిన రౌడీ పోలీసులకు తన దగ్గర ఉన్న బ్యాగ్ దొరక్కూడదని రాజు, లక్కీ ఎదురుగా వస్తుంటే వాళ్ల ముందు తనకు చెస్ట్ ఫెయిన్ వచ్చినట్టు నాటకం ఆడతాడు. తన దగ్గర ఉన్న బ్యాగు పక్క వీధిలో ఉన్న తమ నాన్నకు ఇస్తే పదివేలు ఇస్తానని ఆశ పెడతాడు. దీంతో పదివేలు బ్యాగు తీసుకుని వెళ్లిపోతారు రాజు, లక్కీ. ఇంతలో నందు పోలీసులతో వచ్చి వాణ్ని పట్టిస్తుంది. వాడి దగ్గర బ్యాగు లేకపోవడంతో నందు రాజు, లక్కీ వాళ్లను పోలీసులకు చూపిస్తుంది. పోలీసులు రాజు బైక్ను ఫాలో చేస్తుంటారు. ఇంతలో ఇవాళ్టీ ఏపిసోడ్ అయిపోతుంది.
ALSO READ: మీరు కోటీశ్వరులు అయ్యే ముందు ఇలాంటి కలలే వస్తాయట!
టాప్ హెడ్ లైన్స్
ట్రెండింగ్ వార్తలు
