Tom Cruise: విమానం నుంచి దూకేస్తూ ఫ్యాన్స్‌కు థాంక్స్ చెప్పిన టామ్ క్రూజ్, వీడియో వైరల్

టామ్ క్రూజ్.. హాలీవుడ్ సినిమాలు చూసే వారికి ఈ పేరు గురించి పెద్దగా పరిచయం అవసరం లేదు. తాజాగా ఈ స్టార్ హీరో చేసిన విన్యాసాన్ని చూసి అభిమానులు షాక్ అయ్యారు. ఇంతకీ ఆయన చేసిన పనేంటో ఇప్పుడు చూడండి.

Photo@Tom Cruise/Instagram

హాలీవుడ్ టాప్ హీరో టామ్ క్రూజ్ సినిమాలు ఏ రేంజిలో ఉంటాయో అందరికీ తెలిసిందే. అద్భుత విన్యాసాలతో ప్రేక్షకులను ఆశ్చర్యానికి గురిచేయడం తనకు తానే సాటి. అనితరసాధ్యమైన స్టంట్స్ చేస్తూ రియల్ హీరోగా గుర్తింపు తెచ్చుకున్న ఆయన.. తాజాగా సోషల్ మీడియా వేదికగా షాకింగ్ వీడియో షేర్ చేశారు. ఆ వీడియోను చూసి ప్రపంచవ్యాప్తంగా ఉన్న ఆయన అభిమానులు మరోసారి నోరెళ్లబెట్టారు.

విమానంలో నుంచి దూకుతూ ఫ్యాన్స్ కు థ్యాంక్స్ చెప్పిన టామ్

టామ్ తాజాగా నటించిన సినిమా ‘టాప్ గన్: మేవరిక్’. ఈ చిత్రం ప్రపంచ వ్యాప్తంగా సంచలన విజయాన్ని అందుకుంది. ఈ సినిమాకు అద్భుత విజయాన్ని కట్టబెట్టిన అభిమానులకు ధన్యవాదాలు చెప్పేందుకు.. ఏకంగా గాల్లో ఎగురుతున్న విమానంలో నుంచి కిందకు దూకారు. తనను అభిమానిస్తున్న ఫ్యాన్స్ కోసం ఈ స్టంట్ చేస్తున్నట్లు తెలిపారు. ‘టాప్ గన్ మేవరిక్’ను ఆదరించిన అభిమానులకు థ్యాంక్స్ చెప్పకుండా ఈ ఏడాదిని కంప్లీట్ చేయలేనని చెప్పారు. ఈ సాహసోపేతమైన వీడియోను ఆయన తన సోషల్ మీడియా ఖాతాలో షేర్ చేశారు.

 

 

 

 

 

View this post on Instagram

 

 

 

 

 

 

 

 

 

 

 

A post shared by Top Gun (@topgunmovie)

నెట్టింట హల్ చల్ చేస్తున్న వీడియో

ఈ వీడియో సుమారు నిమిషంన్నర  వ్యవధి ఉంటుంది. ఈ వీడియోలో ఆయన కీలక విషయాలు వెల్లడించారు. విమానంలో నుంచి దూకుతూ.. ఇంతకు తాను నటించిన సినిమాలను ఆదరించిన ప్రేక్షకులకు థ్యాంక్స్ చెప్పారు. ప్రస్తుతం ఈ వీడియో ఇంటర్నెట్ లో సంచలనంగా మారింది.    

హాలీవుడ్ కు బూస్టింగ్ ఇచ్చిన ‘టాప్ గన్ మేవరిక్’

టామ్ నటించిన చివరి సినిమా ‘టాప్ గన్ మేవరిక్’. ఈ చిత్రం ప్రపంచ బాక్సాఫీస్ దగ్గర సంచలన విజయాన్ని అందుకుంది. కరోనా తర్వాత కష్టాల్లో ఉన్న హాలీవుడ్ కు ఈ చిత్రం మంచి  ఊపును అందించింది. ఈ సినిమా విజయానికి సహకరించిన ఫ్యాన్స్ కు ఆయన చాలా సార్లు కృతజ్ఞతలు తెలిపారు. ఇప్పుడు ఈ అద్భుత వీడియోను షేర్ చేసి మరోసారి ధన్యవాదాలు చెప్పారు. త్వరలో మరో సినిమాను మొదలుపెట్టబోతున్నట్లు వెల్లడించారు.  టామ్ నటిస్తున్న తాజా సినిమా 'మిషన్ ఇంపాజిబుల్ - డెడ్ రికనింగ్ పార్ట్-1'  వచ్చే ఏడాది జూలై 14న ప్రపంచ వ్యాప్తంగా రిలీజ్ కానుంది.