Tollywood: బిగ్ బాస్ కంటెస్టెంట్ ఇంట తీవ్ర విషాదం - రెండో పెళ్లి చేసుకోబోతున్న హృతిక్ మాజీ భార్య!
ఈరోజు సినిమా ఇండస్ట్రీకి సంబంధించిన లేటెస్ట్ అప్డేట్స్ మీకోసం..
బిగ్ బాస్ కంటెస్టెంట్ ఇంట తీవ్ర విషాదం:
బిగ్ బాస్ కంటెస్టెంట్ మెహబూబ్ దిల్ సే ఇంట తీవ్ర విషాదం నెలకొంది. గుండెపోటుతో మెహబూబ్ తల్లి మరణించింది. తల్లి మరణించడంతో మెహబూబ్ శోకసంద్రంలో మునిగిపోయాడు. తన తల్లిని ఉద్దేశిస్తూ సోషల్ మీడియాలో ఓ ఎమోషనల్ పోస్ట్ పెట్టాడు. ''అమ్మా.. నువ్ నన్ను ఒంటరిగా వదిలి వెళ్లిపోయావ్.. ఇకపై నేను డెసిషన్స్ ఎలా తీసుకోవాలి..? రోజూ ఎవరితో మాట్లాడాలి..? నువ్ లేకుండా ఎలా బ్రతకాలి..? నా వెన్నంటే ఉన్నావ్.. అండగా నిలిచావ్. నా ఎదుగుదల చూసి మురిసిపోయావ్. మాకోసం ఎంతో త్యాగం చేశావ్. నువ్ లేకుండా మా జీవితాలు ఎలా గడుస్తాయో అర్ధం కావడం లేదు. ప్రతి క్షణం నిన్ను మిస్ అవుతూనే ఉంటాను. జీవితమంటే ఏంటో నేర్పించావ్. నువ్ ఎక్కడున్నా నన్ను చూస్తుంటావ్ అని తెలుసు. నిన్ను గర్వపడేలా చేస్తాను'' అంటూ రాసుకొచ్చారు.
View this post on Instagram
రెండో పెళ్లి చేసుకోబోతున్న హృతిక్ మాజీ భార్య:
బాలీవుడ్ స్టార్ హీరో హృతిక్ రోషన్ మాజీ భార్య సుశానే ఖాన్ రెండో పెళ్లి చేసుకోబోతున్నట్లు సమాచారం. దాదాపు 14 ఏళ్ల పాటు కలిసున్న తరువాత తమ వైవాహిక జీవితానికి ఫుల్ స్టాప్ పెట్టారు హృతిక్0సుశానే. ప్రస్తుతం హృతిక్ బాలీవుడ్ నటి, సింగర్‌ సబా అజాద్‌తో డేటింగ్‌ చేస్తుండగా.. సుశానే అర్స్లాన్‌ గోనీతో ప్రేమలో ఉంది. తాజా సమాచారం ప్రకారం.. ఇప్పుడు సుశానే.. అర్స్లాన్‌ ను పెళ్లి చేసుకోబోతుందట. ఈ పెళ్లి చాలా సింపుల్ గా జరగనుంది. ఈ పెళ్లి వేడుకకు సంబంధించిన వివరాలు తెలియాల్సి ఉన్నాయి.
'హలో వరల్డ్' వెబ్ సిరీస్ ట్రైలర్:
జీ5 సంస్థతో కలిసి నీహారిక కొణిదెల 'హలో వరల్డ్' అనే వెబ్ సిరీస్ ను నిర్మించారు. పింక్‌ ఎలిఫెంట్‌ పిక్చర్స్‌ బ్యానర్‌పై ఈ సిరీస్ ను తెరకెక్కించారు. 8 ఎపిసోడ్లుగా రూపొందిన 'హలో వరల్డ్' వెబ్ సిరీస్‌కి శివసాయి వర్థన్‌ దర్శకత్వం వహించారు. ఆర్యన్‌ రాజేశ్‌, సదా, రామ్ నితిన్‌ తదితరులు కీలక పాత్రలు పోషించారు. ఆగస్టు 12 నుంచి స్ట్రీమింగ్‌ కానున్న ఈ సిరీస్ ట్రైలర్‌ను విడుదల చేశారు. నిమిషం 46 సెకన్లు ఉన్న ఈ ట్రైలర్ ను ఎంతో ఆసక్తికరంగా కట్ చేశారు.
Also Read : ఆల్రెడీ 50 శాతం రికవరీ చేసిన కళ్యాణ్ రామ్ - 'బింబిసార' ఓపెనింగ్ డే కలెక్షన్స్ ఎంతంటే?
టాప్ హెడ్ లైన్స్
ట్రెండింగ్ వార్తలు
