అన్వేషించండి

This Week OTT Releases: థియేటర్లలో చిన్న సినిమాల సందడి, ఓటీటీలో ఈ వారం 20 సినిమాలు రిలీజ్

ఈవారంలో థియేటర్లలో చిన్న సినిమాలు సందడి చేయబోతున్నాయి. అటు ఓటీటీలో సుమారు 20 సినిమాలతో పాటు పలు వెబ్ సిరీస్ లు స్ట్రీమింగ్ కు రెడీ అవుతున్నాయి.

By : ABP Desam | Updated at : 18 Sep 2023 02:37 PM (IST)

this week ott and theatre release telugu movies This Week OTT Releases: థియేటర్లలో చిన్న సినిమాల సందడి, ఓటీటీలో ఈ వారం 20 సినిమాలు రిలీజ్

ఈవారం సందడి చేసే సినిమాలు ఇవే

ఎప్పటి లాగే ఈవారం పలు సినిమాలు థియేటర్లతో పాటు ఓటీటీలో విడుదలకానుంది. థియేటర్లలో చాలా వరకు చిన్న సినిమాలే సందడి చేయబోతున్నాయి. ఓటీటీలో ఏకంగా 20 సినిమాలు ప్రేక్షకులను అలరించనున్నాయి.

ఈ వారం థియేటర్లలో విడుదలయ్యే సినిమాలు

1. ‘సప్త సాగరాలు దాటి’- ఈ నెల 22న విడుదల

కన్నడ నటుడు రక్షిత్‌ శెట్టి హీరోగా హేమంత్‌ ఎం. రావు దర్శకత్వంలో తెరకెక్కిన తాజా చిత్రం ‘సప్త సాగరదాచె ఎల్లో: సైడ్‌ ఏ’. రుక్మిణి వసంత్‌ హీరోయిన్‌ గా కనిపించింది. సెప్టెంబరు 1న కన్నడలో విడుదలై సూపర్ డూపర్ హిట్ అందుకున్న ఈ చిత్రం, తెలుగులో ‘సప్త సాగరాలు దాటి’ పేరుతో ప్రేక్షకుల ముందుకు రానుంది. ఈ చిత్రం ఈ నెల 22న విడుదల కానుంది.

2. ‘నెల్లూరి నెరజాణ’- ఈ నెల 22న విడుదల

చంద్ర, హరి, అక్సా ఖాన్‌ ప్రధాన పాత్రల్లో నటించిన సినిమా ‘నెల్లూరి నెరజాణ’. చిగురుపాటి సుబ్రమణ్యం ఈ సినిమాకు దర్శకత్వం వహించారు. ఈ సినిమా సెప్టెంబరు 22న ప్రేక్షకుల ముందుకు రానుంది.

3. ‘చీటర్’- ఈ నెల 22న విడుదల

రేఖ నిరోషా, చంద్రకాంత్ దత్త, నరేందర్ కీలక పాత్రల్లో నటించిన సినిమా ‘చీటర్‘. బర్ల నారాయణ దర్శకత్వంలో ఈ సినిమా రూపొందింది. ఈ సినిమా సెప్టెంబర్ 22న విడుదలకానుంది.

4. ‘నేనే సరోజ’- ఈ నెల 22న విడుదల

కౌశిక్‌బాబు, శాన్వీ మేఘన హీరో, హీరోయిన్లుగా నటించిన మూవీ ‘నేనే సరోజ’. శ్రీమాన్‌ గుమ్మడవెల్లి ఈ సినిమాకు దర్శకత్వం వహించారు. ఈ సినిమా సెప్టెంబరు 22న థియేటర్‌లలో విడుదల కానుంది.