Bigg Boss 6 Telugu: అందుకే ‘నారాయణ నారాయణ’ అన్నా, అంతకు మించి ఏం లేదు, వివరణ ఇచ్చిన నాగార్జున

Bigg Boss 6 Telugu: బిగ్ బాస్ వేదికపై నాగార్జున ‘నారాయణ’ అన్నారు. ఎందుకు అన్నారో ఆయన ఇలా చెప్పుకొచ్చారు.

(Image credit: Star maa)

Bigg Boss 6 Telugu: సీపీఐ నారాయణ ఎప్పట్నించో బిగ్‌బాస్ కార్యక్రమంపై ఎన్నో విమర్శలు చేస్తూ వస్తున్నారు. అమ్మాయిలు, అబ్బాయిలను తెచ్చి ఒక ఇంట్లో ఉంచడమేంటని విమర్శించారు. అది బిగ్ బాస్ హౌస్ కాదని బ్రోతల్ హౌస్ అంటూ విమర్శించారు. ఇప్పటికీ ఆయన అవకాశం దొరికినప్పుడల్లా విమర్శిస్తూనే ఉన్నారు. తాజాగా ఓ ఎపిసోడ్ లో నాగార్జున వేసిన డైలాగులు వివాదాస్పదం అయ్యాయి. ఆయన ప్రస్తుతం బిగ్ బాస్ ఇంట్లో ఉన్న మెరీనా - రోహిత్ జంట గురించి మాట్లాడుతూ ‘మీకు లైసెన్స్ ఉంది, గట్టిగా హగ్ ఇచ్చుకోండి’ అని చెప్పారు. వారు హగ్ ఇచ్చుకుంటున్నప్పుడు నాగార్జున ‘వారిద్దరూ భార్యభర్తలు... నారాయణ... నారాయణ’ అన్నారు. ఆయన ఆ మాటను సీపీఐ నాయకుడు నారాయణను ఉద్దేశించే అన్నారని అంతా భావించారు. చివరికి నారాయణ కూడా అదే అనుకున్నారు. 

నాగన్నా... నాగన్నా...
నారాయణకు నాగార్జున కామెంట్స్ తెలిసి స్పందించారు. ఓ వీడియోను విడుదల చేశారు. అందులో ‘బిగ్ బాస్ హౌస్లో పెళ్లయిన జంటలకు లైసెన్స్ ఇచ్చి శోభనం గది ఏర్పాటు చేశారన్నా... మరి మిగతా వాళ్లు సంగతి ఏంటి? వాళ్లకు పెళ్లిళ్లు కాలేదు, బంధువులూ కాదు, వంద రోజులు ఆ ఇంట్లో వారేం చేస్తారు... నాగన్నా’ అంటూ కౌంటర్ వేశారు. దీనికి నాగార్జున ఏం కౌంటర్ వేస్తారోరని అందరూ ఎదురు చూడసాగారు. మరోవైపు బిగ్ బాస్ హౌస్ లోకి వెళ్లి వచ్చిన కంటెస్టెంట్లు నారాయణ తీరుపై తీవ్ర ఆగ్రహం వ్యక్తం చేస్తున్నారు. ఆయనకు ఏం పని లేక బిగ్ బాస్ మీద పడ్డారని మండిపడుతున్నారు.

నాగ్ వివరణ...
నాగార్జున నారయణ కామెంట్లకు కౌంటర్ వేస్తారనుకుంటే వివరణ ఇచ్చుకున్నారు. తాను ఆ రోజు అలా బిగ్ బాస్ వేదికపై ఎవరినీ ఉద్దేశించి అనలేదని చెప్పుకొచ్చారు. తనకు సాధారణంగా ఎవరైనా జోక్ వేస్తే ‘నారాయణ నారాయణ’ అనే అలవాటు ఉందని చెప్పారు. అదే విధంగా ఆరోజు వారిని నవ్వించాలనే అన్నట్టు వివరణ ఇచ్చారు. ఇక బిగ్ బాస్ హౌస్లో ఉన్న వారిని చూస్తుంటే జీవిత పాఠంలా అనిపిస్తుందని చెప్పారు. ఎవరు నటిస్తున్నారు, ఎవరు రియల్ క్యారెక్టర్ చూపిస్తున్నారన్నది తెలుసుకుంటే అదొక మంచి పాఠం అవుతుందని అన్నారు. కుటుంబాన్ని వదిలేసి, తెలియాని వారితో కలిసి వందల కెమెరాల మధ్య జీవించడం అంటే చాలా కష్టమైన విషమయని, తనకు అవకాశం వచ్చినా కూడా బిగ్ బాస్ హౌస్ లోకి వెళ్లనని చెప్పారు. 

Weekend fun ki siddham avvandi... With our King of entertainment🤩

Catch today's episode at 9 PM on @StarMaa & @DisneyPlusHSTel.#BiggBossTelugu6 #BBLiveOnHotstar#StarMaa #DisneyPlusHotstar pic.twitter.com/p43Q0zKCWM

— starmaa (@StarMaa) September 10, 2022