Sudigali Sudheer : డబ్బుల కోసమే 'జబర్దస్త్'కు బ్రేక్ - 'సుడిగాలి' సుధీర్

'సుడిగాలి' సుధీర్‌ను బుల్లితెరపై స్టార్‌గా చూస్తున్న జనాలు ఎక్కువ. ఆయన ఖాళీ లేకుండా షోలు చేస్తున్నారు. సినిమాల్లో బిజీ అవుతున్నారు. ఆయన డబ్బుల కోసం ఒత్తిడి ఎదుర్కొన్నానని తెలిపారు. 

'సుడిగాలి' సుధీర్‌

'సుడిగాలి' సుధీర్ (Sudigali Sudheer) బిజీ ఆర్టిస్ట్. కొన్ని సంవత్సరాలుగా ఆయన టీవీ షోలు చేస్తున్నారు. ఇప్పుడిప్పుడు ఆయన సినిమాల్లో బిజీ అవుతున్నారు. ఓ ఛానల్ కాదంటే మరో ఛానల్ సుధీర్‌తో ప్రోగ్రామ్స్ చేయడానికి రెడీ అంటున్నాయి. మూడు సినిమాలు, ఆరు టీవీ షోలు అంటూ సాగుతున్న సుధీర్ జీవితంలో డబ్బులకు ఎటువంటి లోటు లేదని ఎవరైనా భావిస్తారు. కానీ, ఆయన చెప్పేది వింటే... డబ్బుల కోసం ఒత్తిడి ఎదుర్కొన్నట్లు తెలుస్తోంది.

'జబర్దస్త్' వీడటానికి కారణం చెప్పిన సుధీర్!
సుధీర్ అంటే బుల్లితెర వీక్షకులకు గానీ, తెలుగు ప్రేక్షకులకు గానీ ముందుగా గుర్తుకు వచ్చేది 'జబర్దస్త్', 'ఎక్స్ట్రా జబర్దస్త్' (Extra Jabardasth) ప్రోగ్రామ్స్. రష్మీ గౌతమ్ (Rashmi Gautam) తో ఆయన ఆన్ స్క్రీన్ లవ్ & కెమిస్ట్రీ గురించి! ఆఫ్ స్క్రీన్ తమ మధ్య ప్రేమ లేదని ఇద్దరూ చాలా సార్లు చెప్పారనుకోండి. అటువంటి 'జబర్దస్త్'లో రష్మీతో ఆయన కనిపించి నెలలు కావొస్తోంది. మళ్ళీ, అతి త్వరలో 'ఎక్స్ట్రా జబర్దస్త్' స్టేజి మీద సుధీర్ సందడి చేయనున్నారు. వీక్షకులను నవ్వించనున్నారు.

అసలు... 'జబర్దస్త్'ను 'సుడిగాలి' సుధీర్ ఎందుకు వీడాల్సి వచ్చింది? ఎందుకు వేరే ఛానళ్ళలో షోస్ చేశారు? - 'గాలోడు' (Gaalodu Movie) సినిమా నవంబర్ 18న విడుదల కానున్న సందర్భంగా ఓ మీడియా సంస్థకు ఇచ్చిన ఇంటర్వ్యూలో సుధీర్ సమాధానాలు ఇచ్చారు. 

వదల్లేదు... గ్యాప్ ఇచ్చా! - సుధీర్
''నేను 'జబర్దస్త్'కు చిన్న బ్రేక్ ఇచ్చానంతే! అది కూడా మల్లెమాల యాజమాన్యానికి చెప్పి బ్రేక్ తీసుకున్నాను. నాకు ఉన్న ఫైనాన్షియల్ స్ట్రెస్ వల్ల! నాకు ఉన్న ఆర్థిక ఒత్తిడి గురించి మల్లెమాలకు చెప్పాను. వాళ్ళు ఏమైనా అడ్జస్ట్ చేస్తారేమోనని అడిగా. అయితే... అప్పుడు వాళ్ళు స్టూడియో కట్టడంతో కుదరలేదేమో!? ఆరు నెలలు గ్యాప్ తీసుకోవడానికి ఓకే అన్నారు. ఆరు నెలలు అయిపొయింది. మళ్ళీ మల్లెమాల సంస్థకు 'నేను వర్క్ చేయడానికి రెడీ' అని చెప్పాను. ఇంకేమైనా షోస్ ఉంటే చెప్పమని అడిగాను. ప్రస్తుతం మాట్లాడుతున్నాం'' అని 'సుడిగాలి' సుధీర్ వివరించారు. తాను ఈ విషయం గురించి మాట్లాడకపోడంతో జనాలు ఏదేదో అనుకున్నారని ఆయన పేర్కొన్నారు. అదీ సంగతి!

బుల్లితెరపై హాస్య నటుడిగా ప్రయాణం ప్రారంభించి వెండితెరపై కథానాయకుడి వరకు 'సుడిగాలి' సుధీర్ వచ్చారంటే... కారణం 'ఎక్స్ట్రా జబర్దస్త్', 'జబర్దస్త్' ప్రోగ్రామ్సే. రష్మీ గౌతమ్ కథానాయికగా నటించిన 'బొమ్మ బ్లాక్ బస్టర్' సినిమా ప్రీ రిలీజ్ వేడుకలో మళ్ళీ తాను 'జబర్దస్త్'కు వచ్చినట్లు సుధీర్ హింట్ ఇచ్చారు. 

కేవలం 'ఎక్స్ట్రా జబర్దస్త్' మాత్రమే కాదు... మల్లెమాల సంస్థ రూపొందించిన 'పోరా పోవే', డాన్స్ రియాలిటీ షో 'ఢీ', 'శ్రీదేవి డ్రామా కంపెనీ' కార్యక్రమాలు ఆయన్ను ప్రేక్షకులకు మరింత దగ్గర చేశాయి. అయితే... కొన్ని రోజుల క్రితం మల్లెమాల సంస్థను వదిలేశారు సుధీర్. ఈటీవీ ప్రోగ్రామ్స్ కాకుండా వేరే ఛానల్ ప్రోగ్రామ్స్ చేయడం స్టార్ట్ చేశారు. ఆ ప్రోగ్రామ్స్ ఎండ్ అయ్యాయి. దాంతో మళ్ళీ ఎప్పుడూ ఎండ్ అవ్వకుండా నడిచే 'ఎక్స్ట్రా జబర్దస్త్'కు వచ్చాడని తెలుస్తోంది.

'సుడిగాలి' సుధీర్‌తో పాటు 'గెటప్' శీను కూడా 'ఎక్స్ట్రా జబర్దస్త్' వీడినా... మళ్ళీ కొన్ని రోజులకు ఆయన తిరిగి వచ్చారు. అందువల్ల, సుధీర్ కూడా మళ్ళీ తిరిగి వచ్చే అవకాశాలను కొట్టి పారేయలేం. అదీ సంగతి!