Sid Sriram New Telugu Song : దాచి దాచి ఆ ఊసులేవో గొంతు లోపల - సిద్ శ్రీరామ్ కొత్త పాట!
సిద్ శ్రీరామ్ మరో కొత్త పాటతో ప్రేక్షకుల ముందుకు వస్తున్నారు. సంగీత, తిరువీర్, కావ్యా కళ్యాణ్ రామ్ నటించిన 'మసూద'లో ఆయన ఓ పాట పాడారు.
సీనియర్ హీరోయిన్, ఇప్పుడు సినిమాల్లో ప్రధాన పాత్రల్లో కనిపిస్తున్న సంగీత (Sangeetha) ఓ ప్రధాన పాత్రలో నటించిన సినిమా 'మసూద' (Masooda Movie). 'జార్జ్ రెడ్డి'లో లలన్ సింగ్ పాత్రలో నటించిన తిరువీర్ (Thiruveer) ఈ సినిమాలో కథానాయకుడు. 'ఆహా' వెబ్ సిరీస్ 'సిన్'లో కూడా ఆయన హీరోగా చేశారు. ఆయన జోడీగా కావ్యా కళ్యాణ్ రామ్ (Kavya Kalyanram) నటించారు. కథానాయికగా ఆమెకు తొలి చిత్రమిది. ఇంతకు ముందు 'గంగోత్రి'లో బాల నటిగా కనిపించిన అమ్మాయి ఈ అమ్మాయే.
నవంబర్ మూడో వారంలో 'మసూద'!
నవంబర్ మూడో వారంలో 'మసూద' సినిమాను విడుదల చేయడానికి సన్నాహాలు చేస్తున్నారు. తొలుత 11న విడుదల చేయాలని అనుకున్నా... ఇప్పుడు 18కి వెళ్ళినట్టు తెలిసింది (Masooda Movie New Release Date). ఇంకా అధికారికంగా విడుదల తేదీని వెల్లడించలేదు. కానీ, ప్రచారం ప్రారంభించారు. సినిమాలో తొలి పాటను ప్రేక్షకుల ముందుకు తీసుకొస్తున్నారు.
'మసూద'లో సిద్ శ్రీరామ్ పాట!
'మసూద'లో సిద్ శ్రీరామ్ ఓ పాట పాడారు. 'దాచి దాచి ఓసి కోయిలా... ఆ ఊసులేవో గొంతు లోపల' అంటూ సాగే ఈ సాంగ్ ప్రోమో నేడు విడుదల చేశారు. బుధవారం సాయంత్రం ఫుల్ సాంగ్, లిరికల్ వీడియో విడుదల చేస్తున్నారు. ఈ పాటకు చైతన్య పింగళి సాహిత్యం అందించారు. ఈ చిత్రానికి ప్రశాంత్ ఆర్. విహారి సంగీత దర్శకుడు.
హారర్ డ్రామాగా 'మసూద' రూపొందింది. 'మ‌ళ్లీ రావా', 'ఏజెంట్ సాయి శ్రీ‌నివాస ఆత్రేయ' వంటి విజయవంతమైన చిత్రాలు నిర్మించిన స్వధ‌ర్మ్ ఎంట‌ర్‌టైన్‌మెంట్ సంస్థలో రూపొందుతోన్న మూడో చిత్రమిది. రాహుల్ యాదవ్ నక్కా (Rahul Yadav Nakka) నిర్మించారు. తెలుగుతో పాటు హిందీ, త‌మిళంలో విడుదల చేయడానికి ప్లాన్ చేస్తున్నారు. ఇప్పటికే విడుదల చేసిన స్టిల్స్, టీజర్‌కు మంచి రెస్పాన్స్ లభించిందని, మంచి హారర్ డ్రామాల్లో ఇదీ ఒకటిగా నిలుస్తుందనే నమ్మకం ఉందని రాహుల్ యాదవ్ నక్కా తెలిపారు.
Also Read : 'పుష్ప 2' - ఖర్చులో అస్సలు తగ్గేదే లే
Masooda Teaser Review : 'మసూద' టీజర్ చూస్తే... ఇదొక హారర్ డ్రామా సినిమా అనే విషయం అర్థం అవుతోంది. 'టాబ్లెట్స్‌తో తనకు నయం అవుతుందని నాకు అనిపించడం లేదు గోపీ! అప్పుడప్పుడూ తాను చేసేది చూస్తే ఎవరైనా పీర్ బాబాకు చూపిస్తే మంచిదేమో! ఏమంటావ్' అని సంగీత చెప్పే డైలాగ్‌తో టీజర్ మొదలైంది. 'ఏమో అండీ. నాకు అస్సలు ఐడియా లేదు' అని తిరువీర్ చెబుతారు. ఆ తర్వాత స్క్రీన్ మీద చాలా విజువల్స్ కనిపిస్తాయి. కథేంటి? అనేది క్లారిటీగా చెప్పలేదు. కానీ, ముస్లిం ఫ్యామిలీ నేపథ్యంలో సినిమా తెరకెక్కించినట్టు అర్థం అవుతోంది.
మతం, మూఢ నమ్మకాలు, సైన్స్ నేపథ్యంలో సినిమా రూపొందించారు. ఇందులో గోపిగా తిరువీర్ నటించారు. సైన్స్ టీచర్ పాత్రలో సంగీత నటించారు. శుభలేఖ సుధాకర్, సత్య ప్రకాష్ తదితరులనూ చూపించారు. తిరువీర్ దేని కోసమో వెతకడం, ఆయన్ను ఎవరో కత్తితో పొడిచినట్టు చూపించడం... మొత్తం మీద సినిమాపై ఈ టీజర్ ఆసక్తి కలిగించింది.
'మళ్ళీ రావా'తో గౌతమ్ తిన్ననూరిని, 'ఏజెంట్ సాయి శ్రీనివాస్ ఆత్రేయ'తో స్వరూప్ ఆర్ఎస్‌జేను దర్శకులుగా పరిచయం చేసిన రాహుల్ యాదవ్ నక్కా.. . ఈ సినిమాతో సాయికిరణ్ అనే యువకుడిని దర్శకుడిగా పరిచయం చేస్తున్నారు. అఖిల రామ్, బాంధవి శ్రీధర్, 'సత్యం' రాజేష్ తదితరులు నటించారు.
టాప్ హెడ్ లైన్స్
ట్రెండింగ్ వార్తలు
