Leela Vinodam: నేరుగా ఓటీటీలోకి షణ్ముఖ్ జస్వంత్ ‘లీలా వినోదం’, స్ట్రీమింగ్ ఎప్పటి నుంచి అంటే?

Shanmukh Jaswanth : యూట్యూబర్ షణ్ముఖ్ జస్వంత్ హీరోగా తెరకెక్కిన తాజా చిత్రం ‘లీలా వినోదం’. త్వరలో ఈ మూవీ విడుదలకు రెడీ అవుతోంది. థియేటర్లలో కాకుండా నేరుగా ఓటీటీలోకి అడుగు పెట్టబోతోంది.

షణ్ముఖ్ జస్వంత్

Source : Shanmukh Jaswanth Kandregula/Instagram

Leela Vinodam OTT Release Date: యూట్యూబర్ షణ్ముఖ్ జస్వంత్ గురించి పెద్దగా పరిచయం అవసరం లేదు. షార్ట్ ఫిలిమ్స్ తో మంచి గుర్తింపు తెచ్చుకున్నాడు. ఆయన నటించిన షార్ట్ ఫిలిమ్స్, వెబ్ సిరీస్లు మిలియన్ల కొద్దీ వ్యూస్ సాధించాయి. ఈ క్రేజ్ తో బిగ్ బాస్ షోలోకి కంటెస్టెంట్ గా అడుగు పెట్టాడు. టైటిల్ కొట్టేస్తాడు అనుకున్నా.. చివరి దశలో చేజార్చుకున్నాడు. బిగ్ బాస్ షోతో మరింత పాపులర్ అయ్యాడు. ఆ తర్వాత పలు వివాదాల్లో చిక్కుకుని వార్తల్లో నిలిచాడు. కొంత కాలం పాటు సైలెంట్ గా ఉన్న షణ్ముఖ్ ఇప్పుడు హీరోగా ప్రేక్షకులను అలరించేందుకు రెడీ అవుతున్నాడు. ఆయన నటించిన తాజా చిత్రం త్వరలో ప్రేక్షకుల ముందుకు రాబోతోంది.    

నేరుగా ఓటీటీలోకి ‘లీలా వినోదం’ మూవీ

షణ్ముఖ్ జస్వంత్ హీరోగా ‘లీలా వినోదం’ అనే మూవీ తెరకెక్కుతోంది. ఈ సినిమాకు పవన్ సుంకర దర్శకత్వం వహిస్తున్నారు. మలయాళ ముద్దుగుమ్మ అనఘా అజిత్ హీరోయిన్ గా నటిస్తోంది. ఈ సినిమాను శ్రీధర్ నిర్మిస్తున్నారు. ఆర్ కృష్ణ చేత‌న్ సంగీతాన్ని అందిస్తున్నారు. ఇప్పటికే ఈ సినిమా షూటింగ్  దాదాపు పూర్తి కావచ్చింది.  మరోవైపు పోస్టు ప్రొడక్షన్ పనులు కూడా జరుగుతున్నాయి. ఈ నేపథ్యంలో సినిమా రిలీజ్ కు సంబంధించి మేకర్స్ అధికారిక ప్రకటన చేశారు. ఈ సినిమా నేరుగా ఓటీటీలోకి తీసుకురాబోతున్నట్లు వెల్లడించారు.   

ఈటీవీ విన్ వేదికగా నవంబర్ 8 నుంచి స్ట్రీమింగ్

తొలుత ఈ సినిమాను థియేటర్లలో విడుదల చేయాలని మేకర్స్ భావించినా కొన్ని కారణాలతో నేరుగా ఓటీటీలో విడుదల చేస్తున్నారు. ప్రముఖ తెలుగు ఓటీటీ ఫ్లాట్ ఫారమ్ ఈ టీవీ విన్  వేదికగా ప్రేక్షకులకు అందుబాటులోకి తీసుకురాబోతున్నారు. నవంబర్ 8 నుంచి ఈ సినిమా స్ట్రీమింగ్ కానున్నట్లు ఈటీవీ విన్ వెల్లడించింది. ఈ మేరకు ఓ పోస్టర్ ను రిలీజ్ చేసింది. ఈ పోస్టర్ లో హీరో, హీరోయిన్లు సైకిల్ తొక్కుతూ ఒకరికొకరు తలకిందులుగా కనిపించారు. ఈ సినిమా విలేజ్ బ్యాగ్రౌండ్ లవ్ స్టోరీగా తెరకెక్కుతున్నట్లు తెలుస్తోంది. ఈ మూవీలో వినోద్ పాత్రలో షణ్ముఖ్ కనిపించనున్నారు. లీలాగా అనఘా అజిత్ కనిపించనుంది. ఇప్పటికే ఈ సినిమాకు సంబంధించిన టీజర్ విడుదలైన ప్రేక్షకులను ఆకట్టుకుంది. తన ప్రేమను అమ్మాయికి చెప్పాలి అనుకుని చెప్పలేని యువకుడి పాత్రలో ఆయన కనిపించాడు. త్వరలో  ఈ మూవీకి సంబంధించిన ట్రైలర్ విడుదల చేయనున్నట్లు తెలుస్తోంది.   

 

 

 

 

 

View this post on Instagram

 

 

 

 

 

 

 

 

 

 

 

A post shared by Shanmukh Jaswanth Kandregula (@shannu_7)

డైరెక్టర్ భీమా శంక‌ర్ సినిమా చేస్తున్న షణ్ముఖ్

‘లీలా వినోదం’ సినిమాతో పాటు దర్శకుడు భీమా శంకర్ తో కలిసి ఓ సినిమా చేస్తున్నాడు షణ్ముఖ్ జశ్వంత్. ప్రస్తుతం షూటింగ్ కొనసాగుతోంది. ఈ సినిమా థియేటర్లలో విడుదల కానున్నట్లు షణ్ముఖ్ వెల్లడించాడు. వెండి తెరపై తనను తాను చూసుకోవాలనే కల, కోరిక నెరవేరుతుందని సోషల్ మీడియా వేదికగా రాసుకొచ్చారు. తన కెరీర్ లో ఎన్నో ఇబ్బందులు ఎదురైనా ప్రేక్షకుల నుంచి మంచి సపోర్టు లభిస్తుందన్నాడు.  ఈ రెండు సినిమాలకు సైతం ప్రేక్షకులకు మంచి మద్దతు లభిస్తుందని భావిస్తున్నట్లు ఆశాభావం వ్యక్తం చేశాడు.