అన్వేషించండి

Shahid Kapoor on Samantha: సమంతతో కలిసి నటించాలనుకుంటున్న బాలీవుడ్ స్టార్..

'ది ఫ్యామిలీ మ్యాన్ 2' సిరీస్ లో సమంత పెర్ఫార్మన్స్ కి ఫిదా అయిన షాహిద్ కపూర్ ఆమెతో కలిసి నటించాలనుకుంటున్నట్లు చెప్పారు.

By : ABP Desam | Updated at : 27 Sep 2021 05:59 PM (IST)

మంతతో కలిసి నటించాలనుకుంటున్న బాలీవుడ్ స్టార్

'ది ఫ్యామిలీ మ్యాన్ 2' సిరీస్ లో సమంత పెర్ఫార్మన్స్ కి ఫిదా అయిన షాహిద్ కపూర్ ఆమెతో కలిసి నటించాలనుకుంటున్నట్లు చెప్పారు. రీసెంట్ గా ట్విట్టర్ లో అభిమానులతో ముచ్చటించిన షాహిద్ వారు అడిగిన ప్రశ్నలకు సమాధానాలు చెప్పుకొచ్చారు. ఈ క్రమంలో ఓ నెటిజన్ 'ది ఫ్యామిలీ మ్యాన్ 2' సీజన్ లో సమంత పెర్ఫార్మన్స్ గురించి ప్రశ్నించారు.

Also Read: భర్తతో విడాకులు.. స్పందించిన శిల్పాశెట్టి..

దీనిపై రియాక్ట్ అయిన షాహిద్.. షోలో సమంత పెర్ఫార్మన్స్ కి ఫిదా అయిపోయానని.. ఆమెతో కలిసి నటించాలనుకుంటున్నట్లు బదులిచ్చారు. ప్రస్తుతం ఈ ట్వీట్ సోషల్ మీడియాలో వైరల్ అవుతోంది. ఇది చూసిన నెటిజన్లు ఈ కాంబినేషన్ కోసం వెయిట్ చేస్తున్నామంటూ కామెంట్స్ పెడుతున్నారు.

టాలీవుడ్ లో స్టార్ హీరోయిన్ గా గుర్తింపు తెచ్చుకున్న సమంత 'ది ఫ్యామిలీ మ్యాన్ 2' సీజన్ తో బాలీవుడ్ లో ఎంట్రీ ఇచ్చింది. ఇందులో ఆమె పోషించిన రాజీ పాత్రకు ప్రేక్షకుల నుంచి మంచి రెస్పాన్స్ వచ్చింది. ఈ పాత్ర కోసం సమంత చాలా కష్టపడింది. చాలా వరకు యాక్షన్ సీన్స్ లో ఎలాంటి డూప్ లేకుండా నటించింది. ఆమె డెడికేషన్ కు అభిమానులతో పాటు సెలబ్రిటీలు కూడా ఫిదా అయిపోయారు. ఇప్పుడు సమంతకు బాలీవుడ్ లో మరిన్ని అవకాశాలు వస్తున్నాయి. కానీ ప్రస్తుతం ఆమె ఏ ప్రాజెక్ట్ అంగీకరించలేదు. మరోపక్క షాహిద్ కపూర్ 'కబీర్ సింగ్' సినిమాతో భారీ విజయాన్ని అందుకొని ఇప్పుడు 'జెర్సీ' సినిమా రీమేక్ లో నటిస్తున్నారు.