SalmanKhan: తమ్ముడి రెండో పెళ్లిపై సల్మాన్‌ఖాన్‌ సెటైర్లు - అందరి ముందు పరువు తీసేశాడుగా!

SalmanKhan: బిగ్‌బాస్‌ - 17 గ్రాండ్‌ఫినాలే స్టేజ్‌పై నవ్వులే నవ్వులే.. సల్మాన్‌ఖాన్‌, అర్బాజ్‌ఖాన్‌, సొహైల్‌ఖాన్‌ ముగ్గురు ఖాన్లు పెళ్లిల గురించి జోకులు వేసి నవ్వించారు.

Image Credits : Arbaaz Khan / Twitter

Bigg Boss 17: హిందీ సీజన్‌ బిగ్‌బాస్‌ - 17 గ్రాండ్‌ ఫినాలే ధూమ్‌ధామ్‌గా జరిగింది. ఆదివారం సాయంత్రం ఈ వేడుకను ఘనంగా నిర్వహించారు. మున్నావర్‌ ఫరూఖీ ట్రోఫీని కైవసం చేసుకున్నారు. ఇక ఈ సీజన్‌కి హోస్ట్‌గా సల్మాన్‌ ఖాన్‌ వ్యవహరిస్తుండగా.. ఫినాలేకి ఆయన తమ్ముళ్లు అర్బాజ్‌ఖాన్‌, సోహైల్‌ ఖాన్‌ వచ్చారు. దీంతో ఖాన్‌ ట్రయోతో స్టేజ్‌ కలకళ్లాడింది. ఇక వాళ్లు వేసిన జోకులతో ఆడియన్స్‌ తెగ ఎంటర్‌టైన్‌ అయ్యారు. అర్బాజ్‌ఖాన్‌ పెళ్లిపై సెటైర్లు వేసి నవ్వించారు సల్మాన్‌ఖాన్‌. 

అర్బాజ్‌ పెళ్లిపై జోకులు.. 

ప్రముఖ విలన్‌, నటుడు, సల్మాఖాన్‌ తమ్ముడు అర్బాజ్‌ ఈ మధ్యే రెండో పెళ్లి చేసుకున్నాడు. సెలబ్రిటీ మేకప్‌ ఆర్టిస్ట్‌ షురాఖాన్‌ను ఆయన రెండో పెళ్లి చేసుకున్నారు. దీంతో ఈ విషయమై స్టేజ్‌పై జోకులు పేలాయి. క్వీన్‌ ఆఫ్‌ కామెడీగా పేరుపొందిన భారతి అర్బాజ్‌ను టీజ్‌ చేశారు. తనను పెళ్లికి పిలవలేదని, తను చేసుకోబోయే తరువాతి పెళ్లికి తన పేరు గెస్ట్‌ లిస్ట్‌లో ఉంటుందని ఆశిస్తున్నానని అనేశారు. దీంతో ఆడియెన్స్‌ అంతా ఒక్కసారిగా అయోమయానికి గురయ్యారు.

ఆ వెంటనే టాపిక్‌ మార్చేసిన భారతి.. తెలివిగా సల్మాన్‌ ఖాన్‌ని కదిలిస్తూ అర్బాజ్‌ రెండోపెళ్లిపై మీ అభిప్రాయం ఏంటి అని అడిగింది. దానికి సల్మాన్‌ అందరినీ నవ్విస్తూ.. "అర్బాజ్‌ ఎవ్వరి మాట వినడు" అంటూ పరోక్షంగా అతని మొదటి పెళ్లిపై సెటైర్లు వేశాడు. దానికి వెంటనే అర్బాజ్‌ సమాధానం ఇస్తూ.. "అర్బాజ్‌ ఎవ్వరి మాట వినడు.. ఒకవేళ వింటే.." అంటూ తన సమాధానం చెప్పడంతో.. ఆడియన్స్ అంతా ఒక్కసారిగా గట్టిగా నవ్వారు. అలా స్టేజ్‌ మొత్తం సందడిగా మారిపోయింది. 

ఇక భారతి మరో గెస్ట్‌ సోహైల్‌నీ వదిలిపెట్టలేదు. ఆయన ఫ్యాషన్‌ సెన్స్‌పై సెటైర్లు వేసి, టీజ్‌ చేసింది. దీంతో బిగ్‌బాస్‌ స్టేజ్‌ మొత్తం ఖాన్‌ బ్రదర్స్‌ ఫన్‌తో కలకలాడింది. కొంచెంసేపు ప్రేక్షకులు, హౌస్‌మెట్స్‌ బాగా నవ్వుకున్నారు. ఖాన్‌ బ్రదర్స్‌ అలా తమ మార్క్‌ చూపించారు బిగ్‌బాస్‌ ఫినాలే స్టేజ్‌పైన.

ఇక ఫినాలేలో మున్నావర్‌ ఫరూఖీ అనే స్టాండప్‌ కమెడియన్‌ ట్రోఫీ అందుకున్నారు. ఆయనకు గిఫ్ట్‌గా రూ.50 లక్షల ప్రైజ్‌మనీ, బ్రాండ్‌ న్యూ హుందాయ్‌ క్రెటా కారును అందించారు సల్మాన్‌ఖాన్‌. ఇక అభిషేక్‌కుమార్‌ రన్నరప్‌గా నిలిచారు. ఇక స్టాండప్‌ కమెడియన్‌ ఫరూఖీ స్టాండప్‌ కమెడియన్‌, ర్యాపర్‌ కూడా. ఆయనకు సొంతంగా యూట్యూబ్‌ ఛానెల్‌ కూడా ఉంది. అయితే, హిందూ దేవుళ్లపై వ్యాఖ్యలు చేసినందుకు గాను ఫరూఖీ నెల పాటు జైల్లో కూడా ఉన్నారు. ఇక ఆ తర్వాత ఆయనకు సంబంధించి షోలు 12 వరుసగా క్యాన్సిల్‌ కావడంతో.. తను కామెడీని వదిలేస్తున్నట్లు ప్రకటించారు. ఆ తర్వాత 2022లో రీఎంట్రీ ఇచ్చారు.  

సల్మాన్‌ఖాన్‌ తమ్ముడిగా బాలీవుడ్‌లోకి ఎంట్రీ ఇచ్చిన అర్బాజ్‌ఖాన్‌ 1998లో నటి మలైకా అరోరాను వివాహం చేసుకున్నారు. ఆ తర్వాత 2017లో ఆమెకు విడాకులు ఇచ్చి.. ఈ మధ్యే రెండో పెళ్లి చేసుకున్నారు. సల్మాన్‌ఖాన్‌ తమ్ముడిగా బాలీవడ్‌లోకి ఎంట్రీ ఇచ్చిన అర్బాజ్‌ 'దరార్‌'తొ అరంగేట్రం చేసి మంచి పేరు తెచ్చుకున్నారు. ఇక ఆ తర్వాత 'హలో బ్రదర్‌', 'సోచ్‌', 'కుచ్‌ నా కహో', 'హల్‌చల్‌', 'జై చిరంజీవ', 'ఓంశాంతి', 'గాడ్‌ఫాదర్‌', 'ఫ్యాషన్‌' 'దబాంగ్‌' తదితర చిత్రాల్లో నటించారు.