Vyjayanthi Movies: నేషనల్ అవార్డ్ డైరెక్టర్ తో శ్రీకాంత్ కొడుకు, హిట్ కొడతాడా?

వైజయంతీ మూవీస్ సంస్థ ఓ పక్కన 'ప్రాజెక్ట్ K' లాంటి భారీ బడ్జెట్ సినిమాలు తీస్తూనే.. మరోపక్క చిన్న బడ్జెట్ సినిమాలను నిర్మిస్తుంది.

నేషనల్ అవార్డ్ డైరెక్టర్ తో శ్రీకాంత్ కొడుకు

టాలీవుడ్ నటుడు శ్రీకాంత్ తన కొడుకు రోషన్ ను హీరోగా పరిచయం చేసిన సంగతి తెలిసిందే. 'నిర్మలా కాన్వెంట్', 'పెళ్లి సందD' వంటి సినిమాల్లో నటించాడు రోషన్. అయితే ఈ రెండు సినిమాలు కూడా రోషన్ కి సరైన సక్సెస్ ను తీసుకురాలేకపోయాయి. దీంతో ఈసారి నేషనల్ అవార్డ్ విన్నర్ ను రంగంలోకి దింపుతున్నారు. తన షార్ట్ ఫిలిమ్స్, డాక్యూమెంటరీలతో ఆకట్టుకున్న దర్శకుడు ప్రదీప్ అద్వైతం ఈ సినిమాను డైరెక్ట్ చేయబోతున్నారు. 

ఈ సినిమాను వైజయంతీ మూవీస్ బ్యానర్ పై తెరకెక్కించడం విశేషం. ఈరోజు రోషన్ పుట్టినరోజు సందర్భంగా ఈ సినిమాను ప్రకటించింది నిర్మాణ సంస్థ. దీంతో పాటు ఓ పోస్టర్ ను విడుదల చేశారు. ఇందులో రోషన్ ను వెనక నుంచి చూపించారు. ఓ బ్యాగ్ పట్టుకొని గ్రౌండ్ లోకి ఎంటర్ అవుతున్నట్లుగా కనిపించాడు రోషన్. పోస్టర్ ని చూస్తుంటే పీరియాడిక్ లుక్ మాదిరి అనిపిస్తోంది. మరి సినిమా బ్యాక్ డ్రాప్ ఏంటో తెలియాలంటే కొన్ని రోజులు వెయిట్ చేయాల్సిందే. త్వరలోనే ఈ సినిమాను సెట్స్ పైకి తీసుకెళ్లనున్నారు. 

వైజయంతీ మూవీస్ సంస్థ ఓ పక్కన 'ప్రాజెక్ట్ K' లాంటి భారీ బడ్జెట్ సినిమాలు తీస్తూనే.. మరోపక్క చిన్న బడ్జెట్ సినిమాలను నిర్మిస్తుంది. ఈ బ్యానర్ లో వచ్చిన 'జాతిరత్నాలు' సినిమా ఎంత పెద్ద సక్సెస్ అయిందో తెలిసిందే. అందుకే చిన్న సినిమాలను ప్రోత్సహించడానికి ఆసక్తి చూపిస్తున్నారు వైజయంతీ నిర్మాతలు. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Swapna Cinema (@swapnacinema)