Kalki 2898 AD: పురాణ ఆయుధాలే గన్స్‌లా మారితే? ‘కల్కి’ నుంచి ఇంట్రెస్టింగ్ వీడియో రిలీజ్

Kalki 2898 AD: ప్రభాస్, నాగ్ అశ్విన్ కాంబోలో తెరకెక్కుతున్న 'కల్కి 2898 AD'కి సంబంధించి మేకర్స్ ఆసక్తికర వీడియో రిలీజ్ చేశారు. పురాణ ఆయుధాలకు లేటెస్ట్ టెక్నాలజీ తోడైతే ఎలా ఉంటుందో చూపించారు.

'కల్కి 2898 AD' ఆయుధాలు(Photo Credit: Kalki 2898 AD/twitter)

Kalki 2898 AD Movie Update: పాన్ ఇండియన్ స్టార్ ప్రభాస్ హీరోగా తెరకెక్కుతున్న తాజా చిత్రం 'కల్కి 2898 AD'. దర్శకుడు నాగ్ అశ్విన్ ప్రతిష్టాత్మకంగా ఈ చిత్రాన్ని రూపొందిస్తున్నారు. ప్రముఖ నిర్మాణ సంస్థ వైజయంతి మూవీస్ బ్యానర్ లో సుమారు రూ. 600 కోట్ల భారీ బడ్జెట్ అశ్వినీ దత్ ఈ సినిమాను నిర్మిస్తున్నారు. ఇప్పటికే 80 శానికిపైగా షూటింగ్ కంప్లీట్ చేసుకున్న ఈ సినిమా ప్రస్తుతం పోస్టు ప్రొడక్షన్ పనులు జరుపుకుంటోంది. ప్రభాస్‌ ‘సలార్‌’ సూపర్ హిట్‌ కావడంతో సినీ ప్రియులంతా ఆయన తర్వాతి సినిమా కోసం ఆసక్తిగా ఎదురుచూస్తున్నారు. తాజాగా ఈ మూవీ నుంచి మేకర్స్ ఆసక్తికర వీడియోను రిలీజ్ చేశారు. 

పురాణ ఆయుధాలకు టేలెస్ట్ టెక్నాలజీ తోడైతే?

'కల్కి 2898 AD' సినిమాకు సంబంధించి ఇప్పటికే మేకర్స్ కీలక విషయాలు వెల్లడించారు. ఈ సినిమాలో ప్రభాస్  మోడ్రన్ మహావిష్ణువులా కనిపించబోతున్నట్లు నిర్మాత అశ్వినిదత్ ఇప్పటికే చెప్పారు. అటు పురాణాలను సైన్స్ తో కలిపి ఈ సినిమాను తెరకెక్కిస్తున్నట్లు దర్శకుడు నాగ్ అశ్విన్ తెలిపారు. పురాణాల్లో ఎన్నో పవర్ ఫుల్ ఆయుధాలు ఉన్నాయని, వాటికి టెక్నాలజీ కలిస్తే ఎలా ఉంటుందో ఇందులో చూడవచ్చన్నారు. ఆయన చెప్పినట్లుగానే చిత్రబృందం కీలక అప్ డేట్ ఇచ్చింది.

ఈ సినిమాలో వాడే ఆయుధాలకు సంబంధించిన మేకింగ్ వీడియోను రిలీజ్ చేసింది. పురాణాలలో ఉపయోగించిన ఆయుధాలను ఆధునిక కాలానికి సరిపడేలా తయారు చేశారు. శ్రీమహా విష్ణువు వాడే పవర్ ఫుల్ ఆయుధాలను ఆధునిక హంగులతో మార్పులు చేసినట్లు కనిపిస్తోంది. ఆయుధాల తయారీలో పెద్ద సంఖ్యలో నిపుణులు పని చేసినట్లు ఈ వీడియో చూస్తే అర్థం అవుతోంది. పెద్ద ప్రదేశంలో ఎంతో మంది కార్మికులు, టెక్నీషియన్లు కష్టపడి వీటిని రూపొందిస్తున్నారు. అంతేకాదు, వీటి తయారీ కోసం విదేశీ నిపుణులు కూడా భాగస్వామ్యం అయ్యారు. ప్రస్తుతం 'కల్కి 2898 AD' నుంచి విడుదలైన ఆయుధాల వీడియో సోషల్ మీడియాలో వైరల్ అవుతోంది.  

The gun should not look like a gun at all. 😜

Presenting '𝐅𝐫𝐨𝐦 𝐒𝐤𝐫𝐚𝐭𝐜𝐡 𝐄𝐩𝐢𝐬𝐨𝐝𝐞 𝟑: 𝐑𝐞-𝐢𝐦𝐚𝐠𝐢𝐧𝐢𝐧𝐠 𝐨𝐟 𝐆𝐮𝐧𝐬': https://t.co/hCDRlcd5t4#Kalki2898AD #Prabhas @SrBachchan @ikamalhaasan @deepikapadukone @nagashwin7 @VyjayanthiFilms @Kalki2898AD pic.twitter.com/RjglMlE8GK

— Kalki 2898 AD (@Kalki2898AD) December 30, 2023

వచ్చే ఏడాది 'కల్కి 2898 AD' విడుదల

సైన్స్ ఫిక్షన్ యాక్షన్ సినిమాగా 'కల్కి 2898 AD' తెరకెక్కిస్తున్నారు. ఈ మూవీలో బాలీవుడ్ స్టార్ హీరోయిన్ దీపికా పదుకొణె హీరోయిన్ గా నటిస్తోంది. కమల్ హాసన్ నెగెటివ్ రోల్ పోషిస్తున్నారు. అమితాబ్ బచ్చన్, పశుపతి, దిశా పటానీ ఇతర కీలక పాత్రల్లో కనిపించనున్నారు. సంతోష్ నారాయణన్ సంగీతం అందిస్తున్నారు. ఇప్పటికే విడుదల చేసిన దీని గ్లింప్స్‌ వీడియో అభిమానులను ఓ రేంజిలో ఆకట్టుకుంది. ఇందులో వాడిన ఆయుధాలు, వీఎఫ్ఎక్స్‌ షాట్స్‌ కు మంచి స్పందన రావడం సంతోషం కలిగించిందన్నారు నాగ్ అశ్విన్. ‘కల్కి’ ట్రైలర్‌ మరో మూడు నెలల తర్వాత విడుదల చేస్తామన్నారు. త్వరలో మూవీ రిలీజ్ డేట్ కూడా అనౌన్స్ చేయబోతున్నట్లు ఆయన తెలిపారు.