Prabhas: యాక్షన్ డోస్ పెంచమంటున్న ప్రభాస్ - ఫ్యాన్స్ కోసం నొప్పి కూడా లెక్క చేయకుండా!

ఇటీవల ప్రభాస్ కాలికి సర్జరీ అవ్వడంతో యాక్షన్ డోస్ కాస్త తగ్గిస్తున్నారట ప్రశాంత్ నీల్. 

యాక్షన్ డోస్ పెంచమంటున్న ప్రభాస్

'బాహుబలి' సినిమాతో పాన్ ఇండియా స్టార్ గా మారారు ప్రభాస్. ఈ సినిమా తరువాత ఆయన అన్నీ పాన్ ఇండియా సినిమాలే చేస్తున్నారు. కానీ సరైన హిట్టుని అందుకోలేకపోతున్నారు. భారీ అంచనాల మధ్య విడుదలైన 'సాహో' కమర్షియల్ గా వర్కవుట్ అయినా.. ఆడియన్స్ ను మెప్పించలేకపోయింది. ఇక రీసెంట్ గా 'రాధేశ్యామ్' సినిమాతో ప్రేక్షకుల ముందుకు వచ్చారు ప్రభాస్. 

 

ఇందులో లవర్ బాయ్ అవతారంలో కనిపించారు. ఈ సినిమా బాక్సాఫీస్ వద్ద డిజాస్టర్ గా మిగిలింది. దీంతో ప్రభాస్ తన తదుపరి సినిమాల విషయంలో మరిన్ని జాగ్రత్తలు తీసుకుంటున్నారు. ఇప్పటికే 'ఆదిపురుష్' సినిమాను పూర్తి చేశారు. ప్రస్తుతం ప్రశాంత్ నీల్ దర్శకత్వంలో 'సలార్' సినిమాలో నటిస్తున్నారు. ఈ సినిమాపై క్రేజీ బజ్ నెలకొంది. ప్రశాంత్ నీల్ డైరెక్షన్ లో ప్రభాస్ మాస్ ఎలివేషన్స్ ఓ రేంజ్ లో ఉంటాయని.. యాక్షన్ సీన్స్ అదిరిపోతాయని ఫ్యాన్స్ ఆశిస్తున్నారు. 

 

ప్రశాంత్ నీల్ కూడా అలానే ప్లాన్ చేశారు. అయితే ఇటీవల ప్రభాస్ కాలికి సర్జరీ అవ్వడంతో యాక్షన్ డోస్ కాస్త తగ్గిస్తున్నారట. ఇది గమనించిన ప్రభాస్.. యాక్షన్ సీన్స్ ఎక్కువగా ఉండేలా చూసుకోమని ప్రశాంత్ నీల్ కి చెప్పారట. తనకు నటించడానికి ఎలాంటి ఇబ్బంది లేదని.. సినిమాలో మాత్రం ఇంటెన్స్ యాక్షన్ ఉండాలని రిక్వెస్ట్ చేశారట. ఈసారి ఫ్యాన్స్ అంచనాలను మించి ఉండేలా తన సినిమా ఉండాలని ప్రభాస్ భావిస్తున్నారు. అందుకే తన సర్జరీని, నొప్పిని కూడా లెక్క చేయకుండా నటిస్తున్నారు. శృతిహాసన్ హీరోయిన్ గా నటిస్తోన్న ఈ సినిమా వచ్చే ఏడాదిలో ప్రేక్షకుల ముందుకు రానుంది. 

 

 

 

 

 

 

 

 

View this post on Instagram

 

 

 

 

 

 

 

 

 

 

 

A post shared by Prabhas (@actorprabhas)