Bhavadeeyudu Bhagat Singh: పవన్ కళ్యాణ్, హరీష్ శంకర్ సినిమా - ఇక లేనట్లేనా?

కొన్నిరోజుల క్రితం జూన్, జూలై నెలల్లో 'భవదీయుడు భగత్ సింగ్' సినిమా మొదలవుతుందని అన్నారు. కానీ అందుతున్న సమాచారం ప్రకారం.. ఇప్పట్లో ఈ సినిమా సెట్స్ పైకి వెళ్లేలా లేదు.

పవన్ కళ్యాణ్, హరీష్ శంకర్ సినిమా - ఇక లేనట్లేనా?

దర్శకుడు హరీష్ శంకర్.. పవన్ కళ్యాణ్ తో 'భవదీయుడు భగత్ సింగ్' అనే సినిమా చేయబోతున్నట్లు అనౌన్స్ చేసిన సంగతి తెలిసిందే. 'గద్దలకొండ గణేష్' లాంటి హిట్ సినిమా తీసిన తరువాత హరీష్ శంకర్ గ్యాప్ తీసుకొని పవన్ కోసం కథను సిద్ధం చేసుకున్నారు. స్క్రిప్ట్ వర్క్ మొత్తం పూర్తయింది. పవన్ ఎప్పుడు రెడీ అంటే అప్పుడు సినిమాను మొదలుపెట్టడానికి ఎదురుచూస్తున్నారు హరీష్ శంకర్. కానీ పవన్ కళ్యాణ్ మాత్రం డేట్స్ కేటాయించలేకపోతున్నారు. 

గతంలో వీరిద్దరూ కలిసి 'గబ్బర్ సింగ్' లాంటి బ్లాక్ బస్టర్ సినిమా చేశారు. మళ్లీ ఈ కాంబినేషన్ లో సినిమా అనగానే ఫ్యాన్స్ చాలా ఎగ్జైట్ అయ్యారు. కానీ ఎంతసేపటికీ ఈ సినిమా సెట్స్ పైకి మాత్రం వెళ్లడం లేదు. ఓ పక్క రాజకీయాలు, మరోపక్క సెట్స్ పై ఉన్న సినిమాలతో బిజీగా ఉండడం వలన పవన్ కళ్యాణ్ కొత్త సినిమా మొదలుపెట్టలేకపోతున్నారు. కొన్నిరోజుల క్రితం జూన్, జూలై నెలల్లో 'భవదీయుడు భగత్ సింగ్' సినిమా మొదలవుతుందని అన్నారు. 

కానీ అందుతున్న సమాచారం ప్రకారం.. ఇప్పట్లో ఈ సినిమా సెట్స్ పైకి వెళ్లేలా లేదు. ఆల్రెడీ సగం షూటింగ్ పూర్తయిన 'హరిహర వీరమల్లు'ని పూర్తి చేయడమే పవన్ కి కష్టంగా ఉంది. దీనికి తోడు 'వినోదయ సీతం' రీమేక్ కి రంగం సిద్ధం చేస్తున్నారు. ఇక రాజకీయాల్లో అయితే పవన్ చాలా యాక్టివ్ గా ఉన్నారు. ఇప్పుడున్న పరిస్థితుల్లో రాజకీయంగా మరింత నిమగ్నం కావాలని చూస్తున్నారు పవన్. 

ఎన్నికలు మొదలయ్యేలోపు మూడు నెలలు మాత్రమే సినిమాలకు కేటాయించాలని అనుకుంటున్నారు. ఆ తరువాత పూర్తిగా రాజకీయాలకే పరిమితం కావాల్సి ఉంటుంది. అలా చూసుకుంటే ఇప్పట్లో హరీష్ శంకర్ సినిమాను మొదలుపెట్టి.. పూర్తి చేసే పరిస్థితి కనిపించడం లేదు. ప్రస్తుతానికి ఈ సినిమా హోల్డ్ లో పడిందని ఇండస్ట్రీ వర్గాల టాక్. మరెప్పుడు సెట్స్ పైకి వెళ్తుందో చూడాలి!

 

 

 

 

 

View this post on Instagram

 

 

 

 

 

 

 

 

 

 

 

A post shared by Harish Shankar (@harish2you)