Comedy Thriller OTT : ఓటీటీలోకి రీసెంట్ మిస్టరీ థ్రిల్లర్ - 'దృశ్యం'ను తలపించే ట్విస్టులు... తెలుగులోనూ స్ట్రీమింగ్

Dark Comedy Thriller OTT : రీసెంట్ తమిళ మిస్టరీ థ్రిల్లర్ అఫీషియల్ ఓటీటీ రిలీజ్ డేట్ వచ్చేసింది. దృశ్యం తరహా ట్విస్టులతో ఆద్యంతం సూపర్ థ్రిల్ పంచే మూవీ థియేటర్లో సూపర్ రెస్పాన్స్ అందుకుంది.

ఓటీటీలోకి రీసెంట్ డార్క్ కామెడీ థ్రిల్లర్

Source : https://www.youtube.com/watch?v=x9qiUBtFgH4

Latest Dark Comedy Thriller OTT Release Date Locked : మర్డర్ మిస్టరీ, డార్క్ కామెడీ థ్రిల్లర్స్ కంటెంట్‌కు ఉన్న క్రేజ్ గురించి ప్రత్యేకంగా చెప్పాల్సిన పని లేదు. భాషతో సంబంధం లేకుండా రీసెంట్‌గా వచ్చిన డార్క్ కామెడీ, మర్డర్ మిస్టరీ థ్రిల్లర్ బాక్సాఫీస్ వద్ద మంచి టాక్ సొంతం చేసుకుని ఇప్పుడు ఓటీటీలోకి వచ్చేందుకు రెడీ అవుతోంది. కొందరు ఈ మూవీని 'దృశ్యం'తో కంపేర్ చేశారు. 

అసలేంటీ మూవీ... ఎందులో స్ట్రీమింగ్

బాక్సాఫీస్ వద్ద రీసెంట్‌గా సందడి చేసిన ఆ మూవీనే 'పరిమళ అండ్ కో' (Parimala And Co). జూన్ 5న ప్రేక్షకుల ముందుకు వచ్చిన ఈ సినిమా మంచి టాక్ సొంతం చేసుకుంది. దాదాపు నెల రోజుల తర్వాత ఓటీటీలోకి రానుంది. జులై 10 నుంచి ప్రముఖ ఓటీటీ ZEE5లో స్ట్రీమింగ్ కానుంది. తమిళంతో పాటు తెలుగు, మలయాళం, కన్నడ, హిందీ భాషల్లో అందుబాటులోకి రానుంది. 

ఈ మూవీకి పాండిరాజ్ దర్శకత్వం వహించగా... జయరాం, ఊర్వశి, అనంతిక సానిల్ కుమార్, సంజన కృష్ణమూర్తి, యోగిబాబు, శాండీ మాస్టర్, సంతోష్ శోభన్, మిస్కిన్ తదితరులు కీలకపాత్రలు పోషించారు. ప్రముఖ నిర్మాణ సంస్థలు లైకా ప్రొడక్షన్స్, తమిళ కుమారన్ ప్రొడక్షన్స్ బ్యానర్స్‌పై సంయుక్తంగా నిర్మించాయి.

స్టోరీ ఏంటంటే?

మధ్య తరగతి ఫ్యామిలీ చుట్టూ తిరిగిన కథ పరిమళ అండ్ కో. పరిమళ (జయరాం) అతని భార్య (ఊర్వశి) ఇద్దరు కూతుళ్లు పరాశక్తి, మధుమితలతో హ్యాపీ లైఫ్ జీవిస్తుంటాడు. వీరి ఇంటికి దగ్గర్లో ఉండే వర్గీస్ (శాండీ మాస్టర్) చిన్న కూతురిని ఏడిపిస్తుంటాడు. అతను రౌడీ షీటర్ కావడంతో అందరూ భయపడుతుంటారు. ఇద్దరు కూతుళ్లలో ఒకరిని తనకిచ్చి పెళ్లి చేయాలని బలవంతపెడతాడు. లేకుండా తీవ్ర ఇబ్బందులకు గురి చేస్తానని బెదిరిస్తాడు.

అయితే, ఓ రోజు వర్గీస్ అనుకోకుండా శవమై తేలుతాడు. దీంతో వీరి కుటుంబంపై అనుమానాలు మొదలవుతాయి. ఒకరినొకరు తాము కాక ఇంకొకరు ఈ పని చేసుంటారని అనుకుంటుంటారు. ఈ డెత్ మిస్టరీని పోలీసులు ఎలా ఛేదించారు? అసలు వర్గీస్‌ను చంపింది ఎవరు? వీరి ఫ్యామిలీ మర్డర్ కేసు నుంచి ఎలా బయటపడింది? అనేది తెలియాలంటే మూవీ చూడాల్సిందే.

NOTE : మరిన్ని సినిమా వార్తలు, గాసిప్స్, ఓటీటీ అప్డేట్స్, వెబ్ సిరీస్‌లు, టాలీవుడ్, బాలీవుడ్ హీరోయిన్స్ లేటెస్ట్ సోషల్ మీడియా అప్డేట్స్, టీవీ సీరియల్స్ కోసం ఇక్కడ క్లిక్ చేయండి.

 

మరిన్ని చదవండి

అందాల 'ఐశ్వర్య'మ్ - గ్లామరస్ లుక్‌లో భాగ్యమ్...