Unstoppable 4 : వెంకీ మామ, బాలయ్య ఒకే స్టేజ్ మీద... నెవ్వర్ బిఫోర్ ఎవ్వర్ ఆఫ్టర్ ఎంటర్టైనింగ్ ఎపిసోడ్ రిలీజ్ డేట్
Unstoppable 4 : వెంకీ మామ, బాలయ్య ఒకే స్టేజ్ మీద కలిసి చేయబోతున్న నెవ్వర్ బిఫోర్ ఎవ్వర్ ఆఫ్టర్ ఎంటర్టైనింగ్ 'అన్ స్టాపబుల్ 4' ఎపిసోడ్ 7 రిలీజ్ డేట్ ను ప్రకటించింది ఆహా.
Balakrishna and Venkatesh : ఒకే ఫ్రేమ్ లో స్టార్ హీరోలను చూడడం ప్రేక్షకులకు కన్నుల విందుగా ఉంటుంది. కానీ ఆ అరుదైన క్షణం రావడానికి ఎంతగానో వెయిట్ చేయాల్సి ఉంటుంది. ఎందుకంటే చాలా అరుదుగా స్టార్ హీరోలు ఒకే ఫ్రేమ్ లో కనిపిస్తూ ఉంటారు. తాజాగా నందమూరి నటసింహం బాలకృష్ణ - విక్టరీ వెంకటేష్ ఒకే ఫ్రేమ్లో కనిపించడంతో పాటు, ఒకే సోలో సందడి చేయడానికి సిద్ధంగా ఉన్నారు. ఇప్పటిదాకా ఇలాంటి షోలలో ఎప్పుడూ కన్పించని వెంకటేష్ తాజాగా 'అన్ స్టాపబుల్ సీజన్ 4'లో బాలయ్యతో కలిసి సందడి చేయబోతున్నారు. తాజాగా వెంకీ మామ ఎపిసోడ్ కు సంబంధించిన రిలీజ్ డేట్ ని అఫీషియల్ గా అనౌన్స్ చేశారు.
బాలయ్య, వెంకీ మామ 'అన్ స్టాపబుల్' ఎపిసోడ్ డేట్
నందమూరి బాలకృష్ణ హోస్ట్ గా వ్యవహరిస్తున్న సెలబ్రిటీ టాక్ షో 'అన్ స్టాపబుల్'. ఇప్పటికే బాలయ్య హోస్టుగా ఈ షో మూడు సీజన్లను సక్సెస్ ఫుల్ గా పూర్తి చేసుకుంది. ఇక ప్రస్తుతం నాలుగవ సీజన్ కూడా అంతే ఆసక్తికరంగా నడుస్తోంది. ఇప్పటికే నాలుగవ సీజన్లో 6 ఎపిసోడ్స్ ప్రసారం కాగా, వాటికి ప్రేక్షకుల నుంచి మంచి రెస్పాన్స్ వచ్చింది. ఇక ఇప్పుడు ఏడో ఎపిసోడ్ గురించి ఆసక్తిగా ఎదురు చూస్తున్నారు బాలయ్య అభిమానులు. అయితే రీసెంట్ గా ఈసారి ఎపిసోడ్లో విక్టరీ వెంకటేష్ సందడి చేయనున్నారు అనే విషయాన్ని ఆహా వెల్లడించింది. కొత్త మూవీ 'సంక్రాంతికి వస్తున్నాం' ప్రమోషన్లలో భాగంగా వెంకీ 'అన్ స్టాపబుల్' షోలో 7వ ఎపిసోడ్లో కనిపించబోతున్నారు. ఈ నేపథ్యంలోనే ఈనెల 27న రాత్రి 7 గంటల నుంచి ఆహా ఓటీటీలో ఈ ఎపిసోడ్ స్ట్రీమింగ్ కాబోతోంది అంటూ గ్లిమ్స్ ను రిలీజ్ చేశారు. అందులో బాలకృష్ణ స్టైల్ లో వెంకటేష్ తొడగొడుతూ కనిపిస్తే, మరోవైపు వెంకటేష్ స్టైల్ ను బాలకృష్ణ ఫాలో అవుతూ కనిపించారు. దీంతో ఈ షోలో వీరిద్దరి మధ్య ఎలాంటి సరదా సంభాషణ జరగబోతోంది? అనే ఆసక్తి నెలకొంది.
Bobbiliraja, Samarasimha reddy kalisi sankranthi sandandi ni unstoppable set lo andincharu#UnstoppableWithNBK Season 4, Episode 7 premieres on Dec 27 at 7PM #Aha #NandamuriBalakrishna #VenkateshDaggubati #aha #UnstoppableS4 #NBK #Sankranthi @VenkyMama pic.twitter.com/kWkAkhILpV
— ahavideoin (@ahavideoIN) December 22, 2024
పొంగల్ రేసులో బాలయ్య, వెంకటేష్
వెంకటేష్ హీరోగా నటిస్తున్న తాజా ఫ్యామిలీ ఎంటర్టైనర్ 'సంక్రాంతికి వస్తున్నాం'. అనిల్ రావిపూడి దర్శకత్వంలో తెరకెక్కిన ఈ సినిమాలో మీనాక్షి చౌదరి, ఐశ్వర్య రాజేష్ హీరోయిన్లుగా నటిస్తున్నారు. శ్రీ వెంకటేశ్వర క్రియేషన్స్ బ్యానర్ పై దిల్ రాజు ఈ సినిమాను నిర్మిస్తున్నారు. ఇప్పటికే ఈ మూవీ నుంచి రిలీజ్ అయిన రెండు పాటలకు ప్రేక్షకుల నుంచి మంచి ఆదరణ దక్కింది. ఇక ఈ సినిమా ప్రమోషన్లలో భాగంగా హీరో వెంకటేష్ తో పాటు డైరెక్టర్ అనిల్ రావిపూడి కూడా తాజాగా 'అన్ స్టాపబుల్' షోకు హాజరైనట్టుగా తెలుస్తోంది. 'సంక్రాంతికి వస్తున్నాం' సినిమా పొంగల్ కానుకగా జనవరి 14న థియేటర్లలోకి రాబోతోంది. మరోవైపు బాలయ్య హీరోగా నటించిన 'డాకు మహారాజ్' కూడా సంక్రాంతి రేసులో ఉండబోతోంది. 'డాకు మహారాజ్' జనవరి 12న రిలీజ్ కాబోతోంది. ఐల పొంగల్ బరిలో ఈ ఇద్దరు సీనియర్ హీరోలు పోటీ పడబోతున్నారు.
Also Read : రామ్ చరణ్ స్టైలిష్ లుక్స్.. గేమ్ చేంజర్ కోసమా? కాదు కాదు.. డల్లాస్ ఫ్యాన్స్ కోసమే
టాప్ హెడ్ లైన్స్
ట్రెండింగ్ వార్తలు
