Kakuda Movie: ఓటీటీలో నవ్విస్తూ.. భయపెడుతోన్న ‘కకుడా’ - మూడు రోజుల్లోనే ఆ రికార్డ్ బ్రేక్ చేసిందిగా!

Kakuda Movie OTT: ఈరోజుల్లో నేరుగా ఓటీటీలో విడుదల అవుతున్న సినిమాల సంఖ్య తగ్గిపోయింది. అలా తాజాగా ఒక హారర్ కామెడీ చిత్రం నేరుగా ఓటీటీలోకి వచ్చి ప్రేక్షకులను తెగ ఇంప్రెస్ చేసేస్తోంది.

కకుడా (Image Credit: Zee5/Instagram)

Source : కకుడా పోస్టర్ (Image Credit: Zee5/Instagram)

Kakuda Movie Record On OTT: థియేటర్లు యాక్టివ్‌గా ఉన్నా ఇప్పటికీ కొన్ని సినిమాలు నేరుగా ఓటీటీలోనే విడుదల అవుతున్నాయి. అలా నేరుగా విడుదలయిన సినిమాలను కూడా మొదటిరోజే చూసేయాలని చాలామంది ప్రేక్షకులు అనుకుంటున్నారు. ఒకవేళ నేరుగా ఓటీటీలోకి వచ్చిన మూవీకి పాజిటివ్ టాక్ వచ్చిందంటే దానికి రికార్డ్ స్థాయిలో వ్యూస్ ఖాయం. తాజాగా ఒక హారర్ కామెడీ మూవీ కూడా మరోసారి ఈ సక్సెస్ ఫార్ములాను రిపీట్ చేసింది. అదే ‘కకుడా’. జులై 12న ఓటీటీలో విడుదలయిన ఈ మూవీ.. మూడురోజుల్లోనే రికార్డ్ స్థాయిలో వ్యూస్ సాధించి అందరినీ ఆశ్చర్యపరిచింది.

హారర్ కామెడీ..

రితేష్ దేశ్‌ముఖ్, సోనాక్షి సిన్హా, సఖీబ్ సలీమ్, ఆసిఫ్ ఖాన్ లీడ్ రోల్స్‌లో నటించిన ‘కకుడా’.. జులై 12న నేరుగా జీ5 ఓటీటీలో విడుదలయ్యింది. గత కొన్నాళ్లుగా బాలీవుడ్‌లో హారర్ కామెడీ కథాంశంతో తెరకెక్కుతున్న చిత్రాలు మంచి హిట్‌ను అందుకుంటున్నాయి. ‘కకుడా’ కూడా అదే జోనర్‌కు చెందింది. కానీ దీనిని థియేటర్లలో విడుదల చేయకుండా నేరుగా ఓటీటీలోనే విడుదల చేశారు మేకర్స్. ఓటీటీలో మంచి హారర్ మూవీ విడుదల అయ్యిందని తెలియగానే చాలామంది దీనిని మొదటిరోజు చూడడానికి సిద్ధమయ్యారు. చూసినవారు దగ్గర నుండి పాజిటివ్ టాక్ రావడంతో ‘కకుడా’కు వ్యూస్ పెరిగాయి.

అప్పుడు థియేటర్.. ఇప్పుడు ఓటీటీ..

దర్శకుడు ఆదిత్య సర్పోదర్ ఇప్పటికే హారర్ కామెడీ చిత్రాలు తెరకెక్కించడంలో దిట్ట అని గుర్తింపు సంపాదించుకున్నాడు. ఇప్పటికే ‘ముంజ్య’తో థియేటర్లలో రికార్డ్ స్థాయి కలెక్షన్స్ అందుకున్నాడు ఈ డైరెక్టర్. ఇక అలాంటి డైరెక్టర్ తెరకెక్కించిన చిత్రం కావడంతో ‘కకుడా’పై ముందు నుండే ప్రేక్షకుల్లో అంచనాలు పెరిగిపోయాయి. థియేటర్లలో ‘ముంజ్య’ రికార్డ్ స్థాయి కలెక్షన్స్ సాధించగా.. ఓటీటీలో ‘కకుడా’ రికార్డ్ స్థాయిలో వ్యూస్‌తో దూసుకుపోతోంది. విడుదలయిన మూడు రోజుల్లోనే ఈ సినిమాకు 100 మిలియన్‌కు పైగా స్ట్రీమింగ్ మినట్స్ దక్కాయి. ఈ విషయాన్ని మేకర్స్ స్వయంగా ప్రకటించారు.

 

 

 

 

 

View this post on Instagram

 

 

 

 

 

 

 

 

 

 

 

A post shared by ZEE5 (@zee5)

రితేష్ కమ్‌బ్యాక్..

రతోడి అనే ఊరిలో ప్రతీ మంగళవారం రాత్రి 7.15 నిమిషాలకు కకుడా అనే దెయ్యం వస్తుంది. అది వచ్చినప్పుడు తలుపులు తెరిచి ఉండకపోతే ఆ ఇంటిలోని మగవారిని కకుడా చంపేస్తుంది. అది కూడా వెంటనే చంపదు. 13 రోజులు టైమ్ ఇచ్చి మరీ చంపుతుంది. ఇలాంటి ఒక డిఫరెంట్ కాన్సెప్ట్‌తో తెరకెక్కిన ‘కకుడా’కు హారర్ కామెడీ లవర్స్ ఫిదా అవుతున్నారు. ఇక ఆ కాకూదా దెయ్యాన్ని పట్టుకునే ఘోస్ట్ హంటర్‌ విక్టర్‌గా రితేష్ దేశ్‌ముఖ్ రంగంలోకి దిగుతాడు. గత కొన్నాళ్లుగా రితేష్ దేశ్‌ముఖ్.. సినిమాల్లో అంత యాక్టివ్‌గా ఉండడం లేదు. అలాంటి ఈ హీరోకు ‘కకుడా’ మంచి హిట్‌ను అందించింది.