Godzilla Minus One OTT: ఓటీటీలోకి జపనీస్ సినిమా ‘గాడ్జిల్లా మైనస్ వన్’ - ఈ ఆస్కార్ మూవీ ఎక్కడ స్ట్రీమింగ్ అవుతుందంటే?

Godzilla Minus One OTT: విజువల్ ఎఫెక్ట్స్ కేటగిరిలో ఆస్కార్ అందుకున్న జపాన్ చిత్రం ‘గాడ్జిల్లా మైనస్ వన్’. ఈ మూవీ ఇండియాలో ఓటీటీ ప్రేక్షకుల ముందుకు ఎప్పుడు రానుంది అనే విషయంపై చర్చలు మొదలయ్యాయి.

Image Credit: Godzilla Minus/Twitter

Godzilla Minus One OTT Release Date In India: 2023లో విడుదలయిన బ్లాక్‌బస్టర్ చిత్రాల్లో ‘గాడ్జిల్లా మైనస్ వన్’ కూడా ఒకటి. గాడ్జిల్లా, మాన్‌స్టర్ చిత్రాలను హాలీవుడ్ మాత్రమే చాలా బాగా తెరకెక్కిస్తుందని ప్రేక్షకులు ఫిక్స్ అయిన సమయంలో జపాన్ మేకర్స్ కూడా తాము బెస్ట్ గాడ్జిల్లా సినిమాను తెరకెక్కించగలమని నిరూపించారు. దీంతో ఆస్కార్ కూడా దక్కించుకున్నారు. తకాషీ యమజాకీ డైరెక్ట్ చేసిన ఈ మూవీ 2023లో జపాన్‌లో మాత్రమే కాదు ప్రపంచవ్యాప్తంగా విడుదలయ్యి బిగ్గెస్ట్ బ్లాక్‌బస్టర్‌ను అందుకుంది. గాడ్జిల్లా ఫ్రాంచైజ్‌లో 37వ చిత్రంగా తెరకెక్కింది ‘గాడ్జిల్లా మైనస్ వన్’. ఇప్పుడు ఈ సినిమా ఓటీటీ రిలీజ్‌కు సమయం వచ్చేసింది.

గుడ్ న్యూస్..

జపాన్‌లో భీభత్సమైన యుద్ధం తర్వాత గాడ్జిల్లా అనేది భూమిపైకి రావడం వల్ల ఎలాంటి పరిణామాలు చోటుచేసుకున్నాయి అనేది ‘గాడ్జిల్లా మైనస్ వన్’ కథ. ఇంటర్నేషనల్ బాక్సాఫీస్ వద్ద ఈ మూవీ విపరీతమైన రెస్పాన్స్‌ను అందుకుంది. అందుకే దీనిని థియేటర్లలో మిస్ అయిన ఇండియన్ ప్రేక్షకులు.. కనీసం ఓటీటీలో అయినా చూడడానికి ఎదురుచూస్తున్నారు. ఇక ‘గాడ్జిల్లా మైనస్ వన్’ కోసం ఎదురుచూస్తున్న ఓటీటీ ప్రేక్షకులకు ఒక గుడ్ న్యూస్ వినిపిస్తోంది. త్వరలోనే ఈ సినిమా ఓటీటీలోకి రానుందని సోషల్ మీడియాలో వార్తలు వైరల్ అవుతున్నాయి.

జపాన్ ప్రేక్షకులకు మాత్రమే..

ఇంటర్నేషనల్ బాక్సాఫీస్ వద్ద ఒక  రేంజ్ సక్సెస్ చూసిన తర్వాత మే 3న అమెజాన్ ప్రైమ్‌లో విడుదలయ్యింది ‘గాడ్జిల్లా మైనస్ వన్’. కానీ ఇది కేవలం జపాన్‌లోని సబ్‌స్క్రైబర్ల వరకే పరిమితమయ్యింది. అయితే ఈ సినిమా కోసం ఇండియన్ ప్రేక్షకులు కూడా ఆసక్తిగా ఎదురుచూస్తున్నారని గుర్తించిన అమెజాన్ ప్రైమ్.. ఈ నెలలోనే దీనిని ఇండియన్ ప్రేక్షకుల ముందుకు కూడా తీసుకురావాలని సన్నాహాలు మొదలుపెట్టినట్టు తెలుస్తోంది. దీని గురించి అమెజాన్ ప్రైమ్.. ఇంకా ఎలాంటి అధికారిక ప్రకటన ఇవ్వలేదు. పైగా ‘గాడ్జిల్లా మైనస్ వన్’కు ఈ ఏడాది ఒక ఆస్కార్ కూడా దక్కింది. విజువల్ ఎఫెక్ట్స్ కేటగిరిలో ఈ సినిమాకు ఆస్కార్ అవార్డ్ దక్కింది.

కలెక్షన్స్ ఎంతంటే.?

ప్రపంచవ్యాప్తంగా ‘గాడ్జిల్లా మైనస్ వన్’ సినిమా 107 మిలియన్ డాలర్ల కలెక్షన్లు అందుకొని అందరినీ ఆశ్చర్యపరిచింది. ఇందులో గాడ్జిల్లా అనే ఫిక్షనల్ క్యారెక్టర్.. తన యాక్షన్‌తో యాక్షన్ లవర్స్‌ను ఎంటర్‌టైన్ చేసింది. కానీ ఈ మూవీలో క్యాస్టింగ్, వాళ్ల యాక్టింగ్ కూడా పర్ఫెక్ట్‌గా ఉందని ప్రేక్షకులు ప్రశంసించారు. ‘గాడ్జిల్లా మైనస్ వన్’లో ర్యునోసుకే కమికి, మినామీ హమాబే, యుకీ యమదా, మునేటకా అయోకి, హిడెటకా యోషియోకా, సకురా అండో, కురానోసుకే ససాకి లీడ్ రోల్స్‌లో నటించారు. ముందుగా ఈ సినిమాను తెరకెక్కించడానికి తనకే నమ్మకం లేకపోయినా గాడ్జిల్లా ఫ్రాంచైజ్‌లోని ఇతర సినిమాలు చూసిన తాను కూడా చేయగలనని కాన్ఫిడెన్స్ వచ్చిందని ఓ ఇంటర్వ్యూలో బయటపెట్టాడు దర్శకుడు తకాషీ యమజాకీ. ‘గాడ్జిల్లా మైనస్ వన్’ ద్వారా తన డైరెక్షన్‌కు మంచి మార్కులే పడ్డాయి.