NTR30: ఎన్టీఆర్ సినిమాలో అలియాభట్ లేనట్లే?

అలియాభట్ 'గంగూభాయ్' సినిమా ప్రమోషన్స్ లో ఎన్టీఆర్ సినిమా కోసం తనను సంప్రదించినట్లు చెప్పింది.

ఎన్టీఆర్ సినిమాలో అలియాభట్ లేనట్లే?

యంగ్ టైగర్ ఎన్టీఆర్ నటించిన 'ఆర్ఆర్ఆర్' సినిమా ఇటీవల విడుదలై భారీ విజయాన్ని అందుకున్న సంగతి తెలిసిందే. ఇక త్వరలోనే ఎన్టీఆర్ హీరోగా కొరటాల శివ ఓ సినిమాను మొదలుపెట్టనున్నారు. నిజానికి ఈపాటికే  సినిమా మొదలుకావాల్సింది కానీ ఆలస్యమవుతూవస్తోంది. ఈ సినిమాలో హీరోయిన్ గా బాలీవుడ్ ముద్దుగుమ్మ అలియాభట్ కనిపించనుందని వార్తలొచ్చాయి. 

అలియాభట్ కూడా 'గంగూభాయ్' సినిమా ప్రమోషన్స్ లో ఎన్టీఆర్ సినిమా కోసం తనను సంప్రదించినట్లు చెప్పింది. ఇక లేటెస్ట్ గా అందుతున్న సమాచారం బట్టి ఎన్టీఆర్ సినిమాలో అలియాభట్ ఉండకపోవచ్చని అంటున్నారు. దానికి కారణమేంటంటే.. రీసెంట్ గా అలియాభట్ ఓ హాలీవుడ్ ప్రాజెక్ట్ సైన్ చేసింది. ఇప్పుడు ఆమెని ఎన్టీఆర్ సినిమాలో హీరోయిన్ గా తీసుకుంటే నిర్మాణ సమయం మరో ఆరు నెలలు ఎక్కువ పడుతుందని భావిస్తున్నారు. 

ఆమె డేట్స్ కోసం ఎన్టీఆర్, కొరటాల శివ ఎదురుచూడాల్సి వస్తుంది. ఇప్పటికే ఈ సినిమా విషయంలో చాలా ఆలస్యమవుతోంది. ఇప్పుడు అలియా కోసం ఎదురుచూస్తూ ఉండే సమయం లేదు. వీలైనంత త్వరగా ఈ సినిమాను పూర్తి చేయాలనుకుంటున్నారు. అందుకే త్వరగా డేట్స్ ఇచ్చే హీరోయిన్ కోసం చూస్తున్నారు. మరి అలియాభట్ ను రీప్లేస్ చేసే తార ఎవరో చూడాలి!

ఈ సినిమాను కొరటాల స్నేహితుడు మిక్కిలినేని సుధాకర్‌తో కలిసి ఎన్టీఆర్ అన్నయ్య నందమూరి కళ్యాణ్ రామ్ నిర్మించనున్నారు. వచ్చే ఏడాదిలో సినిమాను విడుదల చేయాలనుకుంటున్నారు. ఈ సినిమాలో ఎన్టీఆర్ స్టూడెంట్ పాత్రలో కనిపించబోతున్నారని సమాచారం. బస్తీలో చదువుకునే ఓ స్టూడెంట్, అదే బస్తీలో పేద విద్యార్థుల హక్కుల కోసం, పేద విద్యార్థులకు అండగా ప్రభుత్వంతో ఎటువంటి పోరాటం చేశాడు.. ప్రభుత్వాన్ని ఎలా ఎదుర్కొన్నాడు..? అనేదే ఈ సినిమా కథ. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Yuvasudha Arts (@yuvasudhaarts)