Nidhi Agarwal: నిధి అగర్వాల్ పూజలు - అవకాశాల కోసమేనా?

పవర్ స్టార్ పవన్ కల్యాణ్ 'హరిహర వీరమల్లు'లో ఛాన్స్ కొట్టేసిన హీరోయిన్ నిధి అగర్వాల్, ప్రముఖు జ్యోతిష్యుడు వేణు స్వామితో రాజశ్యామల పూజలు చేయించారు... ప్రస్తుతం ఈ వీడియో సోషల్ మీడియాలో వైరల్ గా మారింది.

Image Credits : Nidhi Agarwal - Instagram/TFPC Youtube

తెలుగు సినీ ఇండస్ట్రీలో ఉన్న ప్రముఖుల జీవితాల్లో ఏం జరిగినా.. అది నేనే చెప్పాను.. నేను చెప్పినట్టే జరిగిందంటూ ముందుండే జ్యోతిష్యుడు వేణు స్వామి.. రీసెంట్ డేస్ లో కొన్ని యూట్యూబ్ ఛానల్స్ ద్వారా పాపులర్ అయ్యాడు. సినీ నటుల జాతకాలు చెబుతూ.. ఎప్పుడూ వైరల్ అయ్యే ఈ స్వామి.. మరోసారి సోషల్ మీడియాలో ట్రెండింగ్ లో నిలిచాడు. ముంబై మోడల్‌‌గా పనిచేసి ప్రస్తుతం పవర్ స్టార్ పవన్ కల్యాణ్ 'హరిహర వీరమల్లు'లో హీరోయిన్ గా నటిస్తోన్న నిధి అగర్వాల్.. జ్యోతిష్యుడు వేణు స్వామితో రాజశ్యామల పూజ చేయించారు. దీనికి సంబంధించిన ఫొటోలు, వీడియోలు షేర్ కావడంతో ప్రస్తుతం ఈ టాపిక్ వైరల్ గా మారింది. 

టాలీవుడ్ హీరో నాగ చైతన్య 'సవ్యసాచి' ద్వారా సినీ ఇండస్ట్రీలోకి అడుగుపెట్టిన హీరోయిన్ నిధి అగర్వాల్..  అందం, అభినయంతో మంచి పేరు తెచ్చుకుంది. కానీ ఫస్ట్ సినిమానే ఆమెకు షాక్ కు గురి చేసింది. ఊహించినంత రేంజ్ లో ఈ సినిమా హిట్ కాకపోవడం అభిమానులను నిరాశకు గురిచేసింది. ఆ తర్వాత అక్కినేని అఖిల్ 'మిస్టర్ మజ్నూ'లో నటించినా.. అదీ బెడిసికొట్టింది. అలా ఫ్లాప్ లతో సాగుతున్న ఆమె కెరీర్ లో ఓ బెస్ట్ ఛాన్స్ వచ్చింది. అదే 'ఇస్మార్ట్ శంకర్'. ఎలాగోలా హీరోయిన్ ఛాన్స్ కొట్టేసిన భామ.. అనుకున్నట్టుగానే మూవీ భారీ సక్సెస్ అయింది. కానీ ఆ తర్వాత వచ్చిన హీరో కూడా ఫ్లాపే. దీంతో ఆమెకు మళ్లీ సినిమా కష్టాలు మొదలయ్యాయి.

సినిమాలు చేసినా అనుకున్నంత స్థాయిలో హిట్టులు రాకపోయినా... ముందు నుంచీ ఆమెకు ఆఫర్లు వస్తూనే ఉండడం ఆశ్చర్యం కలిగించే విషయం. ఇక ప్రస్తుతం పవర్ స్టార్ పవన్ కల్యాణ్ తో ‘హరిహర వీరమల్లు’లో కీలకమైన పాత్రను చేస్తోన్న నిధి.. మళ్లీ హిట్ కొడతానన్న ఆశతో ఉంది. ఇది తప్ప ఆమెకు ప్రస్తుతం ఎక్కడా అవకాశాలు లేనట్టు సమాచారం. దీంతో నిధి అగర్వాల్ కెరీర్ సందిగ్ధంలో పడిపోయింది. చేస్తున్న సినిమాలు హిట్ కావట్లేదు.. సినిమా అవకాశాలూ అంతంత మాత్రమే ఉండడంతో నిధి ఫ్యాన్స్.. మరింత డిసప్పాయింట్ లో ఉన్నారు.

ఇండస్ట్రీకి వచ్చిన స్టార్టింగ్ లో బిజీ షెడ్యూల్ లో గడిపిని నిధి అగర్వాల్.. ఈ మధ్య కాలంలో మాత్రం అంత పెద్దగా సినిమాలేం లేనట్టు తెలుస్తోంది. ఈ నేపథ్యంలోనే ఆమెకు సంబంధించిన ఓ వీడియో సోషల్ మీడియాలో వైరల్ గా మారింది. ఈ వీడియోలో ప్రముఖ జోతిష్యుడు వేణు స్వామితో ఇంట్లో పూజలు చేస్తూ కనిపించింది. రాజ శ్యామల పూజ, రాహు కేతు దోష నివారణ పూజలు చేసినట్లు ప్రాథమిక సమాచారం. ఈ వీడియోపై నెటిజన్లు పలురకాలుగా స్పందిస్తున్నారు. ఆఫర్లు తెచ్చుకోవడం, పెంచుకోవడం కోసమే ఈ పూజలంటూ విపరీతంగా ట్రోల్ చేస్తున్నారు. మరికొందరేమో దోష నివారణ పూజలంటూ కామెంట్ చేస్తు్న్నారు.

ఇక సోషల్ మీడియా ద్వారా పాపులర్ అయిన జోతిష్యుడు వేణు స్వామి కూడా రీసెంట్ డేస్ లో బాగా పాపులర్ అయ్యారు. ముఖ్యంగా సమంత, నాగ చైతన్య విడాకుల గురించి ముందే చెప్పడంతో ఆయన రేంజ్ మరింత పెరిగింది. దీంతో సెంటిమెంట్లను నమ్మే సినీ సెలెబ్రిటీలు ఆయనను తెగ ఫాలో అవుతున్నారు. ఇలా గతంలో నటి రష్మిక మందన్నా సైతం వేణు స్వామితో పూజలు చేయించింది. ఆ తర్వాతే ఆమె పాన్ ఇండియా స్టార్ హీరోయిన్‌గా, నేషనల్ క్రష్‌గా మారిందంటూ ఆమె కొందరు ఫ్యాన్స్ చెబుతున్నారు.