Naga Chaitanya: చైతు మళ్లీ ప్రేమలో పడతారా? ఇదిగో సమాధానం!

మీరు మళ్లీ ప్రేమించడానికి సిద్ధంగా ఉన్నారా..? అనే ప్రశ్న చైతుకి ఎదురైంది.

చైతు మళ్లీ ప్రేమలో పడతారా? ఇదిగో సమాధానం

టాలీవుడ్ యంగ్ హీరో నాగచైతన్య(Nagachaitanya) ఇటీవల 'థాంక్యూ'(Thank you) సినిమాతో ప్రేక్షకుల ముందుకొచ్చారు. భారీ అంచనాల మధ్య విడుదలైన ఈ సినిమా జనాలను మెప్పించడంలో ఫెయిల్ అయింది. ఇప్పుడు చైతు 'లాల్ సింగ్ చద్దా'(Laal Singh Chaddha) సినిమాతో బాలీవుడ్ లో ఎంట్రీ ఇవ్వనున్నారు. ఆమిర్ ఖాన్ ప్రధాన పాత్ర పోషించిన ఈ సినిమాలో చైతు.. బాలరాజు అనే ఆర్మీ ఆఫీసర్ పాత్రలో కనిపించనున్నారు. ఆగస్టు 11న ఈ సినిమా ప్రేక్షకుల ముందుకు రానుంది. 

ఈ సినిమా ప్రమోషన్స్ లో జోరుగా పాల్గొంటున్నారు చైతు. హిందీలో చైతుకి తొలి సినిమా కావడంతో బాలీవుడ్ మీడియాకు వరుస పెట్టి ఇంటర్వ్యూలు ఇస్తున్నారు. ఈ క్రమంలో చైతుకి తన వ్యక్తిగత జీవితం, సమంతతో విడాకులు వంటి ఎన్నో ఆసక్తికర ప్రశ్నలు ఎదురయ్యాయి. వాటన్నింటికీ తనదైన స్టైల్ లో సమాధానాలు చెప్పుకొచ్చారు.

మీరు మళ్లీ ప్రేమించడానికి సిద్ధంగా ఉన్నారా..? అనే ప్రశ్న చైతుకి ఎదురైంది. దీనికి స్పందించిన ఆయన 'ఏమో ఎవరికి తెలుసు. ఏదైనా జరగొచ్చు. ప్రేమ అనేది మనిషి జీవితంలో చాలా ముఖ్యమైన రోల్ ప్లే చేస్తుంది. ప్రేమే మనల్ని ముందుకు నడిపిస్తుంది. మనం జీవించడానికి గాలి ఎంత ముఖ్యంలో.. మన జీవితంలో ప్రేమ కూడా అంతే ముఖ్యం. మనం ప్రేమించాలి. ప్రేమను స్వీకరించాలి. అప్పుడే మన జీవితం ఆరోగ్యవంతంగా, సానుకూలంగా సాగుతుంది' అంటూ చెప్పుకొచ్చారు. 

చైతు-సమంత ప్రేమించి పెళ్లి చేసుకున్నారు. పెళ్లైన నాలుగేళ్లకే ఈ జంట విడాకులు తీసుకుంది. ప్రస్తుతం వీరిద్దరూ తమ జీవితాల్లో బిజీగా ఉన్నారు. ఈ మధ్యకాలంలో చైతు.. శోభితా దూళిపాళ్లతో ప్రేమలో పడ్డాడంటూ వార్తలు వినిపించాయి. ఇందులో నిజం లేదంటూ పరోక్షంగా శోభితా వెల్లడించింది. ఇదే విషయమై చైతుని ప్రశ్నించగా.. నవ్వేసి ఊరుకున్నారు. చైతు నవ్వుకి అర్ధమేంటా అని సోషల్ మీడియాలో కామెంట్స్ చేస్తున్నారు నెటిజన్లు. 

చైతు ఫ్యూచర్ ప్రాజెక్ట్స్: 
చైతు ఫ్యూచర్ ప్రాజెక్ట్స్ విషయానికొస్తే.. ప్రస్తుతం ఆయన 'దూత' అనే వెబ్ సిరీస్ లో నటిస్తున్నారు. విక్రమ్ కె కుమార్ దీన్ని డైరెక్ట్ చేస్తున్నారు. ఇది కాకుండా.. పరశురామ్ దర్శకత్వంలో ఓ సినిమా, వెంకట్ ప్రభు దర్శకత్వంలో మరో సినిమా చేయడానికి ఒప్పుకున్నారు చైతు. ముందుగా పరశురామ్ సినిమా మొదలవ్వాలి కానీ వెంకట్ ప్రభు ప్రాజెక్ట్ ను షురూ చేయనున్నారు చైతు. వీటితో పాటు 'డీజే టిల్లు' ఫేమ్ డైరెక్టర్ విమల్ కృష్ణతో కలిసి ఓ సినిమా చేసే ఛాన్స్ ఉంది.