Mohan Babu: దయచేసి మీరు వెళ్లిపోండి.. ఆమెకు టికెట్ డబ్బులు పంపిస్తా అని చెప్పా.. కానీ.. 

మూవీ ఆర్టిస్ అసోసియేషన్ ఎన్నికలు ఫైనల్ కు వచ్చాయి. పలువురు ప్రముఖ నటులు వచ్చి.. తమ ఓటు వేశారు. పోలింగ్ జరుగుతున్న టైమ్ లో మీడియా ముందుకు వచ్చిన మోహన్ బాబు మాట్లాడారు. 'మా' ఎన్నికల పోలింగ్‌ కొనసాగుతోందని.. ఓటు వేసిన తర్వాత 'మా' సభ్యులు ఐదు నిమిషాల్లో వెళ్లిపోవాలని కోరారు. ప్రశాంత వాతావరణంలో ఎన్నికలు జరిగేలా సహకరించాలని  విజ్ఞప్తి చేశారు.

ఈ ఎన్నికలు ఎందుకింత హీట్ అయ్యాయో అర్థకావడం లేదని మోహన్ బాబు వ్యాఖ్యానించారు. గెలుస్తామని నమ్మకం తమకు ఉందని.. సినిమా తీసినప్పుడు.. గెలుస్తామనే నమ్మకం కచ్చితంగా ఉంటుంది. ఇది కూడా అంతేనని చెప్పారు. సినిమా హిట్ అవుతుందని అనుకునే తీస్తాం. ప్రజల్లోకి వెళ్లిన తర్వాతే ఏంటో తెలుస్తుందని అన్నారు. కచ్చితంగా విష్ణు అత్యధిక మెజారిటీతో గెలుస్తాడనే నమ్మకం ఉందని మోహన్ బాబు అన్నారు. సభ్యుల అందరి బలమే.. నా బలం. ఇది రామ రావణ యుద్ధంలా ఉంది. ఇది అంత అవసరమా అనిపిస్తుంది... అని మోహన్ బాబు చెప్పారు.

అయితే మోహన్ బాబు మీడియాతో మాట్లాడుతున్న సమయంలో సీనియర్ నటి జయప్రద వచ్చారు. ఆమెను ఉద్దేశించి.. మోహన్ బాబు మాట్లాడారు. 'ఢిల్లీ నుంచి వచ్చింది. నేను టికెట్ కు డబ్బు పంపిస్తానని చెప్పా.. నాకు టికెట్ కు డబ్బలు పంపేంత అవసరం లేదు.. విష్ణు బాబు కోసం ఆ మాత్రం రాలేనా అని' జయప్రద చెప్పినట్లు మోహన్ బాబు తెలిపారు.

పోలింగ్ కేంద్రంలో డ్రెస్ కోడ్

పోలింగ్ సందర్భంగా ప్రకాష్ రాజ్, మంచు విష్ణు ప్యానల్ అభ్యర్థులు డ్రెస్ కోడ్ పాటించారు. ప్రకాష్ రాజ్ టీమ్ గ్రీన్ కలర్‌లో, మంచు విష్ణు టీమ్ రెడ్ కలర్ దుస్తుల్లో కనిపించారు. అయితే, పోలింగ్ కేంద్రం లోపల ప్రకాష్ రాజ్, విష్ణు సభ్యుల మధ్య వాగ్వాదం నెలకొంది. నమూనా బ్యాలెట్ ఇస్తున్న శివారెడ్డిని శివబాలాజీ అడ్డుకున్నాడు. దీంతో ఇరువురి మధ్య వాగ్వాదం నెలకొంది. మాట మాట పెరగడంతో ఉద్రిక్తత నెలకొనడంతో పోలీసులు రంగంలోకి దిగాల్సి వచ్చింది. హైదరాబాద్‌లోని జూబ్లీ హిల్స్ పబ్లిక్ స్కూల్‌లో ఉదయం 8 గంటలకు పోలింగ్ మొదలైంది. 

మధ్యాహ్నం 2గంటలతో ముగియనున్న ‘మా’ ఎన్నికల పోలింగ్‌ను మరో గంట పాటు పొడిగించారు. ఈ విషయమై ఇరు ప్యానెళ్లతో ఎన్నికల అధికారులు చర్చించగా, ఇరువురు ఒప్పుకొన్నారు. దీంతో ‘మా’ ఎన్నికల పోలింగ్‌ 3గంటల వరకూ జరుగుతుంది.

Also Read: MAA Elections 2021: ‘మా’ ఎన్నికలు.. మోహన్ బాబు కాళ్లు మొక్కబోయిన ప్రకాష్ రాజ్, విష్ణుకు హగ్!

Also Read: Hema Bites Siva Balaji: ‘మా’లో రచ్చ.. శివబాలాజీ చేయి కొరికిన హేమా.. ప్రకాష్ రాజ్‌తో మంచు ఫైట్

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి