Lokesh Kanagaraj: చరణ్ తో సినిమా - క్లారిటీ ఇచ్చిన 'విక్రమ్' డైరెక్టర్!
రామ్ చరణ్ తో సినిమా గురించి లోకేష్ కనగరాజ్ కొన్ని కామెంట్స్ చేశారు.
'విక్రమ్' విజయం తర్వాత దర్శకుడు లోకేష్ కనకరాజ్ మీద తెలుగు హీరోల దృష్టి పడింది. అంతకుముందు 'ఖైదీ' లాంటి సూపర్ హిట్ సినిమా తీయడం.. 'విక్రమ్'లో యాక్షన్ సీన్లు అద్భుతంగా తెరకెక్కించాడనే పేరు రావడం.. ముఖ్యంగా స్క్రీన్ ప్లేలో పాత కథలను కనెక్ట్ చేసిన తీరు టాలీవుడ్ సెలబ్రిటీలకు కూడా నచ్చింది. అతనితో సినిమా చేయడానికి స్టార్ హీరోలు ఆసక్తి చూపిస్తున్నట్లు తెలుస్తోంది.
ఈ క్రమంలో మెగా పవర్ స్టార్ రామ్ చరణ్తో లోకేష్ సినిమా చేయబోతున్నట్లు కొన్ని రోజులుగా వార్తలొస్తున్నాయి. 'విక్రమ్' సినిమా ప్రమోషన్ కోసం హైదరాబాద్ వచ్చినప్పుడు రామ్ చరణ్తో లోకేష్ కనకరాజ్ మీటింగ్ లో పాల్గొన్నట్లు టాక్. 'విక్రమ్' సినిమా సక్సెస్ అయిన తరువాత కమల్ హాసన్ అండ్ టీమ్ ను ఇంటికి పిలిచి మరీ చిరంజీవి సన్మానించడంతో ఈ వార్తలకు మరింత బలం చేకూరింది.
ఇదిలా ఉండగా.. తాజాగా రామ్ చరణ్ తో సినిమా గురించి లోకేష్ కనగరాజ్ కొన్ని కామెంట్స్ చేశారు. ఇటీవల అభిమానులతో ముచ్చటించిన ఆయనకు రామ్ చరణ్ తో సినిమా గురించి ప్రశ్న ఎదురైంది. దానికి స్పందిస్తూ.. 'చరణ్ సర్ ని కలిశా.. ఆయనతో సినిమా సెట్ అయితే భారీ రేంజ్ లో రూపొందిస్తా. కానీ ప్రస్తుతం ఆయన రెండు, మూడు కమిట్మెంట్స్ తో బిజీగా ఉన్నారు. నా చేతిలో కూడా పూర్తి చేయాల్సిన సినిమాలు ఉన్నాయి. ఈ కమిట్మెంట్స్ తరువాత బహుశా చరణ్ సర్ తో సినిమా ఉండొచ్చు' అని చెప్పుకొచ్చారు.
లోకేష్ మాటలను బట్టి ఇప్పట్లో చరణ్ తో సినిమా చేసే ఛాన్స్ లేదనిపిస్తుంది. అందుకే అతడు కూడా కన్ఫర్మ్ గా సినిమా ఉంటుందని చెప్పలేకపోతున్నారు. ఇక చరణ్ విషయానికొస్తే.. ప్రస్తుతం ఆయన శంకర్ దర్శకత్వంలో సినిమా చేస్తున్నారు. వచ్చే ఏడాదిలో ఈ సినిమా ప్రేక్షకుల ముందుకు రానుంది.
Also Read :అంచనాలు ఆకాశాన్ని అందుకునేలా చేసిన పూరి - విజయ్ దేవరకొండ 'లైగర్' ట్రైలర్ వచ్చేసింది
View this post on Instagram
టాప్ హెడ్ లైన్స్
ట్రెండింగ్ వార్తలు
