Dasara Movie: 'దసరా' మూవీ లేటెస్ట్ అప్డేట్ ఏంటంటే?

నాని 'దసరా' సినిమాకి సంబంధించిన ఓ అప్డేట్ వచ్చింది. 

'దసరా' మూవీ లేటెస్ట్ అప్డేట్ ఏంటంటే?

నేచురల్ స్టార్ నాని 'దసరా' అనే సినిమాలో నటిస్తోన్న సంగతి తెలిసిందే. శ్రీకాంత్ ఓదెల అనే కొత్త దర్శకుడు డైరెక్ట్ చేస్తోన్న ఈ సినిమాను సుధాకర్ చెరుకూరి నిర్మిస్తున్నారు. ఈ సినిమాలో కీర్తి సురేష్ హీరోయిన్ గా కనిపించనుంది. గోదావరిఖని బొగ్గు గనుల నేపథ్యంలో ఈ సినిమాను రూపొందిస్తున్నారు. తాజాగా ఈ సినిమాకి సంబంధించిన అప్డేట్ ఇచ్చింది చిత్రబృందం. 

ప్రస్తుతం ఈ సినిమాకి సంబంధించిన కీలకమైన షెడ్యూల్ ను మొదలుపెట్టినట్లు వెల్లడించింది. ఈ విషయాన్ని చెబుతూ.. ఓ పోస్టర్ ను కూడా రిలీజ్ చేశారు. ఈ సినిమా సెట్స్ కోసం నిర్మాత బాగా ఖర్చు పెడుతున్నారు. హైదరాబాద్ లో ఓ విలేజ్ సెట్ కోసం రూ.12 కోట్లు ఖర్చు చేశారు. ఇప్పుడు కొత్త షెడ్యూల్ కోసం మరింత ఖర్చు చేయబోతున్నారు. ఈ సినిమాలో నాని రగ్డ్ లుక్ లో కనిపించబోతున్నారు. తొలిసారి ఈ సినిమాలో తెలంగాణ యాసలో డైలాగ్స్ చెప్పబోతున్నారు.

ఇక ఈ సినిమాలో సముద్రఖని, సాయి కుమార్, జరీనా వాహబ్ లాంటి తారలు కీలకపాత్రల్లో కనిపించనున్నారు.  ఈ సినిమా తెలుగు, తమిళం, కన్నడ, మలయాళం, హిందీ భాషల్లో విడుదల కానుంది. నాని నటించిన తొలి పాన్ ఇండియా చిత్రంగా రాబోతుంది. ప్రముఖ సంగీత దర్శకుడు సంతోష్ నారాయణన్ ఈ సినిమాకి మ్యూజిక్ అందించనున్నారు. సత్యన్ సూర్యన్ సినిమాటోగ్రఫర్‌, నవీన్ నూలి ఎడిటర్‌. 

 

 

 

 

 

View this post on Instagram

 

 

 

 

 

 

 

 

 

 

 

A post shared by SLV Cinemas (@slv_cinemas)