Koffee With Karan 8: మావారి కంటే ఆయనే బెస్ట్, దీపికా కామెంట్స్‌కు రణవీర్ షాక్!
కాఫీ విత్ కరణ్ 8 సీజన్ తొలి ఎపిసోడ్ లో బాలీవుడ్ హాట్ కపుల్ దీపికా పదుకొణె - రణవీర్ సింగ్ పాల్గొన్నారు. ఈ సందర్భంగా దీపికా చేసిన కామెంట్స్ రణవీర్ షాక్ అయ్యారు. ఇంతకీ తను ఏం చెప్పిందంటే?
బాలీవుడ్ దర్శక నిర్మాత కరణ్ జోహార్ హోస్టుగా చేస్తున్న షో ‘కాఫీ విత్ కరణ్’. బాలీవుడ్ స్టార్స్ పాల్గొనే ఈ షో దేశ వ్యాప్తంగా బాగా పాపులర్ అయ్యింది. ఇప్పటి వరకు 7 సీజన్లను సక్సెస్ ఫుల్ గా కంప్లీట్ చేసుకుంది. ప్రస్తుతం 8వ సీజన్ టెలీకాస్ట్ కు రెడీ అవుతోంది. ఈ సీజన్ అక్టోబర్ 25 నుంచి డిస్నీ+ హాట్‌స్టార్‌లో ప్రీమియర్ చేయబోతున్నారు. ఈ నేపథ్యంలో తొలి ఎపిసోడ్ ట్రైలర్ తాజాగా విడుద‌లైంది.
8 సీజన్ తొలి ఎపిసోడ్ లో దీపిక-రణవీర్
కాఫీ విత్ కరణ్ 8 సీజన్ తొలి ఎపిసోడ్ లో బాలీవుడ్ హాట్ కపుల్ దీపికా పదుకొణె - రణవీర్ సింగ్ పాల్గొన్నారు. ఈ ట్రైరల్ ఆద్యంతం ఫుల్ ఫన్ గా కొనసాగింది. దీపికా, రణ్ వీర్ పలు వ్యక్తిగత విషయాలు కూడా ఈ షోలో వెల్లడించారు. వాస్తవానికి తాము పెళ్లికి ముందు సీక్రెట్ గా నిశ్చితార్థం చేసుకున్నట్లు వెల్లడించారు. ఆ తర్వాతే ఇద్దరు పెళ్లి చేసుకోబోతున్నట్లు బయటకు తెలిసిందన్నారు. ఇక ఈ షోలో కరణ్ జోహార్ ను రణవీర్ సింగ్ టర్కీ అంకుల్ అని పిలవడం అందరినీ నవ్వుల్లో ముంచెత్తింది.
హృతిక్ తోనే బెస్ట్ కెమిస్ట్రీ!
ఇక బాలీవుడ్ వెండితెరపై రణవీర్ కాకుండా ఎవరితో బెస్ట్ కెమిస్ట్రీ కుదురుతుంది? అని దీపికాను కరణ్ అడగ్గా, ఆమె చెప్పిన ఆన్సర్ విని రణవీర్ షాక్ అయ్యారు. హృతిక్‌తో స్క్రీన్‌పై బెస్ట్ కెమిస్ట్రీ వ‌ర్క‌వుట్ అవుతుందని వెల్లడించింది. గత కొద్ది కాలంగా బాలీవుడ్ బాద్ షా షారుఖ్ ఖాన్ తో దీపికా వరుస సినిమాలు చేస్తున్నది. అయినప్పటికీ, ఆమె హృతిక్ పేరు చెప్పడం విశేషం.
ఇక కాఫీ విత్ కరణ్ షో లో రణవీర్- దీపికా కలిసి పాల్గొనడం ఇదే తొలిసారి కావడంతో సర్వత్రా ఆసక్తి నెలకొంది. ఇప్పటికే ఈ షోలో రణవీర్, దీపికా వేర్వేరుగా పాల్గొన్నారు. రణ్‌వీర్, అలియా భట్ సహా ఇతరులతో కలిసి పాల్గొన్నారు. అటు దీపికా పదుకొణె కూడా ఇతర నటీనటులతో కలిసి పాల్గొన్నారు. కానీ, రణవీర్, దీపికా దంపతులు పాల్గొనడం ఇదే మొదటిసారి కావడంతో అందరూ ఈ షోకోసం ఎదురు చూస్తున్నారు.
కంగనాను పిలువకపోవడంపై నెటిజన్ల విమర్శలు
ఇక 8వ సీజన్ తొలి ఎపిసోడ్ అక్టోబర్ 25న ప్రసారం కానుండగా, అనంత‌రం ప్రతి గురువారం కొత్త ఎపిసోడ్ విడుదల అవుతుంది. ఇక తాజా సీజన్ గెస్టుల లిస్టులో బాలీవుడ్ స్టార్స్ దీపికా పదుకొనే, రణవీర్ సింగ్ పాటు, సిద్ధార్థ్ మల్హోత్రా-కియారా అద్వానీ దంపతులతో పాటు, అలియా భట్, కరీనా కపూర్ ఖాన్, సుహానా ఖాన్, ఖుషీ కపూర్ సహా పలువురు ఉన్నారు. ఇక ఈ లిస్టులో బాలీవుడ్ ఫైర్ బ్రాండ్ కంగనా రనౌత్ పేరు లేకపోవడంపై గత కొద్ది రోజులుగా నెటిజన్లు కరణ్ ను ఓ రేంజిలో ట్రోల్ చేస్తున్నారు. కేవలం నెపో కిడ్స్ ను మాత్రమే ఈ షోకు పిలుస్తారంటూ విమర్శలు గుప్పిస్తున్నారు.
Read Also: సంక్రాంతి బరిలో మరో పెద్ద మూవీ, ‘తంగలాన్’తో రెడీ అంటున్న విక్రమ్!
ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial
టాప్ హెడ్ లైన్స్
ట్రెండింగ్ వార్తలు
