Karthika Deepam August 27th Update: దీపను చూసిన ఆనందరావు- కార్తీక్ మోనిత దగ్గరే ఉన్నాడని తెలుసుకున్న దీప

బుల్లితెర ప్రేక్షకుల్ని మెప్పిస్తోన్న ‘కార్తీకదీపం’ సీరియల్ మలుపులు తిరుగుతోంది. కార్తీక్ ని హాస్పిటల్ నుంచి తీసుకెళ్లిపోయింది మోనిత అని క్లారిటీ వచ్చింది.

image credit: Disney Plus Hotstar/ Star Maa

ఆనందరావు శౌర్యని ఇంటికి రమ్మని పిలుస్తాడు. అమ్మనాన్న వచ్చిన తర్వాతే ఆ ఇంటికి వస్తానని అంటుంది శౌర్య. అయినా నన్ను వదిలేసి అమెరికా వెళ్లిపోయారు కదా మళ్ళీ ఎందుకు వచ్చారని అడుగుతుంది. మేము అమెరికా వెళ్లామని నీకు ఎలా తెలిసిందని అంటాడు. మీరు వెళ్లిపోయినక నేను ఇంటికి వచ్చాను ఇక్కడ నన్ను గాలికి వదిలేసి అమెరికా వెళ్లిపోయారు కదా. అక్కడే హాయిగా ఉండకుండా ఇక్కడకి ఎందుకొచ్చారని కోపంగా అంటుంది. చెప్పాను కదా నానమ్మ శౌర్య వస్తుందని అయినా నా మాట వినకుండా తీసుకుని వెళ్లిపోయారు ఇప్పుడు చూడు ఇంక పంతం పెంచుకుంది అని హిమ ఏడుస్తుంది. అయినా రావాలని అనుకుంటే ఇప్పుడు మీ తాతయ్య పిలుస్తున్నారు రావొచ్చు కదా రాకుండా ఉండటానికి అది కారణాలు వెతుక్కుంటుదని సౌందర్య బాధగా అంటుంది. నేను రాను తాతయ్య నువ్వు వెళ్లిపో నువ్వు ఇక్కడే ఉండి బాధపడుతుంటే నాకు ఏదోలా ఉంది వెళ్లిపో లేదంటే నేను ఇక్కడ కూడ ఉండను వెళ్లిపోతాను అని శౌర్య అంటుంది. ఆ మాటకి ఆనందరావు ఏడుస్తాడు.

దీప ఆటోలో వెళ్తూ ఆ అబ్బాయిని ఎక్కడికి తీసుకెళ్ళి ఉంటుందని ఆలోచిస్తుంది. ఈ పాటికి ఆ అబ్బాయిని మోనిత డాక్టర్ బాబు దగ్గరకి తీసుకుని వెళ్ళి ఉంటుంది. డాక్టర్ బాబు దాన్ని నాలుగు పీకి బయటకి పంపించేసి ఉంటారు అయినా దానికి సిగ్గు ఉండదని అనుకుంటుంది. ఆనందరావు కారులో వెళ్తూ ఆటోలో ఉన్న దీపని చూస్తాడు. కారు ఆపి దిగి చూసేసరికి దీప ఉన్న ఆటో వెళ్లిపోతుంది. ఏమైందని సౌందర్య అడుగుతుంది దీపని చూశాను అని చెప్తాడు, తను రావడం ఏంటి సాధ్యమా, ఎవరినో చూసి దీప అనుకుని ఉంటారని సౌందర్య అంటుంది. ఆ మాత్రం గుర్తుపట్టలేనా అని అంటాడు ఆనందరావు. చూశాను అంటున్నారుగా ఏది ఎక్కడికి వెళ్ళిందని అడుగుతుంది. అదంతా మన భ్రమ మరచిపోలేని మనుషులు మన కళ్ళ ముందే ఉన్నారేమో అని అనుకుంటామని సర్ది చెప్తుంది.

దీప హాస్పిటల్ కి వచ్చి జరిగింది అంతా తన అన్నయ్యకి చెప్తుంది. నిన్ను ఫాలో అవ్వడం తప్ప దానికి వేరే పని లేదని అంటాడు. కార్తీక్ కి గతం కొద్ది కొద్దిగా గుతుకు వస్తూ దీప అని కలవరిస్తాడు. ఆ మాటకి మోనిత షాక్ అవుతుంది. దీపా అని కలవరిస్తున్నాడేంటి నా మందులు పని చెయ్యడం మానేశాయ ఏంటి అని కార్తీక్ దగ్గరకి వెళ్ళి డౌట్ గా చూస్తుంది. ఇప్పుడు నేను ఏమైనా అన్నానా దీపా అని మోనితని పిలుస్తాడు. నన్ను దీపా అని పిలుస్తున్నాడేంటి అంటే దీప పేరు గుర్తుకు వచ్చిందని టెన్షన్ పడుతుంది మోనిత. ఏం ఆలోచిస్తున్నావ్ దీపా అడుగుతున్నా కదా అలా అయిపోయావ్ ఏంటి అని అడుగుతాడు. ఏమంటావ్ నా పేరే పిలిచావ్ అని కవర్ చేస్తుంది మోనిత. మళ్ళీ నీ పేరెంటి అని కార్తీక్ అడుగుతాడు. ఇప్పుడు నేను ఏ పేరు చెప్పాలి మోనిత అనా, దీపా అనా అని ఆలోచిస్తుంటే పేరు చెప్పడానికి ఇంట ఆలోచిస్తున్నావ్ ఏంటని కార్తీక్ అడుగుతాడు.

మతిమరుపు నీకా నాక అని అంటాడు. మోనిత అని చెప్తుంది. మోనిత అనే పిలిచాను కదా అంటే అవును మోనిత అనే పిలిచావ్ అంటుంది. తలనొప్పిగా ఉంది కొంచెం తల పట్టవా అని అడుగుతాడు. ఈయన తల ఈయన మర్దన చేసుకుంటేనే దీప పేరు గుర్తొచ్చింది ఇక నేను తల పట్టాను అంటే గతం మొత్తం గుర్తుకు వచ్చినా వచ్చేస్తుందని మనసులో అనుకున్న మోనిత అక్కడ నుంచి జారుకుంటుంది.

తరువాయి భాగంలో..

కార్తీక్ రోడ్డు మీద నిలబడి ఎవరితోనో మాట్లాడుతూ ఉంటే అటుగా వెళ్తున్న దీప తనని చూసి ఆటో అపుతుంది. డాక్టర్ బాబు అని పిలుస్తూ పరిగెడుతుంది. అప్పటికే కార్తీక్ కారులో వెళ్ళిపోతాడు. తనని దీప ఫాలో అవుతూ వస్తుంది. బోటిక్ దగ్గరకి వచ్చి డాక్టర్ బాబు అని పిలుస్తుంది. అప్పుడే మోనిత కూడా కార్తీక్ ఎవరితో మాట్లాడుతున్నావ్ అని బయటకి రావడంతో దీపని చూసి షాక్ అవుతుంది.