Kannappa Teaser: కేన్స్‌లో ‘కన్నప్ప’ టీజర్ చూపించిన విష్ణు - యూట్యూబ్‌లో రిలీజ్ ఎప్పుడంటే?

Kannappa Teaser Release Date: ‘కన్నప్ప’ టీమ్ ప్రతిష్టాత్మక కేన్స్ ఫిలిం ఫెస్టివల్ లో సందడి చేసింది. అక్కడ ‘కన్నప్ప’ టీజర్ ఆవిష్కరించారు. అతిరథ మహారథులను టీజర్ ఆకట్టుకున్నట్లు మంచు విష్ణు వెల్లడించారు.

కేన్స్ ఫిల్మ్ ఫెస్టివల్ లో ‘కన్నప్ప‘ టీమ్(Photo Credit: Vishnu Manchu/Instagram)

Kannappa Teaser Unveiled At Cannes 2024: ప్రతిష్టాత్మక కేన్స్ ఫిల్మ్ ఫెస్టివల్ అంగరంగ వైభవంగా జరుగుతోంది. మే 14న ప్రారంభమైన ఈ సినిమా వేడుకలో ప్రపంచ వ్యాప్తంగా ఉన్న సినీ దిగ్గజాలు పాల్గొని సందడి చేస్తున్నారు. ఈ ఫెస్టివల్ లో ప్రపంచ వ్యాప్తంగా పేరు పొందిన పలు సినిమాలు ప్రదర్శిస్తున్నారు. ఇండియాకు చెందిన 7 సినిమాలు కూడా ఈ లిస్టులో ఉన్నాయి.

కేన్స్ ఫిల్మ్ ఫెస్టివల్ లో ‘కన్నప్ప’ టీం సందడి

తాజాగా కేన్స్ ఫిల్మ్ ఫెస్టివల్ లో ‘కన్నప్ప’ చిత్రబృందం సందడి చేసింది. మోహన్ బాబు, విష్ణు మంచు, ప్రభుదేవా సహా పలువురు కేన్స్ ఫెస్టివల్‌ లో పాల్గొన్నారు. ఈ వేడుకలోనే ‘కన్నప్ప’ మూవీ టీజర్‌ను రిలీజ్ చేశారు. ‘కన్నప్ప’ టీజర్‌ ను చూసి సినీ దిగ్గజాలు ముగ్దులయ్యారని హీరో మంచు విష్ణు వెల్లడించారు. ఈ మేరకు సోషల్ మీడియా వేదికగా ఓ పోస్టు పెట్టారు. కేన్స్ ఫిలిం ఫెస్టివల్ లో తీసుకున్న ఫోటోలతో పాటు సినిమాకు సంబంధించిన పలు విషయాలను వెల్లడించారు. “కేన్స్‌ లో మా ‘కన్నప్ప’ టీజర్‌ ను అందరికీ చూపించాం. టీజర్‌ ను చూసి అందరూ ప్రశంసించారు. ఇంటర్నేషనల్ డిస్ట్రిబ్యూటర్లు, అక్కడికి వచ్చిన ఇండియన్స్ ‘కన్నప్ప’ టీజర్‌ను చూసి ముగ్దులయ్యారు. ఆ రెస్పాన్స్ చూసిన తరువాత నాకు చాలా సంతోషం కలిగింది” అని చెప్పుకొచ్చారు.

మే 30న తెలుగులో.. జూన్ 13న ఇతర భాషల్లో ‘కన్నప్ప’ టీజర్ విడుదల

ఇక ‘కన్నప్ప’ టీజర్ ను ముందుగా తెలుగు ప్రేక్షకులకు చూపించబోతున్నట్లు మంచు విష్ణు తెలిపారు. మే 30న తెలుగు టీజర్ ను రిలీజ్ చేయనున్నట్లు వెల్లడించారు. జూన్ 13న ఇతర భారతీయ భాషల్లోరిలీజ్ చేస్తామని తెలిపారు. “మన భారతీయ ప్రేక్షకులకు జూన్ 13న ‘కన్నప్ప’ టీజర్ చూపించబోతున్నాం. అంతకు ముందే అంటే మే 30న తెలుగు ప్రేక్షకుల కోసం తెలుగు టీజర్ ను హైద్రాబాద్‌లోని పాపులర్ థియేటర్‌లో ప్రదర్శించనున్నాం. మా కన్నప్పను సోషల్ మీడియాలో మొదటి నుంచి ప్రోత్సహిస్తున్న కొంత మంది సెలెక్టెడ్ ఆడియెన్స్‌ కు ఆ టీజర్‌ను చూపిస్తాం. మా టీం వారిని సెలెక్ట్ చేస్తుంది. కన్నప్ప టీజర్‌ను అందరికీ చూపించాలని ఎంతో ఆత్రుతగా ఎదురుచూస్తున్నాం” అని మంచు విష్ణు వెల్లడించారు.

 

 

 

 

 

View this post on Instagram

 

 

 

 

 

 

 

 

 

 

 

A post shared by Vishnu Manchu (@vishnumanchu)

‘కన్నప్ప’లో భాగం అవుతున్న పలువురు స్టార్ హీరోలు

అటు ‘కన్నప్ప’ సినిమాను అవా ఎంటర్టైన్మెంట్స్ బ్యానర్ మీద మోహన్ బాబు నిర్మిస్తున్నారు. మంచు విష్ణు కెరీర్ లోనే అత్యధిక బడ్జెట్ తో ఈ సినిమాను నిర్మిస్తున్నారు. బాలీవుడ్ దర్శకుడు ముఖేష్ కుమార్ సింగ్ ఈ సినిమాకు దర్శకత్వం వహిస్తున్నారు. దర్శకత్వం వహిస్తున్నారు. ఈ సినిమాలో పలువురు అగ్ర హీరోలు నటిస్తున్నారు. ఇప్పటికే సినిమా షూటింగ్ దాదాపు పూర్తి కావొచ్చింది. తాజాగా బాలీవుడ్ స్టార్ హీరో అక్షయ్ కుమార్ మీద పలు సన్నివేశాలు చిత్రీకరించారు. అనంతరం ప్రభాస్ కు సంబంధించిన సీన్లు షూట్ చేశారు.