Raayan: ‘రాయన్’ బ్లాక్ బస్టర్ హిట్, హీరో ధనుష్ కు నిర్మాత ఊహించని బహుమతులు, ఇంతకీ అవేంటో తెలుసా?
ధనుష్ హీరోగా తెరకెక్కిన ‘రాయన్’ మూవీ బాక్సాఫీస్ దగ్గర బ్లాక్ బస్టర్ అందుకున్నది. ఈ నేపథ్యంలో ప్రొడ్యూసర్ కళానిధి మారన్ ధనుష్ కు అదిరిపో బహుమతులు అందించారు.
Kalanithi Maran Congratulates Dhanush: తమిళ స్టార్ హీరో ధనుష్ నటించి తెరకెక్కించిన చిత్రం ‘రాయన్’. జులై 26న ప్రేక్షకుల ముందుకు వచ్చిన ఈ సినిమా బ్లాక్ బస్టర్ హిట్ అందుకుంది. బాక్సాఫీస్ దగ్గర వసూళ్ల వర్షం కురిపించింది. ఈ నేపథ్యంలోనే చిత్ర నిర్మాత కళానిధి మారన్.. ధనుష్ కు సర్ ప్రైజ్ ఇచ్చారు. స్వయంగా ఆయన దగ్గరకు వెళ్లి కలిసిన రెండు చెక్కులను అందించారు. వాటిలో ఒకటి హీరోగా నటించినందుకు, మరొకటి దర్శకుడిగా ఈ సినిమాను తెరకెక్కించనందుకు అందజేశారు. ఈ ఫోటోలను సన్ పక్చర్స్ సంస్థ సోషల్ మీడియా వేదికగా షేర్ చేసింది. అయితే, అమౌంట్ ఎంత అనే విషయాన్ని మాత్రం బయటకు వెళ్లడించలేదు.
రూ. 150 కోట్లు వసూళు చేసిన ‘రాయన్’
ధనుష్ కెరీర్ లో ప్రతిష్టాత్మకంగా ‘రాయన్’ సినిమా తెరకెక్కింది. ధనుష్ కెరీర్ లో 50వ చిత్రంగా రూపొందింది. గ్యాంగ్ వార్ కథాంశంతో ఈ సినిమాను తెరకెక్కించారు. రెండు గ్యాంగుల మధ్య ఆధిపత్య పోరాటంతో హీరో ఫ్యామిలీకి ఎలాంటి ఇబ్బందులు ఎదురయ్యాయి. తన ఫ్యామిలీని ధనుష్ ఎలా కాపాడుకున్నాడు అనేది ఈ సినిమాలో చూపించారు. ఫ్యామిలీ ఎమోషన్ డ్రామాగా తెరకెక్కిన ఈ చిత్రం బాక్సాఫీస్ దగ్గర మంచి వసూళ్లను సాధించింది. సుమారు రూ. 150 కోట్లకు పైగా వసూళ్లను అందుకుంది.
Mr. Kalanithi Maran congratulated @dhanushkraja for the grand success of #Raayan and presented 2 cheques to him - one for the hero and one for the director. pic.twitter.com/gp12Z8s6bl
— Sun Pictures (@sunpictures) August 22, 2024
అమెజాన్ ప్రైమ్ ఓటీటీలో స్ట్రీమింగ్
థియేటర్లలో అద్భుత ప్రేక్షకాదరణ దక్కించుకున్న ‘రాయన్’ మూవీ మరికొద్ది గంటల్లో ఓటీటీలోకి రాబోతోంది. శుక్రవారం(ఆగష్టు 23) నుంచి అమెజాన్ ప్రైమ్ వీడియోలో స్ట్రీమింగ్ కానుంది. ఈ మూవీ డిజిటల్ స్ట్రీమింగ్ హక్కులను అమెజాన్ ప్రైమ్ ఫ్యాన్సీ అమౌంట్ చెల్లించి దక్కించుకుంది. ఇవాళ్టి అర్ధరాత్రి నుంచే ‘రాయన్’ మూవీ ఓటీటీలో ప్రేక్షకులకు అందుబాటులోకి రానుంది. ఈ సినిమా తమిళం, తెలుగు, హిందీ, కన్నడ, మలయాళ భాషల్లో విడుదలకానుంది.
కీలక పాత్రలో హీరో సందీప్ కిషన్
‘రాయన్’ సినిమాలో టాలీవుడ్ యంగ్ హీరో సందీప్ కిషన్ ఓ కీలక పాత్రలో కనిపించారు. ప్రకాష్ రాజ్, ఎస్ జే సూర్య, సెల్వ రాఘవన్, అపర్ణ బాల మురళీ ఈ చిత్రంలో కీలక పాత్రలు పోషించారు. ధనుష్ సిస్టర్ గా దుర్గగా దుషారా విజయన్ అద్భుతంగా నటించింది. కాళిదాస్ జయరామ్, వరలక్ష్మి శరత్ కుమార్, శరవణన్, దిలీపన్, ఇళవరసు ఇతర పాత్రల్లో కనిపించారు. ఈ సినిమాకు ఆస్కార్ విన్నింగ్ మ్యూజిక్ డైరెక్టర్ ఏఆర్ రెహ్మాన్ స్వరాలు అందించారు. సన్ పిక్చర్స్ బ్యానర్ లో కళానిధి మారన్ భారీ బడ్జెట్ తో ఈ సినిమాను తెరకెక్కించారు.
టాప్ హెడ్ లైన్స్
ట్రెండింగ్ వార్తలు
