Janaki Kalaganaledu March 20th: జానకి మీద పిచ్చికుక్కలా విరుచుకుపడిన మనోహర్- ఐపీఎస్ కల చేదిరిపోతుందా?

జానకి కానిస్టేబుల్ కావడంతో సీరియల్ ఇంట్రెస్టింగ్ గా సాగుతోంది. ఈరోజు ఎపిసోడ్లో ఏం జరిగిందంటే..

Image Credit: Disney Plus Hotstar/ Star Maa

జెస్సి పండంటి మగబిడ్డకి జన్మనిచ్చిందని డాక్టర్ చెప్పేసరికి జ్ఞానంబ కుటుంబం మొత్తం సంతోషపడుతుంది. బిడ్డను చూస్తూ మురిసిపోతుంది. అఖిల్ కూడా బిడ్డ పుట్టిన ఆనందంలో మునిగిపోతాడు. జెస్సికి ఏమి కాలేదని సుఖంగా ప్రసవించిందని రామ, జానకి ఊపిరి పీల్చుకుంటారు. మనవడు కావాలని కోరుకున్నారు నీ కోరిక తీరిందని జ్ఞానంబ వాళ్ళు సంబరపడతారు. కొడుకుని చూసి అఖిల్ తెగ మురిసిపోతాడు. చూశావా ఎంత బాగున్నాడో.. ప్రపంచంలో నా అంత అదృష్టవంతుడు ఎవరు ఉండరేమో లైఫ్ లో సెటిల్ అవకుండానే ఒక బిడ్డకి తండ్రిని అయ్యానని బాధపడతాడు. రామ, జానకి వచ్చి బిడ్డని చూసి జెస్సికి ఎలా ఉందని అడుగుతాడు. వీడు ఎప్పుడు పాకుతాడని రామ ఆత్రంగా అడుగుతాడు.

సుగుణ రిజిస్టర్ లో ఉన్న రామ నెంబర్ కి ఫోన్ చేస్తుంది. జానకి కోసం కాల్ చేశానని చెప్తుంది. హాస్పిటల్  దగ్గర ఉన్నామని రామ చెప్పి జానకికి ఫోన్ ఇస్తాడు. బాబుకి అచ్చం నీ పోలీకేనని జానకి అంటుంది. జెస్సి తల్లి మేరీ వచ్చి జానకిని బయటకి వెళ్ళమని చెప్తుంది. పసిపిల్లలు ఉన్న చోటుకి ఎవరు పడితే వాళ్ళు రాకూడదని అంటుంది. జానకి బయటకి వెళ్ళగానే ఏమైంది ఎందుకు అలా అన్నావని అంటుంది. నీకంటే ముందు పెళ్లి చేసుకుంది ఇప్పటివరకు పిల్లలు పుట్టలేదు అలాంటి వాళ్ళ చూపు పిల్లల మీద పడకూడదని చెప్తుంది. సుగుణ ఎస్సై అగ్గిమీద గుగ్గిలం అవుతున్నాడని చెప్తుంది. ఎస్సై రెక్కి చేయాల్సిన కేసు ఇచ్చారు కానీ హాస్పిటల్ హడావుడిలో పడి మర్చిపోయాను వెంటనే స్టేషన్ కి వెళ్లాలని జానకి వెళ్ళిపోతుంది. మనోహర్ స్టేషన్ కి వచ్చేసరికి జానకి కనిపించదు. కోపంగా టేబుల్ మీద ఉన్నవి విసిరేస్తాడు. పగతో రగిలిపోతున్నాడు జానకిని వదిలిపెట్టడని సుగుణ భయపడుతుంది.

ఎక్కడ నీ ఫ్రెండ్ నీతో మాట్లాడిందా? ఎక్కడ ఉందని అరుస్తాడు. అప్పుడే జానకి వస్తుంది. ఏంటి నీ తలపొగరు ఎమ్మెల్యే శభాష్ అనగానే కొమ్ములు వచ్చాయా? అని అంటాడు. నీకోక కేసు అప్పగించాను కనీసం పట్టించుకోలేదు నీ మూలంగా దొంగ తప్పించుకుని వెళ్ళిపోయాడని అంటాడు. జానకి ఏం జరిగిందో చెప్పబోతుంటే వెళ్ళి పువ్వు తెచ్చి చెవిలో పెట్టుకుని ఇప్పుడు చెప్పండి మేడమ్ అని వెటకారంగా మాట్లాడతాడు. మా తోడికోడలికి నొప్పులు వచ్చాయ్ సడెన్ గా హాస్పిటల్ కి తీసుకువెళ్లాల్సి వచ్చిందని చెప్తుంది. నీకు కాదు కదా వచ్చింది, అసలు నేను చెప్పిన పనే మర్చిపోయావ్ కదా నువ్వు అని అడుగుతాడు. అవునని జానకి ఒప్పుకుంటుంది. మొదటి తప్పు అనుకుని క్షమించమని సుగుణ అంటుంది. ఆ మాట తను కదా అడగాల్సింది ఇగోనా అనేసరికి తప్పుని క్షమించమని జానకి అడుగుతాడు.

పాత క్లాత్ తీసుకుని ఫైల్స్, టెబుల్స్ అన్నీ క్లీన్ చేయమని చెప్తాడు. బిడ్డ పోలికలు జెస్సివి అని మేరీ, అఖిల్ పోలికలని జ్ఞానంబ అంటుంది. డిశ్చార్జ్ చేస్తామని చెప్పారని చెప్పి రామని వెళ్లిపొమ్మని అఖిల్ చెప్తాడు. జానకి చేసేది లేక మనోహర్ చెప్పిన పని చేస్తుంది. ఆత్మాభిమానం ఎక్కువ కదా మాట్లాడే అవకాశం ఎందుకు ఇస్తున్నావ్ జాబ్ మానేయ్ అని సుగుణ సలహా ఇస్తుంది. మాటలు పడటం కంటే అదే బెటర్ కదా అంటుంది. జానకి మాత్రం ఒంటి మీద ఖాకీ వేసుకోవడం తన చిన్న నాటి కల అని వదులుకునేదే లేదని చెప్తుంది. కుటుంబ బాధ్యతల వల్ల కేసు మర్చిపోయానని. తప్పని పరిస్థితుల్లో కానిస్టేబుల్ అయ్యాను కానీ నా అసలు కల ఐపీఎస్ ఆఫీసర్ అవడమని జానకి చెప్తుండగా మనోహర్ వస్తాడు.