Janaki Kalaganaledu December 15th: వేడుకగా జెస్సి సీమంతం- జానకి దాస్తున్న నిజాన్ని మల్లిక బయటపెడుతుందా?

జానకి మళ్ళీ ఐపీఎస్ పుస్తకం పట్టడంతో సీరియల్ ఇంట్రెస్టింగ్ గా సాగుతోంది. ఈరోజు ఎపిసోడ్లో ఏం జరిగిందంటే..

Image Credit: Disney Plus Hotstar/ Star Maa

జెస్సీకి సీమంతం వేడుక సందర్భంగా పీటర్ జ్ఞానంబ ఇంటికి వస్తాడు. ఇంట్లో అందరూ ఆయన్ని సాదరంగా ఆహ్వానిస్తారు. ఫంక్షన్ కి వచ్చిన వాళ్ళంతా మల్లిక దగ్గరకి వెళ్ళి ఓదార్పు యాత్ర చేస్తారు. పీటర్ మల్లికని పలకరించి జాగ్రత్తలు చెప్తారు. అందరూ తనని పేషెంట్ లా చూస్తుంటే నిజంగా పేషెంట్ అయ్యేలా ఉన్నానని మల్లిక చిరాకుపడుతుంది. జెస్సీని చక్కగా ముస్తాబు చేస్తారు. కూతుర్ని అలా చూసి పీటర్ చాలా సంతోషిస్తాడు. సీమంతం చేసుకునే కోడలికి నగలు ఇవ్వడం ఆనవాయితీ అని జ్ఞానంబకి తన అత్త ఇచ్చిన నగలు జెస్సికి ఇస్తుంది. అది చూసి మల్లిక కుళ్ళుకుంటుంది. తొందరపాటుతో నగలన్నీ దూరం చేసుకున్న సీమంతం చేసుకున్నాక కడుపు పోయినట్టు నాటకం ఆడితే బాగుండేదని ఏడుపు మొహం పెడుతుంది.

ఇప్పటికే ఇంట్లో ఒక అనర్థం జరిగి బాధ నుంచి బయటపడలేకపోతున్నామని జాగ్రత్తగా ఉండమని జ్ఞానంబ చెప్తుంది. జ్ఞానంబ ఇచ్చిన నగలని అలంకరిస్తుంది. అప్పుడే డాక్టర్ జానకికి ఫోన్ చేయడంతో కంగారుగా బయటకి వెళ్ళడం మల్లిక గమనిస్తుంది. రిపోర్ట్ అన్ని నార్మల్ గానే ఉన్నాయ్ కదా అని జానకి ఆత్రంగా అడుగుతుంది. జెస్సి కడుపులో బిడ్డ బతకడం చాలా కష్టమని డాక్టర్ మరోసారి చెప్తుంది. ట్రీట్మెంట్ చేసిన ఫలితం ఉండదా అని జానకి అంటుంది. లేదని డాక్టర్ అంటుంది. జెస్సికి నిజం చెప్పి మెంటల్ గా ప్రిపేర్ చెయ్యమని చెప్తుంది. రిపోర్ట్స్ నర్స్ తో ఇంటికి పంపించానని చెప్తుంది. అప్పుడే నర్స్ రిపోర్ట్స్ తీసుకుని ఇంట్లోకి అడుగుపెడుతుంది. ఆ రిపోర్ట్స్ ఎవరైనా చూస్తే ప్రమాదమని కంగారుగా ఫోన్ పెట్టేసి వెళ్ళిపోతుంది. జానకి టెన్షన్ పడటం వెనుక ఏదో కారణం ఉందని మల్లిక తనని ఫాలో అవుతూనే ఉంటుంది.

నర్స్ రిపోర్ట్స్ పట్టుకుని నిలబడం చూసి జ్ఞానంబ వెళ్ళి పలకరిస్తుంది. జానకి కోసం వచ్చానని రిపోర్ట్స్ ఇవ్వడానికి వచ్చినట్లు చెప్తుంది. జెస్సి హాస్పిటల్ రిపోర్ట్స్ అని నర్స్ చెప్పగానే జ్ఞానంబ ఆత్రంగా వాటిని తీసుకుంటుంది. రిపోర్ట్స్ చూసి జెస్సి కడుపులో బిడ్డ ఎలా ఉందో చెప్పమని నర్స్ కి ఇస్తుంది. సమయానికి జానకి వచ్చి వాటిని తీసుకుని నర్స్ ని పంపించేస్తుంది. రిపోర్ట్స్ చూసి జానకి అంతలా కంగారుపడుతుందంటే అందులో ఏదో ఉంది కనిపెట్టాలని అనుకుంటుంది. మల్లిక గమనించడం జానకి చూసి రిపోర్ట్స్ తీసుకుని లోపలికి వెళ్ళిపోతుంది. గదిలో వాటిని పెట్టి బయటకి వెళ్ళగానే మల్లిక గబగబా వాటిని తీసుకోవడానికి వెళ్తుంటే చికిత వచ్చి తనని తీసుకుని వెళ్ళిపోతుంది.

జానకి ఆ రిపోర్ట్స్ అంత సీక్రెట్ గా దాచింది అంటే ఏదో ఉందని మల్లిక మనసులో అనుకుంటుంది. జెస్సికి ముత్తైదువులు అందరూ కలిసి సంతోషంగా సీమంతం చేస్తారు. భార్య కోసం భర్త చేసే వేడుక సీమంతం, ఈ కార్యక్రమం భర్త చేతుల మీదుగా జరగాలి, తన కుటుంబానికి మరో తరాన్ని ఇచ్చే భార్యని గొప్పగా సత్కరించడమే సీమంతం అంటే అని జ్ఞానంబ గొప్పగా చెప్తుంది. సీమంతం వేడుక చూసి రామా తన మనసులో కోరిక గురించి తలుచుకుంటాడు. ‘పిల్లలంటే నాకు చాలా ఇష్టం, మీకు కూడా ఇలా వేడుక చేసే రోజు కోసం ఎదురు చూస్తున్నా’ అని రామా మనసులో అనుకుంటాడు.