Gruhalakshmi January 7th: తులసికి భర్తగా మారిన సామ్రాట్- బెనర్జీ బుట్టలో పడిన నందు, లాస్య

లాస్య నిజస్వరూపం బయటపడటంతో సీరియల్ ఇంట్రెస్టింగ్ గా సాగుతోంది. ఈరోజు ఎపిసోడ్లో ఏం జరిగిందంటే..

Image Credit: Disney Plus Hotstar/ Star Maa

బెనర్జీ విషయం తెలిసి తులసి హడావుడిగా నందు, లాస్య దగ్గరకి వస్తుంది. తులసి మాటలు మాత్రం లాస్య పట్టించుకోదు. బెనర్జీ మంచివాడు కాదు మోసగాడు అని అంటుంది కానీ ఆ మాట పడనివ్వడు. మీరైనా అర్థం చేసుకోమని తులసి నందుతో చెప్తుంది. మీరు ప్రమాదంలో పడతారని ఆరాటపడుతున్నా అని అంటుంది.

తులసి: బెనర్జీతో చేతులు కలపడం ఒక తప్పుడు నిర్ణయం అవుతుంది

నందు: అసలు నీతో పెళ్లి ఒక తప్పుడు నిర్ణయం, నా జీవితంలో అంతకమించి మరొక తప్పు ఉండదు. మన పిల్లల విషయంలో నన్ను తక్కువ చెయ్యాలని కదా నువ్వు చూస్తుంది అది జరగనివ్వను. నువ్వొక తియ్యటి విషానివి, నవ్వుతూనే కాటేస్తావ్, నా మీద జాలి చూపిస్తున్నట్టే చూపిస్తూ వెన్నుపోటు పొడుస్తున్నావ్, ఇక్కడ నుంచి వెళ్లిపో

తన మాటలు నమ్మకపోయేసరికి తులసి దిగులుగా ఇంటికి వస్తుంది. మంచి చెప్పినా ఎందుకు వినకుండా మూర్ఖంగా ప్రవర్తిస్తున్నారని తులసి బాధపడుతుంది. దీని గురించే ఎక్కువగా ఆలోచిస్తూ టెన్షన్ పడుతూ కళ్ళు తిరగడంతో కింద పడిపోతుంది. ఇంట్లో ప్రేమ్, అభి, అంకిత, శ్రుతి కలిసి సరదాగా ఆడుకుంటూ ఉంటారు. తులసి కొద్దిగా తెరుకుని ప్రేమ్, అభి కి కాల్ చేస్తుంది కానీ వాళ్ళు లిఫ్ట్ చేయరు. దీంతో నీరసంగానే సామ్రాట్ కి కాల్ చేసి పడిపోతుంది. తులసి కాల్ చేసి మాట్లాడకపోవడంతో సామ్రాట్ టెన్షన్ గా ఇంటికి వస్తాడు. ఫోన్ చేస్తే ఇంట్లోనే రింగ్ అవుతుంది. తలుపు లాక్ చేసి ఉండటంలో కిటికీలో నుంచి కిందపడిపోయిన తులసిని చూసి కంగారుపడతాడు. వెంటనే తలుపు బద్ధలు కొట్టి లోపలికి వచ్చి తులసిని హాస్పిటల్ కి తీసుకుని వెళతాడు.

తులసి హెల్త్ కండిషన్ అసలు బాగలేదని డాక్టర్ చెప్తుంది. బీపీ లెవల్స్ పడిపోయాయి, ఇంజెక్షన్ కి కూడా రెస్పాండ్ కావడం లేదని డాక్టర్ చెప్పడంతో సామ్రాట్ చాలా టెన్షన్ పడతాడు. ట్రీట్మెంట్ స్టార్ చేయాలంటే ఫార్మాలిటీస్ పూర్తి చేయాలంటే సైన్ చేయాలని నర్స్ చెప్తుంది. మీరు ఆమె భర్త కదా సైన్ చెయ్యండి అని చెప్పేసి వెళ్ళిపోతుంది. డైలమాలో పడిన సామ్రాట్ సైన్ చేయడానికి ఆలోచిస్తాడు. తులసి క్షేమంగా ఈ గండం నుంచి బయటపడటం అనుకుని సామ్రాట్ ఫామ్ ఫిల్ చేసి అందులో హజ్బెండ్ అని రాస్తాడు. తులసి ఫోన్ కి దీపక్ ఫోన్ చేయడంతో విషయం చెప్తాడు. దీంతో దీపక్ వాళ్ళు కంగారుగా బయల్దేరతారు.

నందు ఇంట్లో తల్లిదండ్రులని పిలిచి బిజినెస్ స్టార్ చేయాలని అనుకుంటున్నట్టు చెప్తాడు. ఆల్రెడీ ఒకసారి చేసి ఇబ్బంది పడ్డారు కదా అని అంకిత అంటుంది. ఆ మాటకి లాస్య ఒకసారి నీకు కడుపులో బిడ్డ పోయింది అలా అని బిడ్డలే వద్దని అనుకుంటావా ఇంకోసారి ట్రై చెయ్యవా అని అంటుంది. ఆ మాటకి అంకిత చాలా ఫీల్ అవుతుంది.

తరువాయి భాగంలో..

తులసి పరిస్థితి విషమంగా ఉందని డాక్టర్ చెప్తుంది. పరిస్థితి ఇలాగే ఉంటే పేషెంట్ కి పెరాలసిస్ కానీ కోమాలోకి వెళ్ళడం కానీ జరగొచ్చు అని చెప్పడంతో అందరూ షాక్ అవుతారు.