First Day First Show Trailer: ఫస్ట్ డే ఫస్ట్ షో చూడకపోతే చచ్చిపోతారా? పవన్ ఫ్యాన్స్కు పండగలాంటి సినిమా!
'ఫస్ట్ డే ఫస్ట్ షో' సినిమాకి సంబంధించిన ట్రైలర్ ను విడుదల చేశారు.
'జాతి రత్నాలు'తో తెలుగు ప్రేక్షకులను విపరీతంగా నవ్వించిన యువ దర్శకుడు కేవీ అనుదీప్. ఆ సినిమా తర్వాత, ఇప్పుడు తమిళ కథానాయకుడు శివ కార్తికేయన్తో తెలుగు, తమిళ ద్విభాషా చిత్రం చేస్తున్న సంగతి తెలిసిందే. ఇదిలా ఉండగా.. కేవీ అనుదీప్ అందించిన కథతో 'ఫస్ట్ డే ఫస్ట్ షో' (First Day First Show Movie) అనే సినిమా రూపొందుతోంది.
దీనికి ఇద్దరు యువకులు.. వంశీధర్ గౌడ్, లక్ష్మీనారాయణ పి సంయుక్తంగా దర్శకత్వం వహించనున్నారు. 'సిరి సిరి మువ్వ', 'శంకరాభరణం', 'సాగర సంగమం' వంటి చిత్రాలు నిర్మించిన పూర్ణోదయా పిక్చర్స్ ఏడిద నాగేశ్వరరావు వారసులు ఈ సినిమాకు నిర్మాతలు. శ్రీజ ఎంటర్టైన్మెంట్స్, మిత్రవింద మూవీస్ పతాకంపై శ్రీరామ్ ఏడిద సమర్పణలో శ్రీజ ఏడిద ఈ సినిమాను నిర్మించనున్నారు. తాజాగా ఈ సినిమా ట్రైలర్ ను విడుదల చేశారు.
'ఫస్ట్ డే ఫస్ట్ షో చూడకపోతే చస్తార్రా? చచ్చిపోతార్రా?' అన్న తనికెళ్ల భరణి డైలాగ్తో ట్రైలర్ మొదలైంది. కట్ చేస్తే జైల్లో ఉన్న హీరో నేను చస్త సర్, పవన్ కల్యాణ్ సినిమా ఫస్ట్ డే ఫస్ట్ షో చూడకపోతే నేను చచ్చిపోత సర్ అని అంటాడు. పవన్ కళ్యాణ్ వీరాభిమాని అయిన హీరో ఓ అమ్మాయిని ఇష్టపడతాడు. ఆ అమ్మాయి ఖుషి సినిమా ఫస్ట్ డే టికెట్స్ ఇప్పించమని అడుగుతుంది.
కానీ హీరోకి టికెట్స్ అంత ఈజీగా దొరకవు. వాటి కోసం నానా కష్టాలు పడతాడు. ఆ సన్నివేశాలను ఎంటర్టైనింగ్ గా చూపించారు దర్శకులు. పవన్ కల్యాణ్ ఫ్యాన్స్ అసోసియేషన్ ప్రెసిడెంట్ గా వెన్నెల కిషోర్ కనిపించాడు. ట్రైలర్ ని అయితే చాలా ఫన్ వేలో కట్ చేశారు. సినిమా కూడా ఇంతే ఎంటర్టైనింగ్ గా ఉంటుందని చెబుతున్నారు మేకర్లు. త్వరలోనే ఈ సినిమా ప్రేక్షకుల ముందుకు రానుంది.
తనికెళ్ల భరణి హీరో తండ్రిగా నటిస్తే శ్రీకాంత్ రెడ్డి, సంచిత జంటగా నటించారు. ఇతర పాత్రల్లో శ్రీనివాసరెడ్డి మహేష్ ఆచంట, ప్రభాస్ శ్రీను, గంగవ్వ, సివీఎల్ నరసింహారావు, వంశీధర్ గౌడ్, సాయి చరణ్ బొజ్జా నటించారు. 'ఫస్ట్ డే ఫస్ట్ షో'కు కేవీ అనుదీప్ కథ అందించడంతో పాటు కళ్యాణ్, వంశీధర్ గౌడ్ తో కలిసి స్క్రీన్ ప్లే అందించారు. వంశీధర్ గౌడ్, ఆయన మాటలు రాశారు.
Also Read: 'విక్రమ్ వేద' టీజర్ - మక్కీకి మక్కీ దించేశారుగా!
Also Read: 'లైగర్' పరిస్థితి నార్త్ ఇండియాలో ఎలా ఉందంటే?
View this post on Instagram
టాప్ హెడ్ లైన్స్
ట్రెండింగ్ వార్తలు
