Ennenno Janmalabandham June 2nd: మాళవికని ఆనందంగా ఉంచమని యష్ దగ్గర మాట తీసుకున్న వేద

అభిమన్యు మాళవికని గెంటేసి వేరే పెళ్లి చేసుకోవడంతో సీరియల్ ఇంట్రెస్టింగ్ గా సాగుతోంది. ఈరోజు ఎపిసోడ్లో ఏం జరిగిందంటే,,

Image Credit: Disney Plus Hotstar/ Star Maa

యష్ ఆదిత్య గురించి బాధపడతాడు. నేను మాళవికని వదిలేయకుండా సర్దుకుపోవాల్సింది నా కొడుక్కి ఈరోజు ఈ పరిస్థితి వచ్చేది కాదు. చెత్త కుప్ప ముందు కన్నతల్లిని ఓదార్చలేక నా కొడుకు ఎన్ని అవస్థలు పడ్డాడో తలుచుకుంటేనే చాలా బాధగా ఉందని ఎమోషనల్ అవుతాడు. పరిస్థితులు త్వరలోనే చక్కబడతాయని మన కొడుకు ఆదిత్య జీవితం బాగుంటుందని వేద ధైర్యం చెప్తుంది. అటు ఇంట్లో ఆదిత్య గురించి మాలిని కూడా ఆలోచిస్తుంది. ఇప్పుడు మాళవిక బతుకు రోడ్డున పడింది. ఆదిత్య పరిస్థితి ఏంటని రత్నంతో చెప్పి బాధపడుతుంది. దీని గురించి ఎక్కువగా ఆలోచించి మనసు పాడుచేసుకోకని రత్నం సర్ది చెప్తాడు.

మాళవికని తిట్టడానికి యష్ ఆవేశంగా వెళ్తుంటే వేద ఆపుతుంది. గుండెకి గుది బండలా మారే కోరికలు కోరవద్దని యష్ చెప్తాడు. మాళవికని మీరు ఏమి అనొద్దు అంటుంది. ఎందుకు అనకూడదని ఆవేశపడతాడు. అసలు ఏమి అనొద్దని ఎలా అంటున్నావ్ తను ఏం చేసిందో చూశావ్ కదా ఎవడో వదిలేశాడని తాగి చెత్త కుప్ప దగ్గర పడిపోయింది. నా కొడుకు అక్కడే ఉన్నాడు అలాంటి మనిషిని క్షమించమని అడుగుతున్నావా అని అరుస్తాడు. మీ ఆవేశాన్ని అర్థం చేసుకుంటాను కానీ మాళవిక గురించి కూడా ఆలోచించండి. ఆదిత్య గురించి మీరు ఆలోచించినంతగా మాళవిక ఆలోచించదు. అయిన ఆడది ఎప్పుడు ప్రేమని ఆశిస్తుంది. ప్రేమలో ఒడిపోతే బాధపడుతుంది. మాళవిక తన విషయంలో కూడా అలాగే బాధపడింది. అభిమన్యు ప్రేమని ఆశించింది. కానీ వాడు మోసం చేశాడు తన మనసు పాడైందని వేద నచ్చ జెప్పడానికి చూస్తుంది.

అవును మరి తను 16 ఏళ్ల పడుచు తనకోక మనసు కొడుకు గురించి ఆలోచించాలి కదా? డబ్బు కోసం ఆలోచించి వాడి దగ్గరకి వెళ్ళిందని యష్ సీరియస్ అవుతాడు. ఇప్పుడు మీరు మాళవికని బాధపెడితే ఆ ఎఫెక్ట్ ఆదిత్య మీద పడుతుంది. తను ఆనందంగా ఉండాలంటే మాళవిక ఆనందంగా ఉండాలని వేద అంటుంది. మాళవికని ఏమి అనొద్దని యష్ దగ్గర వేద మాట తీసుకుంటుంది. ఖైలాష్ ఎంట్రీ ఇస్తాడు. జరిగింది మొత్తం విన్నాను సూపర్ బ్రో అంటూ భజన మొదలుపెడతాడు. ఎవరు అతను అని నీలాంబరి అడుగుతుంది. శత్రువుకి కావాల్సిన వాడని అభి చెప్తాడు. బెయిల్ వచ్చింది మాళవిక పోయింది ఒకే దెబ్బకి రెండు పిట్టలు అందుకే నీలుని పెళ్లి చేసుకున్నాను. ఇప్పుడు ఆ మాళవిక యష్ ఇంట్లో ఉంది. నీతో ఉండలేదు కాబట్టి ఇక యష్ కి పెళ్ళాంగా ఉండాలని అనుకుంటుంది. ఇక నారీ నారీ నడుమ మురారీ అయి నలిగిపోతాడని సంబరపడతారు.

యష్ గదిలో మాళవిక పడుకుని ఉండేసరికి ఇక నేనెక్కడ పడుకోవాలని అంటాడు. వేద సరే అని చెప్పి భర్త కోపం పోగొట్టేందుకు ట్రై చేస్తుంది. ఇద్దరూ కాసేపు రొమాన్స్ లోకి దిగిపోతారు. అప్పుడే ఆదిత్య వచ్చి భయంగా ఉందని మమ్మీ దగ్గర పడుకుంటానని చెప్తాడు. వేద తీసుకెళ్ళి తన దగ్గర పడుకోబెడుతుంది.