Prasanth Varma: సింబా వచ్చేస్తున్నాడు- ఆడియెన్స్ కు క్రేజీ అప్ డేట్ ఇచ్చిన ప్రశాంత్ వర్మ

యంగ్ డైరెక్టర్ ప్రశాంత్ వర్మ క్రేజీ అప్ డేట్ ఇచ్చారు. #PVUC2కు సంబంధించిన కీలక విషయాలు రేపు వెల్లడించనున్నట్లు తెలిపారు. ఈ మేరకు ‘సింబా ఈజ్ కమింగ్’ అంటూ పోస్టర్ ను షేర్ చేశారు.

#PVUC2కు సంబంధించిన క్రేజీ అప్ డేట్ ఇచ్చిన ప్రశాంత్ వర్మ

Source : Prasanth Varma/Instagram

Prasanth Varma Hints PVCU2: ‘హనుమాన్’ సినిమాతో దేశ వ్యాప్తంగా అద్భుత విజయాన్ని అందుకున్న దర్శకుడు ప్రశాంత్ వర్మ.. మరో అదిరిపోయే అప్ డేట్ ఇచ్చారు. ప్రశాంత్ వర్మ సినిమాటిక్ యూనివర్స్ నుంచి రాబోతున్న రెండో సినిమాకు సంబంధించి రేపు కీలక విషయాలు వెల్లడించనున్నట్లు తెలిపారు. ఈ మేరకు స్పెషల్ పోస్టర్ షేర్ చేశారు.

ప్రశాంత్ వర్మ చెప్పేది మోక్షజ్ఞ సినిమా గురించేనా?

గత కొంతకాలంగా నందమూరి బాలయ్య తనయుడు మోక్షజ్ఞ ఇండస్ట్రీలోకి ఎంట్రీ ఇవ్వబోతున్నట్లు వార్తలు వస్తున్నాయి. అతడి డెబ్యూ మూవీకి ప్రశాంత్ వర్మ దర్శకత్వం వహించనున్నట్లు టాక్ వినిపిస్తోంది. రేపు(సెప్టెంబర్ 6) మోక్షజ్ఞ బర్త్ డే. ఈ సందర్భంగా ఆయన సినిమాకు సంబంధించి కీలక ప్రకటన వచ్చే అవకాశం ఉన్నట్లు ప్రచారం జరుగుతోంది. ఈ నేపథ్యంలోనే ప్రశాంత్ వర్మ షేర్ చేసిన పోస్టర్ నందమూరి అభిమానులలో ఆసక్తిరేపుతున్నది. సినీ అభిమానులు సైతం ఈ మూవీ వివరాల కోసం ఎదురుచూస్తున్నారు.  

‘సింబా ఈజ్ కమింగ్’ అంటూ స్పెషల్ పోస్టర్ రిలీజ్..

గత కొద్ది రోజులుగా మోక్షజ్ఞ సినిమాకు సంబంధించి ప్రచారం జరుగుతున్న నేపథ్యంలో వాటికి అనుగుణంగానే ప్రశాంత్ వర్మ సోషల్ మీడియాలో అప్ డేట్స్ ఇస్తూ వస్తున్నారు.  రెండు రోజుల క్రితం ఒక సింహం తన బిడ్డను పైకెత్తి పట్టుకున్న ఫోటోను షేర్ చేసి ‘నా యూనివర్స్‌ నుంచి త్వరలో కొత్త వెలుగు రానుంది’ అని క్యాప్షన్ పెట్టారు. దానికి ‘సింబా ఈజ్‌ కమింగ్‌’ అనే హ్యాష్‌ ట్యాగ్‌ జోడించారు. తాజాగా ఆయన పెట్టిన మరో పోస్టు నందమూరి అభిమానులలో కొత్త జోష్ తీసుకొచ్చింది. ‘లెగసీని ముందుకుతీసుకెళ్లే అద్భుత క్షణం’ అంటూ మరో పోస్టర్ ను  షేర్ చేశారు. రేపు ఉదయం 10.36 గంటలకు #PVUC నుంచి రాబోతున్న రెండో సినిమాకు సంబంధించిన వివరాలను వెల్లడించనున్నట్లు తెలిపారు. ఈ నేపథ్యంలో ఆయన చెప్పబోయే వివరాలు ఏంటి? అని ప్రేక్షకులు ఆసక్తిగా ఎదురుచూస్తున్నారు.     

 

 

 

 

 

View this post on Instagram

 

 

 

 

 

 

 

 

 

 

 

A post shared by Prasanth Varma (@prasanthvarmaofficial)

#PVCU కోసం రెడీ అవుతున్న 20 స్క్రిఫ్టులు

అటు #PVUC కోసం 20 స్క్రిఫ్టులు రెడీ అవుతున్నాయని ప్రశాంత్ వర్మ గతంలో వెల్లడించారు. తొలి భాగంలో ఆరుగురు సూపర్ హీరోల సినిమాలు తీస్తానన్నారు. అంతేకాదు, ఏడాదికి ఒక సినిమా రిలీజ్ చేయనున్నట్లు చెప్పారు. ‘హనుమాన్’ సీక్వెల్ ‘జై హనుమాన్’ కంటే ముందుకు ‘అధీర’, ‘మహాకాళి’ రెడీగా ఉన్నట్లు తెలిపారు. ఈ రెండు సినిమాల్లో మోక్షజ్ఞ కనిపించే అవకాశం ఉన్నట్లు ఇండస్ట్రీలో టాక్ వినిపిస్తోంది.

‘జై హనుమాన్’ పనుల్లో ప్రశాంత్ వర్మ బిజీ

ప్రస్తుతం ప్రశాంత వర్మ ‘హనుమాన్’ సినిమాకు సీక్వెల్ గా రానున్న ‘జై హనుమాన్’ ప్రీ ప్రొడక్షన్ పనుల్లో బిజీగా ఉన్నారు. ‘హనుమాన్’ కంటే  ఈ సినిమా మరిన్ని రెట్లు అద్భుతంగా ఉంటుందని ప్రశాంత్ వర్మ గతంలోనే వెల్లడించారు. ఈ సినిమా 2025లో ప్రేక్షకుల ముందుకు వచ్చే అవకాశం ఉంది.