Jawan 2: బ్లాక్ బస్టర్ ‘జవాన్‘కు సీక్వెల్ - అదిరిపోయే హింట్ ఇచ్చిన అట్లీ

షారుఖ్ ఖాన్, అట్లీ కాంబోలో వచ్చిన బ్లాక్ బస్టర్ మూవీ ‘జవాన్‘. ఈ మూవీకి సీక్వెల్ రాబోతున్నట్లు చాలా రోజులు వార్తలు వినిపిస్తున్నాయి. తాజాగా ఈ మూవీ సీక్వెల్ పై దర్శకుడు అట్లీ కీలక హింట్ ఇచ్చారు.

అట్లీ, షారుఖ్(Photos Credit: X)

Atlee About Jawan Movie Sequel: బాలీవుడ్ బాద్ షా షారుఖ్ ఖాన్ నటించిన బ్లాక్ బస్టర్ హిట్ మూవీ ‘జవాన్’. గత ఏడాది విడుదల అయిన ఈ మూవీ బ్లాక్సాఫీస్ దగ్గర వసూళ్ల వర్షం కురిపించింది. తమిళ దర్శకుడు అట్లీ తెరకెక్కించిన ఈ ప్రతిష్టాత్మక చిత్రం రూ. 1100 కోట్లు వసూళు చేసింది. ఈ చిత్రాన్ని రెడ్ చిల్లీస్ ఎంటర్‌ టైన్‌మెంట్స్ బ్యానర్‌ పై షారుఖ్ సతీమణి గౌరీ ఖాన్ నిర్మించారు. ఇందులో నయనతార, విజయ్ సేతుపతి, ప్రియమణి లాంటి స్టార్ యాక్టర్లు ప్రముఖులు కీలక పాత్రలు చేశారు. దీపిక పదుకొనే, సంజయ్ దత్ గెస్ట్ రోల్స్ చేశారు. అనిరుధ్ రవిచందర్ అదిరిపోయే మ్యూజిక్ అందించారు. 

‘జవాన్’ సీక్వెల్ పై అట్లీ హింట్

‘జవాన్‘ విడుదలైనప్పటి నుంచి ఈ సినిమాకు సీక్వెల్ రాబోతున్నట్లు ఊహాగానాలు వినిపించాయి. దర్శకుడు అట్లీ కూడా ఈ సినిమాకు సీక్వెల్ గురించి చాలా సార్లు మాట్లాడారు.  తాజాగా ఆయన ఇచ్చిన ఓ హింట్ తో కచ్చితంగా ‘జవాన్‘ సీక్వెల్ రాబోతున్నట్లు అర్థం అవుతోంది. “’జవాన్’ సీక్వెల్ గురించి ఇప్పుడే నేను ఏం చెప్పలేను. కానీ, కచ్చితంగా ఓ సర్ ప్రైజ్ తో వస్తాను. సీక్వెల్ కు అవకాశం ఉన్న నేపథ్యంలో ఆ దిశగా ప్రయత్నాలు కొనసాగుతాయి” అని చెప్పారు. అటు షారుఖ్ ఖాన్ తో కలిసి పని చేయడం ఎప్పటికీ మర్చిపోలేనని చెప్పారు. “షారుఖ్ ఖాన్ తో కలిసి పని చేయడం చాలా బాగుంది. ఆయన చాలా జోవియల్ గా ఉంటారు. వర్క్ తో పాటు టైమ్ మెయింటెనెన్స్ చేయడంలో ముందుంటారు. ఇకపై కూడా ఆయనతో కచ్చితంగా పని చేస్తాను. ఎప్పుడు? ఎలా? అనే షారుఖ్ చేతిలోనే ఉంది” అని వెల్లడించారు.  

Atlee hinted about Jawan 2, saying, 'I will come with surprise' ❤@iamsrk @Atlee_dir #ShahRukhKhan #SRK #KingKhan #Jawanpic.twitter.com/ST8MH9ktnT

— Shah Rukh Khan Universe Fan Club (@SRKUniverse) March 21, 2024

వరుస సినిమాలతో అట్లీ బిజీ

ప్రస్తుతం దర్శకుడు అట్లీ బాలీవుడ్ లో వరుణ్ ధావన్‌తో కలిసి 'VD 18' అనే సినిమా చేస్తున్నారు. మురాద్ ఖేతానీ ఈ సినిమాకు దర్శకత్వం వహిస్తున్నారు. సౌత్ స్టార్ హీరోయిన్ కీర్తి సురేష్ ఈ మూవీలో హీరోయిన్ గా నటిస్తోంది. ఈ చిత్రంతోనే ఆమె బాలీవుడ్ లోకి అడుగు పెడుతుంది. వామికా గబ్బి ఇందులో కీలక పాత్ర పోషిస్తోంది. అటు అల్లు అర్జున్ తో కూడా అట్లీ ఓ సినిమా చేయబోతున్నారు. బన్నీ పుట్టిన రోజు సందర్భంగా ఈ సినిమాకు సంబంధించి ఓ క్లారిటీ వచ్చే అవకాశం ఉంటుంది.

షారుఖ్ ఖాన్ వరుస పరాజయాల తర్వాత 2023లో ‘పఠాన్’ సినిమాతో బ్లాక్ బస్టర్ హిట్ అందుకున్నారు. ఈ సినిమా తర్వాత వచ్చిన ‘జవాన్’ కనీవినీ విజయాన్ని అందుకుంది. 2023లో ఇండియన్ ఫిల్మ్ ఇండస్ట్రీలో టాప్ గ్రాసర్‌గా నిలిచింది. సౌత్ నటులు ఎక్కువగా ఉండటంతో తెలుగు, తమిళంలో ఈ సినిమా అద్భుత విజయాన్ని అందుకుంది. సౌత్‍లోనూ ఈ సినిమా కలెక్షన్లు భారీగా నమోదయ్యాయి. ఈ చిత్రంలో సాన్య మల్హోత్రా, సునీల్ గ్రోవర్, యోగిబాబు తదితరులు కీలక పాత్రలు చేశారు.