అన్వేషించండి

'Republic' Movie Update: 'ఎ ట్రిబ్యూట్ టు ద సోల్జర్స్ అన్న దేవకట్టా'... సోషల్ మీడియాలో సందడి చేస్తున్న 'రిపబ్లిక్ ' మేకింగ్ విజువల్స్

అక్టోబరు 1న విడుదల కానున్న రిపబ్లిక్ మూవీ మేకింగ్ విజువల్స్ సోషల్ మీడియాలో సందడి చేస్తున్నాయి.

By : ABP Desam | Edited By: RamaLakshmibai | Updated at : 27 Sep 2021 01:52 PM (IST)

Republic Movie

సుప్రీమ్ హీరో సాయిధరమ్ తేజ్ హీరోగా న‌టించిన పొలిటికల్ థ్రిల్ల‌ర్ ‘రిప‌బ్లిక్‌’. దేవ క‌ట్టా ద‌ర్శ‌కుడిగా జీ స్టూడియోస్‌ సమర్పణలో జె.బి.ఎంటర్‌టైన్‌మెంట్‌ పతాకంపై జె.భగవాన్, జె.పుల్లారావు ఈ చిత్రాన్ని నిర్మించారు. ‘రిప‌బ్లిక్‌’ గాంధీ జ‌యంతి సంద‌ర్భంగా అక్టోబ‌ర్ 1న విడుద‌ల‌వుతుంది. తాజాగా ఈ సినిమాకు సంబంధించి మొత్తం టీమ్ తరపున 'సైనికులకు నివాళి' అంటూ దర్శకుడు దేవ కట్టా ట్వీట్ చేశాడు.

A Tribute to the soldiers of #REPUBLIC ; the entire #Republic team!https://t.co/azwwWyiMxN @IamSaiDharamTej @aishu_dil @devakatta #ManiSharma @bkrsatish @JBEnt_Offl @ZeeStudios_ pic.twitter.com/xu1T7iTYjP
— dev katta (@devakatta) September 27, 2021

ఈ సినిమాకు సంబంధించి విడుదల చేసిన మేకింగ్ విజువల్స్ కూడా సోషల్ మీడియాలో ట్రెండ్ అవుతున్నాయి. పవర్ స్టార్ పవన్ కళ్యాణ్ సినిమా పూజ వేడుకలో పాల్గొనడంతో వీడియో ప్రారంభమైంది. ఈ చిత్రానికి సంగీతం మణిశర్మ. ఐశ్వర్యా రాజేశ్ హీరోయిన్ గా నటించిన ఈ సినిమాలో జగపతిబాబు, రమ్యకృష్ణ ముఖ్యపాత్రలు పోషించారు.

రీసెంట్‌గా పవన్ కళ్యాణ్ ముఖ్య అతిధిగా గ్రాండ్ ప్రీ రిలీజ్ ఈవెంట్ నిర్వహించింది. ప్రమోషన్స్‌లో భాగంగా తాజాగా ఓ ఇంటర్వ్యూలో పాల్గొన్న హీరోయిన్ ఐశ్వర్య రాజేష్ చాలా విషయాలు చెప్పుకొచ్చింది. వాస్తవ సంఘటనల్ని తీసుకుని దేవకట్టా తనదైన మార్క్ చూపించారని.. ఓ బలమైన కథని అందరికీ అర్థమయ్యేలా రూపొందించారంది. అనుకున్నది అనుకున్నట్టుగా తెరపైకి తీసుకొచ్చేందుకు దేవకట్టా ఎంతో శ్రమిస్తారంది. ఈ సినిమాకోసం సాయిధరమ్‌ తేజ్ చాలా కష్టపడ్డాడని చెప్పుకొచ్చిన ఐశ్వర్యా రాజేశ్ కలెక్టరు పాత్రలో ఒదిగిపోయాడని..చిన్నపిల్లాడిలా పెన్ను పేపర్‌ పట్టుకుని సంభాషణలు ప్రాక్టీస్‌ చేశాడంది. కోర్టు బ్యాక్ డ్రాప్ లో సాగే సన్నివేశాల్ని సింగిల్ టేక్ సాయి ధరమ్ తేజ్ పూర్తిచేయడం చూసి చిత్ర బృందం అంతా ఆశ్చర్యపోయామంది ఐశ్వర్యా రాజేశ్.