నిర్మాతగా మారిన దీప్తి సునయన - ‘ఏమోనే’తో వస్తున్న బిబీ బ్యూ
యూట్యూబ్ స్టార్ దీప్తి సునయన నుంచి ఓ కొత్త వీడియో సాంగ్ రాబోతోంది. ‘ఏమోనే’ అంటూ సాగే ఈ ఇండిపెండెంట్ మ్యూజిక్ వీడియో సాంగ్ కు సంబంధించిన లేటెస్ట్ అప్డేట్ ను రివీల్ చేసిందీ బ్యూటీ.
యూట్యూబ్ స్టార్, మాజీ బిగ్ బాస్ కంటెస్టెంట్ దీప్తి సునయన గురించి పెద్దగా పరిచయం చేయాల్సిన అవసరం లేదు. సోషల్ మీడియా వాడుతున్న ప్రతీ ఒక్కరికీ ఈ బ్యూటీ గురించి తెలిసే ఉంటుంది. కెరీర్ ప్రారంభంలో టిక్ టాక్ వీడియోలు, డబ్ స్మాష్ వీడియోలతో ఆకట్టుకున్న ఈ భామ తర్వాత షార్ట్ ఫిల్మ్ లలో కూడా నటించింది. కొన్ని కవర్ సాంగ్స్ కూడా చేసింది. తన అందం అభినయం తో సోషల్ మీడియాలో విపరీతమైన ఫాలోయింగ్ ను పెంచుకుంది. తాజాగా దీప్తి మరో కొత్త వీడియో సాంగ్ తో మళ్లీ రాబోతోంది. ‘ఏమోనే’ అనే కొత్త ఇండిపెండెంట్ మ్యూజిక్ వీడియోతో మ్యాజిక్ చేయడానికి సిద్దమవుతోంది సునయన. దానికి సంబంధించిన ఓ లేటెస్ట్ అప్డేట్ ను తన సోషల్ మీడియా ఖాతా ద్వారా రివీల్ చేసింది.
ఈ ‘ఏమోనే’ పాట టీజర్ ను జనవరి 3న విడుదల చేస్తున్నట్టు ప్రకటిచిందీ బ్యూటీ. దానితో పాటు సాంగ్ కు సంబంధించిన చిన్న ప్రోమో ను కూడా రిలీజ్ చేసింది. ప్రోమో కూల్ మ్యూజిక్ తో ఆకట్టుకునేలా ఉండటంతో ‘ఏమోనే’ పాటపై ఆసక్తి నెలకొంది. ఇందులో దీప్తి సునయన, విశాల్ జంటగా కనిపించనున్నారు. ఈ పాటకు దర్శకత్వం డీఓపీగా వినయ్ షన్ముఖ్ చేస్తున్నాడు. విజయ్ బల్గానిన్ సంగీతం అందిస్తున్నాడు. ఈ వీడియో సాంగ్‌తో దీప్తి సునైనా నిర్మాతగా కూడా మారుతోంది. మాకా సంపత్ కుమార్‌తో కలిసి ఆమె నిర్మాణ బాధ్యతలు తీసుకుంది.
ఇప్పటి వరకూ కేవలం నటనకే పరిమితమైన ఈ బ్యూటీ కొత్త సంవత్సరంలో నిర్మాతగా తన లక్ పరీక్షించుకోడానికి సిద్ధంగా ఉంది. ఇప్పటి వరకూ దీప్తి సునయన చాలా కవర్ సాంగ్ లలో కనిపించింది. తన గ్లామర్ తో లక్షలాది మంది ఫాలోవర్స్ ను సొంతం చేసుకుంది. ఆమె కనిపించిన ప్రతీ పాటకూ మిలియన్స్ లో వ్యూస్ వస్తున్నాయి. కుర్రకారులో ఈమెకు ఎక్కడాలేని క్రేజ్ ఉంది.
View this post on Instagram
సినిమాల మీద ఇంట్రస్ట్ తో చదువుకుంటున్న రోజుల నుంచే తన టాలెంట్ ను ప్రూవ్ చేసుకుంటూ వస్తోంది దీప్తి. వరుసగా వీడియోలు, గ్లామర్ ఫోటో షూట్ లతో అందర్నీ ఆకట్టుకుంది. అయితే ఇప్పటి వరకూ ఈ బ్యూటీకు సరైన సినిమా అవకాశాలు ఏమీ రాలేదు. అయినా తన పని తాను చేసుకుంటూ రీల్స్, ఫోటో షూట్ లు, షార్ట్ ఫిల్మ్, కవర్ సాంగ్స్ లతో దూసుకుపోతోంది. గతంలో దీప్తి యూట్యూబర్ షణ్ముఖ్ తో ప్రేమలో ఉన్నట్టు సోషల్ మీడియాలో వార్తలు విపరీతంగా వచ్చాయి. అందుకు తగ్గట్టుగా వీరు కూడా ప్రైవేటు పార్టీలలో కలసి కనిపించేవారు. దీంతో వీరిద్దరూ ప్రేమలో ఉన్నారని, త్వరలోనే పెళ్లి చేసుకోబోతున్నారని వార్తలు వచ్చాయి. అయితే షణ్ముఖ్ బిగ్ బాస్ లో కి ఎంట్రీ ఇచ్చిన తర్వాత నుంచీ వీరిద్దరి మధ్య గ్యాప్ పెరిగి, తర్వాత బ్రేకప్ చెప్పుకున్నారు. అయితే ప్రస్తుతానికి అటు షణ్ముఖ్ ఇటు దీప్తి ఎవరి ఫ్రొఫెషన్ లో వారు బిజీ బిజీగా గడుపుతున్నారు.
టాప్ హెడ్ లైన్స్
ట్రెండింగ్ వార్తలు
