అన్వేషించండి

Deepika Padukone: మిడిల్ ఫింగర్ చూపించిన దీపికా, ఫొటో వైరల్

స్పెయిన్ లో బహిర్గత ప్రాంతంలో షూటింగ్ జరగడంతో.. అక్కడ మీడియా దీపికా పదుకోన్ ఫొటోలను క్లిక్ మనిపించింది.

By : ABP Desam | Updated at : 22 Mar 2022 02:44 PM (IST)

మిడిల్ ఫింగర్ చూపించిన దీపికా

బాలీవుడ్ స్టార్ హీరోయిన్ దీపికా పదుకోన్ పెళ్లి తరువాత కూడా హీరోయిన్ గా వరుస అవకాశాలను అందుకుంటుంది. ప్రస్తుతం ఈ బ్యూటీ షారుఖ్ ఖాన్ హీరోగా తెరకెక్కుతోన్న 'పఠాన్' సినిమాలో నటిస్తోంది. ఈ సినిమా షూటింగ్ ప్రస్తుతం స్పెయిన్ లో జరుగుతోంది. అక్కడ దీపికా, షారుఖ్ లకు సంబంధించిన కీలక సన్నివేశాలను చిత్రీకరిస్తున్నారు. ఇటీవల ఈ సినిమా షూటింగ్ కి సంబంధించిన కొన్ని ఫొటోలు లీకైన సంగతి తెలిసిందే.

స్పెయిన్ లో బహిర్గత ప్రాంతంలో షూటింగ్ జరగడంతో.. అక్కడ మీడియా దీపికా పదుకోన్ ఫొటోలను క్లిక్ మనిపించింది. అందులో దీపికా బికినీ వేసుకొని కనిపించింది. ఆమె లుక్ చాలా హాట్ గా ఉండడంతో నిమిషాల్లో ఫొటోలు వైరల్ అయిపోయాయి. దీంతో దీపికా హర్ట్ అయినట్లు ఉంది. ఈ ఫొటోలు లీకైన మరుసటి రోజు షూటింగ్ స్పాట్ కి వచ్చిన మీడియాపై దీపికా ఫైర్ అయిందట. మిడిల్ ఫింగర్ చూపిస్తూ.. తన కోపాన్ని వెళ్లగక్కినట్లు తెలుస్తోంది.

ప్రస్తుతం దీనికి సంబంధించిన ఫొటోలు సోషల్ మీడియాలో వైరల్ అవుతున్నాయి. దీపికా మిడిల్ ఫింగర్ చూపిస్తున్నప్పుడు షారుఖ్ పక్కనే ఉన్నారు. అయితే దీపికా చేసిన పనికి నెటిజన్లు ఆగ్రహం వ్యక్తం చేస్తున్నారు. సినిమా సెట్ నుంచి ఫొటోస్ లీక్ అవ్వడం కామన్ అని దానికి ఇంతలా రెచ్చిపోవాలా..? అంటూ కామెంట్స్ చేస్తున్నారు. మరి నిజంగానే దీపికా మీడియాకు మిడిల్ ఫింగర్ చూపించిందా? లేక షూటింగ్ లో భాగంగా అలా చేసిందా..? అనేది తెలియాల్సివుంది.