Jana Nayagan : విజయ్ జన నాయగన్ రిలీజ్ డేట్ - ప్రొడ్యూసర్ రియాక్షన్
Jana Nayagan Release Date : దళపతి విజయ్ జన నాయగన్ రిలీజ్‌పై ప్రొడ్యూసర్ వెంకట్ కె నారాయణ రియాక్ట్ అయ్యారు. త్వరలోనే సమస్య పరిష్కరించి మూవీ రిలీజ్ చేస్తామన్నారు.
Thalapathy Vijay's Jana Nayagan Release Update : జన నాయగన్... కోలీవుడ్ స్టార్, దళపతి విజయ్ లాస్ట్ మూవీ. సంక్రాంతికే రిలీజ్ కావాల్సిన మూవీ సెన్సార్ క్లియరెన్స్ కారణాలతో వాయిదా పడిన సంగతి తెలిసిందే. తమిళనాడు సీఎంగా ఆయన బాధ్యతలు స్వీకరించిన తర్వాత ఈ మూవీ రిలీజ్ అవుతుందని అంతా భావించారు. అయితే, ఇంకా రిలీజ్ డేట్‌పై ఎలాంటి అనౌన్స్‌మెంట్ రాలేదు. తాజాగా దీనిపై నిర్మాత వెంకట్ కె నారాయణ రియాక్ట్ అయ్యారు.
రిలీజ్ ఎప్పుడంటే?
సెన్సార్ రివ్యూ కమిటీ ఈ మూవీని చూసి సర్టిఫికెట్ ఇవ్వాల్సి ఉండగా ఆ ప్రాసెస్ ఇంకా పూర్తి కాలేదని చెప్పారు వెంకట్ కె నారాయణ. 'ఇది జన నాయగన్ మూవీ గురించి మాట్లాడే ప్లేస్ కాదు. నేను ఆలయానికి వచ్చా. మేము సెన్సార్ సర్టిఫికెట్ కోసం వెయిట్ చేస్తున్నాం. వారు త్వరలోనే ఇస్తారనే నమ్మకం మాకుంది. త్వరలోనే సమస్య పరిష్కరించి మూవీని ప్రేక్షకుల ముందుకు తీసుకొస్తాం. సర్టిఫికెట్ అందిన వెంటనే రిలీజ్ డేట్ అనౌన్స్ చేస్తాం.' అని చెప్పారు.
Also Read : అమ్మాయిల తల నరికి బలిచ్చే సైకో కిల్లర్ - గుండె ధైర్యం ఉంటేనే ఈ మూవీ చూడండి
వరుస షాక్స్
ఓ వైపు సెన్సార్ వివాదం కంటిన్యూ అవుతుండగానే మరోవైపు ఆన్ లైన్‌లో మూవీ HD ప్రింట్ లీక్ కావడం ఆందోళన కలిగించింది. తమిళనాడు ఎన్నికలకు ముందు లోకల్ ఛానల్‌లోనూ మూవీని కొందరు టెలికాస్ట్ చేశారు. పైరసీపై చిత్ర నిర్మాణ సంస్థ పోలీసులను ఆశ్రయించింది. ఈ కేసులో పైరసీకి కారణమైన వారిని పోలీసులు అరెస్ట్ చేశారు.
రిలీజ్‌కు ముందే ఆన్‌లైన్‌లో సినిమా లీక్ కావడంపై అటు టాలీవుడ్ పెద్దల నుంచి కోలీవుడ్ పెద్దల వరకూ అందరూ ఆందోళన వ్యక్తం చేశారు. మెగాస్టార్ చిరంజీవి దగ్గర నుంచీ యంగ్ హీరోస్ వరకూ అందరూ మేకర్స్‌కు అండగా నిలిచారు. పైరసీ పట్ల కఠిన చర్యలు తీసుకోవాలని కోరారు. ఎన్నికల ఫలితాల తర్వాత సినిమా రిలీజ్ అవుతుందని ఫ్యాన్స్ అంతా భావించారు. అయితే, ఇంకా ఎలాంటి అప్డేట్ రాకపోవడంతో నిరాశ చెందుతున్నారు. త్వరలోనే మూవీ రిలీజ్ డేట్ అనౌన్స్ చేసే ఛాన్స్ ఉంది. దళపతి విజయ్ లాస్ట్ మూవీ కావడంతో భారీ హైప్ నెలకొంది.
Also Read : ఓటీటీలోకి లెజెండ్ శరవణన్ లీడర్ - ఎప్పుడు, ఎందులో స్ట్రీమింగ్ అంటే?
ఈ మూవీకి హెచ్ వినోద్ దర్శకత్వం వహించగా... విజయ్ సరసన పూజా హెగ్డే హీరోయిన్‌గా నటించారు. అలాగే, మమితా బైజు, ప్రకాష్ రాజ్, ప్రియమణి, బాబీ డియోల్, గౌతమ్ మీనన్ తదితరులు కీలకపాత్రలు పోషించారు. KVN ప్రొడక్షన్స్ బ్యానర్‌పై వెంకట్ కె నారాయణ మూవీని నిర్మించారు. రీసెంట్‌గా కోలీవుడ్ సూర్య హీరోగా నటించిన కరుప్పు రిలీజై సంచలన విజయం సాధించింది. ఒకవేళ జన నాయగన్ రిలీజ్ డేట్ త్వరలోనే అనౌన్స్ చేస్తే... సీఎంగా విజయ్ బాధ్యతలు స్వీకరించిన తర్వాత రిలీజయ్యే రెండో మూవీ ఇదే కానుంది.
టాప్ హెడ్ లైన్స్
ట్రెండింగ్ వార్తలు
