Kushi First Single : విజయ్ దేవరకొండ బర్త్‌డే గిఫ్ట్ - 'ఖుషి'లో తొలి పాట వచ్చేసిందోచ్!

Vijay Devarakonda's Kushi First Song : విజయ్ దేవరకొండ, సమంత జంటగా నటిస్తున్న 'ఖుషి'లో తొలి పాట 'నా రోజా నువ్వే...'ను ఈ రోజు విడుదల చేశారు.

'ఖుషి'లో విజయ్ దేవరకొండ, సమంత 

రౌడీ బాయ్, పాన్ ఇండియా స్టార్ విజయ్ దేవరకొండ (Vijay Devarakonda) హీరోగా నటిస్తున్న తాజా సినిమా 'ఖుషి' (Kushi Movie). ఇందులో సమంత రూత్ ప్రభు (Samantha Ruth Prabhu) హీరోయిన్. ఈ చిత్రానికి శివ నిర్వాణ (Shiva Nirvana) దర్శకత్వం వహిస్తున్నారు. మైత్రీ మూవీ మేకర్స్ పతాకంపై నవీన్ యేర్నేని, రవిశంకర్ యలమంచిలి నిర్మిస్తున్నారు.

దేవరకొండ పుట్టినరోజు బహుమతిగా...
ఈ రోజు విజయ్ దేవరకొండ పుట్టినరోజు (Vijay Devarakonda Birthday). ఆయన అభిమానులకు కానుకగా ఈ రోజు 'ఖుషి'లో తొలి పాట 'నా రోజా నువ్వే...'ను విడుదల చేశారు. ప్రేమకథగా 'ఖుషి' సినిమా రూపొందుతోంది. మొత్తం ఐదు భాషల్లో ఈ  పాటను విడుదల చేశారు. ఈ సందర్భంగా విడుదల చేసిన స్టిల్ చూస్తే... కశ్మీరీ ముస్లిం యువతిగా సమంత నటిస్తున్నట్లు అర్థం అవుతోంది. 

'నా రోజా నువ్వే...'కు తెలుగు సాహిత్యాన్ని దర్శకుడు శివ నిర్వాణ అందించడం విశేషం. ఈ పాటను సంగీత దర్శకుడు హేషామ్ అబ్దుల్ వాహాబ్ పాడారు.

పాన్ ఇండియా సినిమాగా 'ఖుషి'ని తెరకెక్కిస్తున్నారు. తెలుగుతో పాటు తమిళ, కన్నడ, మలయాళ, హిందీ భాషల్లో సినిమా విడుదల కానుంది. పాటను కూడా ఈ ఐదు భాషల్లో ప్రేక్షకుల ముందుకు తీసుకు వస్తున్నారు. సెప్టెంబర్ 1న ప్రపంచ వ్యాప్తంగా 'ఖుషి' సినిమాను విడుదల చేయనున్నట్లు ఆల్రెడీ అనౌన్స్ చేశారు.  

సరిగమ చేతికి 'ఖుషి' ఆడియో రైట్స్!
'ఖుషి'కి హేషామ్ అబ్దుల్ వాహాబ్ (Hesham Abdul Wahab) సంగీత దర్శకుడు. మలయాళంలో ఆయనకు మంచి పేరు ఉంది. సూపర్ హిట్ 'హృదయం' పాటలకు తెలుగులో కూడా అభిమానులు ఉన్నారు. 'ఖుషి'కి ఆయన సంగీతం అందిస్తున్నారని తెలిసినప్పటి నుంచి... క్రేజ్ నెలకొంది. దానికి తోడు 'ఖుషి' టైటిల్, విజయ్ దేవరకొండ స్టార్ డమ్ తోడు కావడంతో ఫ్యాన్సీ రేటుకు సినిమా ఆడియో రైట్స్ సరిగమ కంపెనీ సొంతం చేసుకుంది.

'ఖుషి'లో ఐటీ ఉద్యోగిగా సమంత!
సమంత పుట్టినరోజు కానుకగా 'ఖుషి' నుంచి చిత్ర బృందం ఓ స్టిల్ విడుదల చేసింది. అందులో ఆమెను చూస్తే... ఐటీ ఉద్యోగి పాత్ర చేస్తున్నారని ఈజీగా చెప్పవచ్చు. కశ్మీరీ యువతి ఐటీ ఉద్యోగి కావడం వెనుక ఏమైనా ట్విస్ట్ ఉందా? లేదా? అనేది సినిమా వస్తే గానీ తెలియదు. విశేషం ఏమిటంటే... ఆ స్టిల్ చూశాక, చాలా మందికి తెలుగులో సమంత తొలి సినిమా 'ఏ మాయ చేసావె' గుర్తుకు వస్తోంది.

 

 

 

 

 

View this post on Instagram

 

 

 

 

 

 

 

 

 

 

 

A post shared by Saregama Telugu (@saregamatelugu)

'ఏ మాయ చేసావె'లో సమంత ఐటీ ఉద్యోగి పాత్రలో కనిపించారు. ఆ తర్వాత 'ఎటో వెళ్ళిపోయింది మనసు', 'జనతా గ్యారేజ్' చిత్రాల్లో ఉద్యోగిగా కనిపించారు. అయితే, 'ఏ మాయ చేసావె' తర్వాత మళ్ళీ పూర్తిస్థాయి ఐటీ ఉద్యోగి పాత్ర చేయడం 'ఖుషి'లోనే అనుకుంట! అందులోనూ సినిమాలోని కొత్త స్టిల్ చూస్తే... 'ఏ మాయ చేసావె'లో నడిచినట్టే ఉంది. అందులో చీర అయితే, 'ఖుషి'లో చుడిదార్! అదీ సంగతి! ఆ మధ్య హైదరాబాద్, దుర్గం చెరువు సమీపంలోని ఐటీ కంపెనీలలో విజయ్ దేవరకొండ, సమంత మీద కొన్ని సన్నివేశాలు తెరకెక్కించారు.

'ఖుషి' చిత్రంలో మలయాళ నటుడు జయరామ్, మరాఠీ నటుడు సచిన్ ఖేడేకర్, ఇంకా మురళీ శర్మ, లక్ష్మీ, అలీ, రోహిణి, 'వెన్నెల' కిశోర్, రాహుల్ రామకృష్ణ, శ్రీకాంత్ అయ్యంగార్, శరణ్య ప్రదీప్ తదితరులు నటిస్తున్నారు. ఈ చిత్రానికి ఫైట్స్: పీటర్ హెయిన్, సంగీత దర్శకుడు : హేషామ్ అబ్దుల్ వాహాబ్, సీఈవో : చెర్రీ, ఛాయాగ్రహణం: జి. మురళి.