Vignesh Shivan: ‘బాహుబలి’ సీన్‌ను రీక్రియేట్ చేసిన నయన్ భర్త విఘ్నేష్ శివన్ - నీటిలో మునుగుతూ..

Vignesh Shivan: సెల‌బ్రిటీలంతా ఫాద‌ర్స్ డే నిస్పెష‌ల్ గా చేసుకున్నారు. త‌మ ఆనందాన్నిఫ్యాన్స్ తో పంచుకున్నారు. విఘ్నేశ్ శివ‌న్ ఈ ఫాద‌ర్స్ డేని 'బాహుబ‌లి' రేంజ్ లో సెలబ్రేట్ చేసుకున్నార‌ట‌.

Image Credits: Wikki Official / Insta

Vignesh Shivan recreates iconic Baahubali pose: తండ్రి అయిన వేళ ప్ర‌తి ఒక్క‌రి జీవితంలో మ‌రిచిపోలేని జ్ఞాపకం అనే చెప్పాలి. త‌మ ముద్దుల బిడ్డ‌ల్ని ఎత్తుకుని ఆడుతున్న ప్ర‌తి క్ష‌ణం వాళ్ల‌కి స్పెష‌లే. అలా ఫాద‌ర్స్ డే రోజున చాలామంది సెల‌బ్రిటీలు ఆ వేడుకను స్పెష‌ల్ గా జ‌రుపుకున్నారు. ప్రతి ఒక్కరూ తమ ప్రియమైన తండ్రితో ఉన్న అనుబంధాన్ని గుర్తు చేసుకుంటున్నారు. బిడ్డ‌ల‌తో గ‌డిపిన క్ష‌ణాల‌ను పోస్ట్ చేస్తూ.. త‌మ ఆనందాన్ని ఫ్యాన్స్ తో పంచుకున్నారు. రామ్ చ‌ర‌ణ్ క్లీంకార‌ను ఎత్తుకున్న ఫొటోల‌ను షేర్ చేసి అంద‌రికీ విషెస్ చెప్పారు. ఇక మ‌రో స్పెష‌ల్ ఏంటంటే ద‌ర్శ‌కుడు విఘ్నేశ్ శివ‌న్ పోస్ట్. బాహుబ‌లి సీన్ ని రీ క్రియేట్ చేస్తూ హ్యాపీ ఫాద‌ర్స్ డే విషెస్ చెప్పారు ఆయ‌న‌. 

'బాహుబ‌లి' సీన్ తో.. 

విఘ్నేశ్, న‌య‌న‌తార‌ల‌కు క‌వ‌ల పిల్ల‌లు. వాళ్ల పేర్లు ఉయిర్ (Uyir),  ఉల‌గ్ (Ulag). వాళ్ల‌తో క‌లిసి ఫాద‌ర్స్ డేని చాలా స్పెష‌ల్ గా జ‌రుపుకున్నారు నయ‌న‌తారు, విఘ్నేశ్. ఆ ఫొటోల‌ను సోష‌ల్ మీడియాలో షేర్ చేశారు. తన కవల పిల్లలు తో ఐకానిక్‌ 'బాహుబలి' సన్నివేశాన్ని రీ క్రియేట్‌ చేశారు. 'బాహుబ‌లి' సినిమాలో ర‌మ్య‌కృష్ణ నీటిలో మునుగుతూ.. పిల్లాడిని పైకి లేపి ప‌ట్టుకుంటుంది. అదే సీన్ ని రీ క్రియేట్ చేశారు.

విఘ్నేశ్ కూడా నీటిలో మునిగి త‌న కొడుకును పైకి ప‌ట్టుకుని ఫొటోల‌కు ఫోజులిచ్చారు. ‘మైడియ‌ర్ బాహుబ‌లి 1 & 2 మీ వ‌ల్ల‌నే నాకు ఇది హ్యాపీ ఫాద‌ర్స్ డే. మీ ఇద్ద‌రి వ‌ల్లే నా జీవితం అద్భుతంగా ఉంది. ల‌వ్ యూ మై ఉయిర్ (Uyir),  ఉల‌గ్ (Ulag)’  అంటూ పోస్ట్ చేశారు. ఇదే విష‌యాన్ని న‌య‌న తార కూడా త‌న ఇన్ స్టాలో పోస్ట్ చేస్తూ హ్యాపీ ఫాద‌ర్స్ డే విషెస్ చెప్పారు. ఆమె పోస్ట్ చేసిన వీడియో అంద‌రినీ ఆక‌ట్టుకుంటోంది. ఈ ఫొటోలు సోష‌ల్ మీడియాలో తెగ వైర‌ల్ అవుతున్నాయి. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Vignesh Shivan (@wikkiofficial)

స‌రోగ‌సి ద్వారా.. 

న‌య‌తార విఘ్నేశ్ ఇద్ద‌రు ప్రేమించి పెళ్లి చేసుకున్న విష‌యం తెలిసిందే. ఈ ఇద్ద‌రు దంప‌తులు 2022 అక్టోబ‌ర్ లో పిల్ల‌ల్ని వెల‌క‌మ్ చేశారు. పెళ్లైన నాలుగు నెల‌ల‌కే న‌య‌న‌తార, విఘ్నేశ్ లు స‌రోగ‌సి ద్వారా పిల్ల‌ల్ని క‌న్నారు. వాళ్ల‌తో క‌లిసి ఇద్ద‌రు చాలా హ్యాపీగా గ‌డుపుతుంటారు. ట్రిప్పుల‌కు వెళ్ల‌డం, వాళ్ల‌కు సంబంధించిన ఫొటోలు, వీడియోలు ఎప్ప‌టిక‌ప్పుడు సోష‌ల్ మీడియాలో పోస్ట్ చేస్తుంటారు ఇద్ద‌రు. 

ఇక సినిమాల విష‌యానికొస్తే న‌య‌న‌తార వ‌రుస సినిమాలు, సిరీస్ ల‌తో బిజీగా ఉన్నారు. ఆమె న‌టించిన 'టెస్ట్', 'మ‌న్న‌గ‌ట్టి సిన్స్ 1960', రిలీజ్ కి సిద్ధంగా ఉన్నాయి. ఇక ప్ర‌స్తుతం ఆమె నివిన్ పౌలితో 'డియ‌ర్ స్టూడెంట్' సినిమా చేస్తున్నారు. విఘ్నేశ్ శివ‌న్ ప్ర‌స్తుతం ప్ర‌దీప్ రంగ‌నాథ‌న్, కృతి శెట్టి, ఎస్ జే సూర్య కాంబినేష‌న్ లో 'ల‌వ్ ఇన్సూరెన్స్' అనే సినిమాని డైరెక్ట్ చేస్తున్నారు.