'గాండీవధారి అర్జున' ప్రీ టీజరే ఈ రేంజ్ లో ఉంటే.. మరి టీజర్ పరిస్థితేంటీ..?

ప్రవీణ్ సత్తారు దర్శకత్వం వహిస్తోన్న మెగా ప్రిన్స్ వరుణ్ తేజ్ లేటెస్ట్ సినిమా గాండీవధారి అర్జున ప్రీ టీజర్ వీడియో రిలీజైంది.

గాండీవధారి అర్జున ప్రీ టీజర్(Image Credits: Varun Tej/Twitter)

Gandeevadhari Arjuna Pre Teaser : మెగా ప్రిన్స్ వరుణ్ తేజ్ నటిస్తోన్న నెక్స్ట్ సినిమా 'గాండీవధారి అర్జున'. మేకర్స్ ముందు చెప్పినట్టుగానే ప్రీ టీజర్ వీడియోను రిలీజ్ చేశారు. ప్రవీణ్ సత్తారు దర్శకత్వం వహిస్తోన్న ఈ సినిమా ప్రీ టీజర్.. మూవీపై మరింత క్యూరియాసిటీని పెంచుతోంది. ఫస్ట్ లుక్ తోనే ఆడియన్స్ కు ఆసక్తి రేకెత్తిన ఈ మూవీ.. తాజాగా రివీలైన ఈ వీడియోలో వరుణ్ తేజ్ పాత్రకు సంబంధించిన ఫోర్స్ ను చాలా పవర్ ఫుల్ గా చూపించారు. భారీ గన్స్ తో శత్రువులను వేటాడడంతో మొదలుపెట్టినట్టుగా తెలుస్తోంది. అంతే కాదు వరుణ్ తేజ్ రోల్ చాలా స్టైలిష్ గా ఉండనుందని ఈ టీజర్ ను బట్టి తెలుస్తోంది. 

ఇప్పటికే ఈ మూవీ నుంచి రిలీజైన పోస్టర్స్ కు భారీ రెస్పాన్స్ రాగా.. ఇప్పుడు ప్రీ రిలీజ్ వీడియో మూవీపై మరింత బజ్ ను క్రియేట్ చేస్తోంది. గన్స్, కార్ అండ్ బైక్ సీన్స్, యాక్షన్ సీన్స్ పై ఒక్కో షాట్ చూపించి మూవీలో యాక్షన్ ఏ రేంజ్ లో ఉండబోతుందో చెప్పాడు డైరెక్టర్. ఇప్పటి వరకు ఫ్యామిలీ అండ్ లవ్ స్టోరీస్ తో అలరించిన మెగా ప్రిన్స్ కూడా.. మొదటిసారి ఫుల్ యాక్షన్ మోడ్ లోకి దిగబోతున్నాడు. ఇక ఈ ప్రీ టీజర్ విషయానికొస్తే.. వరుణ్ కారులో స్పీడ్ గా వస్తుండడంతో ఈ వీడియో స్టార్ట్ అవుతుంది. కారు దిగగానే.. ఓ పెద్ద గన్ తీసుకుని.. శత్రువుల ఆట కట్టిస్తూ వచ్చే యాక్షన్ సీన్స్ మూవీపై భారీ అంచనాలను క్రియేట్ చేస్తున్నాయి. ప్రీ టీజర్ కే ఇంత రెస్పాన్స్ వస్తే.. ఇక రేపు విడుదల కాబోయే పూర్తి టీజర్ వీడియో ఇంకెలాంటి అంచనాలను క్రియేట్ చేస్తాయోనని సినీ ప్రేక్షకులు ఆత్రుతగా ఎదురుచూస్తున్నారు.

ఈ సందర్భంగా ప్రీ టీజర్ వీడియోను షేర్ చేసిన వరుణ్ తేజ్.. పూర్తి టీజర్ వీడియో ఖచ్చితంగా ఓవర్ డ్రైవ్ చేస్తుందంటూ క్యాప్షన్ లో రాసుకువచ్చారు. వరుణ్ కాన్ఫిడెంట్ ను చూస్తుంటే.. మూవీ పై మరింత హైప్ క్రియేట్ చేసేందుకు పవర్ ఫుల్ టీజర్ నే సిద్ధం చేసినట్టు తెలుస్తోంది. 

Here is the pre-teaser of #GandeevadhariArjuna

I bet the teaser will have you in overdrive.
Coming soon!💯@PraveenSattaru @sakshivaidya99 @MickeyJMeyer @SVCCofficial @JungleeMusicSTH#GDAonAugust25th pic.twitter.com/HqrXhHbgzT

— Varun Tej Konidela (@IAmVarunTej) July 12, 2023

ఇక 'గాండీవధారి అర్జున' సినిమాలో వరుణ్ తేజ్ సరసన హీరోయిన్ సాక్షి వైద్య నటిస్తోంది. బీవీఎస్ఎన్ ప్రసాద్ ప్రొడ్యూస్ చేస్తున్న ఈ మూవీలో వరుణ్ ఏజెంట్ గా కనిపించబోతున్నాడు. వరుణ్ తేజ్ లాస్ట్ సినిమా 'గని' బాక్సాఫీసు వద్ద తీవ్రంగా నిరాశపరిచింది. ప్రస్తుతం వస్తున్న గాండీవధారి అర్జునతో మంచి హిట్ అందుకుంటాడని అభిమానులు ఆశిస్తున్నారు. ప్రవీణ్ సత్తారు మొదటి నుంచి కూడా యాక్షన్ కంటెంట్ ఉన్న కథల వైపునే దృష్టి పెడుతూ వెళ్లాడు. ఆయన ఇంతకుముందు చేసిన సినిమాలే అందుకు ఉదాహరణగా చెప్పవచ్చు. అదే తరహాలో ఈ సినిమాలోనూ ఎక్కువగా యాక్షన్ కంటెంటే కనిపిస్తోంది. ఇక ఈ మూవీలో విమలా రామన్, నాజర్, వినయ్ రాయ్‌లు ఇతర ముఖ్య పాత్రల్లో నటిస్తున్నారు. మిక్కీ జే మేయర్ సంగీతం అందిస్తున్న ఈ సినిమా.. ఆగష్టు 25న థియేటర్లలో రిలీజ్ కాబోతుంది.

ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial